16 NAÝRYZ. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

16 NAÝRYZ, JEKSENBІ

Respýblıkalyq Ulannyń qurylǵan kúni (1992). 1992 jylǵy naýryzdyń 16-ynda Qazaqstan Respýblıkasynyń Prezıdenti Nursultan Nazarbaevtyń Jarlyǵymen Almaty oblysy Qaskeleń aýdanynyń Krasnyı Vostok kentinde ornalasqan Іshki áskerlerdiń shuǵyl maqsattaǵy jeke brıgadasy negizinde Qazaqstan Respýblıkasynyń Respýblıkalyq Ulany quryldy. Respýblıkalyq Ulanǵa Respýblıkanyń memlekettik bılik jáne basqarmalardyń joǵarǵy organdaryn, Prezıdenttiń, Parlament pen Úkimet basshylarynyń kólik quraldaryn Respýblıka aýmaǵynda jáne syrt jerlerde kúzetý, QR Memlekettik týy men Memlekettik eltańbasynyń etalondaryn kúzetý, shetel memleketteri basshylaryn kútip alý, shyǵaryp salý kezinde, QR meıramdary men saltanattarynda joralǵylyq rásimderdi oryndaý, memlekettik jáne qoǵamdyq qaýipsizdikke áser etetin quqyq tártibin buzýshylardy toqtatý, QR aýmaǵyndaǵy konstıtýtsııaǵa qarsy sıpattaǵy qarýly jáne basqa da áreketterdi toqtatý, QR zańdarynda kózdelgen tártipte tótenshe jaǵdaı rejimi kezinde is-sharalar júzege asyrý mindettelgen. Sonymen qatar gvardııa Elbasy jáne basqa da kúzetiletin tulǵalardyń qaýipsizdigin qamtamasyz etedi, tizbesin Qazaqstan Respýblıkasynyń Prezıdenti bekitetin asa mańyzdy nysandardy, ǵımarattar men qyzmettik úı-jaılardy kúzetedi.

Kúrd halqynyń ulttyq aza tutý kúni. 1988 jyly ırak áskerleri kúrdterdiń Halabadja qalasyna hımııalyq qarý tastady. Jaýyzdyq saldarynan 15 myń beıbit turǵyn qaza tapty.

ESTE QALAR OQIǴALAR

82 jyl buryn (1932) B.Maılınniń «Kelin men shesheı», K.Qyrqymbaevtyń «Kelinshek» atty komedııalarymen Jambyl aýdandyq teatry óz shymyldyǵyn ashty. Teatrdyń alǵashqy trýppasy quramynda S.Atamqulov, J.Abyzbaev, S.Abyzbaeva, Sh.Sákıev, M.Tabanov, t.b. akterler óner kórsetti, al rejısserlik jumysty R.Ábdirahmanov, J.Arǵynbaev atqardy. Aýdandyq teatr 1940 jyly oblystyq qazaq drama teatry bolyp quryldy. 1945 jyly Abaı esimi berildi. Teatr sahnasynda qazaq dramatýrgterimen qatar shet el dramatýrgteriniń týyndylary boıynsha spektaklder qoıylyp keledi.

16 jyl buryn (1998) Y.Altynsarın atyndaǵy Bilim problemalary ǵylymı-zertteý ınstıtýtynyń ataýy Y.Altynsarın atyndaǵy Qazaq bilim akademııasy bolyp ózgerdi.

70 jyl buryn (1944) ákimshilik ortalyǵy Kókshetaý qalasy bolǵan Kókshetaý oblysy quryldy. Oblys respýblıkadaǵy astyqty óńirdiń biri boldy. Onyń aýmaǵy batystan shyǵysqa 600 shaqyrymǵa jýyq, soltústikten ońtústikke 200 shaqyrymnan astam jerdi alyp jatty. Oblys 1997 jyly mamyrdyń 3-inde Soltústik Qazaqstan oblysyna qosylýyna baılanysty taratyldy. 1999 jyly onyń úsh aýdany jáne Kókshetaý qalasy Aqmola oblysynyń quramyna endi.

70 jyl buryn (1944) ákimshilik ortalyǵy Taldyqorǵan qalasy bolǵan Taldyqorǵan oblysy quryldy. Oblys 1997 jyly Almaty oblysyna qosylýyna baılanysty taratyldy.

9 jyl buryn (2005) Almatyda, Abaı atyndaǵy Qazaq ulttyq pedagogıkalyq ýnıversıtetiniń tarıh fakýltetinde tanymal ǵalym-pedagog Januzaq Qasymbaev atyndaǵy aýdıtorııa ashyldy.

