16 naýryzda Qazaqstan men Ózbekstan arasynda avtobýstar qaıta júre bastaıdy

TAShKENT. QazAqparat – 16 naýryzdan bastap Qazaqstan men Ózbekstan arasyndaǵy avtobýs qatynasy qaıta jandanady, dep habarlaıdy QazAqparat Ózbekstannyń Kólik mınıstrligine silteme jasap.

Eki el tasymaldaýshylary kelesi marshrýttar boıynsha reıs jasaıtyn bolady: Tashkent – Nur-Sultan, Tashkent – Almaty, Tashkent –Qyzylorda, Tashkent – Túrkistan, Tashkent – Іrgeli, Shyrshyq – Shymkent jáne Shyrshyq – Almaty.

Vedomstvo qazirgi kezde Ózbekstannan Qazaqstan arqyly Reseı men Qyrǵyzstanǵa tranzıttik tasymaldaýdy uıymdastyrý boıynsha kelissóz júrip jatqanyn málim etti.

Eske sala keteıik, eki el arasyndaǵy halyqaralyq avtobýs qatynasy týra eki jyl buryn, 2020 jyldyń 16 naýryzynda koronavırýs pandemııasyna baılanysty toqtap qalǵan edi.