Januzaq Qasymbaev (1941-2004) - tarıh ǵylymdarynyń doktory, professor, Qazaqstan Respýblıkasynyń halyqqa bilim berý isiniń úzdigi, Qazaqstan Respýblıkasy halyqqa bilim berý isiniń eńbek sińirgen qyzmetkeri, Qazaqstan Respýblıkasy Gýmanıtarlyq Ǵylymdar Akademııasynyń akademıgi, Qyrǵyzstan Tarıhshylar qaýymdastyǵynyń qurmetti múshesi, Qazaqstan Respýblıkasy Ulttyq Ǵylymdar Akademııasynyń «Parasat» ordenimen jáne Qurmet gramotasymen marapattalǵan. 1981 jyldan Abaı atyndaǵy Qazaq ulttyq pedagogıkalyq ýnıversıteti Qazaqstan tarıhy kafedrasyn basqardy. Osy ýnıversıtette 40 jyldan asa qyzmet etti. Negizgi ǵylymı zertteý jumystarynyń baǵyty - Reseıge qosylǵan Qazaqstan ólkeleri, XVIII ǵasyr men HH ǵasyrdyń basyndaǵy ult-azattyq qozǵalystar, kóshpendi jáne otyryqshy turǵyndardyń Ortalyq Azııa elderimen qarym-qatynastary, halyqaralyq saıası jáne saýda-sattyq baılanysy, XVIII ǵasyr men XIX ǵasyrdyń birinshi jartysyndaǵy qazaq handarynyń ómiri men qyzmetteri.

9 jyl buryn (2005) Oralda Plıasýnkov kóshesindegi tanymal jýrnalıst, respýblıkamyzdyń eńbek sińirgen mádenıet qaıratkeri Naýryzǵalı Sydyqovtyń turǵan úıdiń qabyrǵasyna eskertkish taqta ornatyldy.

Naýryzǵalı Sydyqov (1928-1998) qazirgi Bókeı orda aýdanynda dúnıege kelgen. Eńbek jolyn 1944 jyly orta mekteptiń muǵalimi bolyp bastady. Oral Pedagogıkalyq ınstıtýtyn bitirgen soń, partııanyń oblystyq komıtetinde jaýapty oryndarynda qyzmet istedi. 1964-1988 jyldary oblystyq teleradıokomıtetti basqardy jáne onyń tabysty damýy men qalyptasýyna óziniń úlesin qosty. «Qurmet belgisi» ordenimen, medaldarmen marapattalǵan.

5 jyl buryn (2009) Qazaqstan Respýblıkasy Prezıdenti Nursultan Nazarbaev Birikken Arab Ámirlikteriniń joǵarǵy nagradasy - Zaıd ordenimen marapattaldy.

Zaıd ordeni Birikken Arab Ámirlikteriniń negizin qalaǵan sheıh Zaıd ben Sultan ál-Nahaııannyń qurmetine bekitilgen marapat. Ol eki jaqty qatynastardyń damyýyna erekshe úles qosqan shet memleketteriniń basshylaryna tabys etiledi.

5 jyl buryn (2009) Almatyda «Alash Orda» derekti fılminiń tanystyrylymy boldy.

Fılmniń rejısseri - qazaqstandyq tanymal kınomatografıst Qalıla Omarov. Fılm Qazaqstan Respýblıkasynyń aqparat jáne mádenıet mınıstrliginiń tapsyrmasymen «Alash» qozǵalysynyń 90 jyldyǵyna arnalyp túsirilgen. 52 mınýttyq fılmniń stsenarııin jazǵan Bolat Múrsálim, kompozıtory Aqan Musaqulov.

4 jyl buryn (2010) Ál-Farabı atyndaǵy Qazaq ulttyq ýnıversıtetinde «Qazaqstannyń memlekettik aqparattyq saıasaty: bolashaqqa kózqaras» atty ádistemelik oqý quralynyń tusaý keseri ótti.

Qazaqstandaǵy aqparat saıasaty taqyrybynda QazUÝ-dyń jýrnalıstıka fakýltetiniń ustazdary Astana, Almaty, Taldyqorǵan, Óskemen, Oral qalalaryndaǵy BAQ ókilderi, jýrnalıstıka fakýltetiniń stýdentterine sheberlik synyptaryn ótkizgen. Sonymen qatar aımaqtardaǵy aqparattyq saıasat týraly zertteý júrgizgen. Búgin tusaýy kesilgen kitap osy sharalardyń qorytyndysy boıynsha jaryq kórip otyr. Kitapta aqparattyq keńistik týraly zertteý jumystary, aımaqtarda ótkizilgen sheberlik synyptary týraly materıaldar, BAQ ókilderi arasynda júrgizilgen áleýmettik zertteý nátıjeleri berilgen.

4 jyl buryn (2010) Sháken Aımanov atyndaǵy «Kazaqfılm» AQ-y, «Interfest» kompanııasymen birigip, «Mahabbat tálkegi» atty romantıkalyq komedııany prokatqa jiberedi. Fılmniń premerasy bir ýaqytta tórt elde - Qazaqstanda, Reseı men Ýkraınada jáne Belarýsta kórsetildi.

Kórkem fılmniń rejıssery reseılik Aleksandr Chernıaev jáne qazaqstandyq rejısser Erjan Rústembekov. Kıno týyndy Danııar Kúmisbaev, Erjan Rústembekov jáne Vladımır Zabalýevtyń stsenarııi boıynsha túsirildi. Fılmniń mýzykasyn jazǵan reseılik ánshi, ári kompozıtor Arkadıı Ýkýpnık. Fılmge «Kúndizgi sholǵynshy», «Toǵyzynshy rota», «Úlken qaladaǵy mahabbat» atty fılmderde oınaǵan ártis Alekseı Chadov, «Reketır», «Mahambet qylyshy» týyndylaryna túsken Ásel Saǵatova, sonymen qatar, Irına Rozanova, Erik Joljaqsynov, Farhat Ábdiraıymov, Olga Orlova, Natalıa Rýdova, Marına Chernıaeva, Gosha Kýtsenko, Artýr Smolıanınov syndy akterlar túsken.

ESІMDER

76 jyl buryn (1938-2012) fızıka-matematıka ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi ÁBDІLDIN Meıirhan Múbárákuly dúnıege keldi.

Reseı Federatsııasynyń Altaı ólkesinde týǵan. Qazaq memlekettik ýnıversıtetin, Lenıngrad memlekettik ýnıversıtetiniń aspırantýrasyn bitirgen. 1966-1970 jyldary - Qazaqstan Ǵylym akademııasy Astrofızıka ınstıtýtynyń kishi, aǵa ǵylymı qyzmetkeri. 1970 jyldan Qazaq memlekettik ýnıversıtetiniń professory, ýnıversıtet rektory bolǵan. Ǵalymnyń negizgi ǵylymı eńbekteri salystyrmalyq jáne gravıtatsııalyq teorııanyń kúrdeli máselelerin sheshýge arnalǵan. Eınshteınniń jalpy salystyrmalyq teorııasyndaǵy deneler qozǵalysy problemasyn zerttegen, denelerdiń ilgerilemeli jáne aınalmaly qozǵalysynyń relıatıvıstik teńdeýlerin negizdegen. Eınshteınniń gravıtatsııa teorııasy mehanıkasynyń máselelerin zertteýdiń jańa ádisterin damytyp, jalpy salystyrmalyq teorııasy negizinde deneler qozǵalysynyń adıabattyq teorııasyn jetildirgen. Deneniń menshikti aınalysy jónindegi máselelerdi zertteýde gıdrodınamıkalyq analogııany qoldaný ıdeıasyn usynǵan.

140 jyl buryn (1874-1938) aǵartýshy-pedagog, Alash qozǵalysyna qatysýshy, Alash partııasynyń, Batys Alashordanyń múshesi IMANǴAZIEV Tólegen dúnıege keldi.

Batys Qazaqstan oblysynda týǵan. Ákesi Imanǵazy Oral-Jympıty-Oıyl joly boıyndaǵy Qaraqudyq degen jerde laý aýystyratyn beket ustaǵan dáýletti adam bolǵan. 1887-1890 jyldary Gýrev ýezine qarasty 2 klastyq bolystyq mektebin, Oral qalalyq orys-qazaq ýchılışesin bitirgen. 1890-1894 jyldary Orynbor orys-qazaq mektepteri muǵalimderi mektebin altyn medalmen támamdaǵan. 1917-1918 jyldary Aqpan tóńkerisinen soń jergilikti ózin-ózi basqarý júıesin qurý, zemstvolyq oqý-aǵartý isin jolǵa qoıý isine belsene aralasyp, Batys Alashorda oqý-bilim komıtetine múshe boldy. 1918-1929 jyldary Qaratóbede ótken ІІІ Oral bolystyq qazaq seziniń delegaty, Alash mılıtsııasynyń Oıyldaǵy mektebinde muǵalim qyzmetterin atqardy. 1929-1938 jyldary Jaqsybaı ortalaý mektebinde jaǵrafııa, orys tili jáne eńbekke baýlý pánderinen sabaq berdi. 1937 jyly buryn bolys bolyp, Batys Alashorda qyzmetine qatysqany úshin, «dinı qaıratkerler Q.Qýanyshqalıev, H.Nurmuhamedovpen baılanys jasady, panıslamızmdi nasıhattaýshy, belsendi Alashordashyl» degen aıyppen tutqynǵa alyndy. 1938 jyly atylyp, 1991 jyly aqtaldy.

75 jyl buryn (1939-2004) jazýshy, Qazaqstannyń eńbek sińirgen qaıratkeri NAIMANBAEV Qaldarbek dúnıege keldi.

Ońtústik Qazaqstan oblysynyń Maqtaaral aýdanynda týǵan. Qazaq memlekettik ýnıversıtetin bitirgen. 1960-1970 jyldary qazirgi «Jas Alash» gazetiniń redaktsııasynda ádebı qyzmetker, bólim meńgerýshisi, jaýapty hatshy, bas redaktordyń orynbasary qyzmetterin atqarǵan. 1970-1976 jyldary - «Bilim jáne eńbek» (qazirgi «Zerde») jýrnalynyń bas redaktory. 1976-1984 jyldary - Qazaqstan Jazýshylar odaǵy basqarmasynyń ekinshi hatshysy. 1986-1987 jyldary - Respýblıkalyq avtorlar quqyǵyn qorǵaý agenttiginiń dırektory. 1987-1988 jyldary - «Ara-Shmel» jýrnalynyń bas redaktory. 1988-1991 jyldary - «Jazýshy» baspasynyń dırektory. 1991-1996 jyldary Qazaqstan Jazýshylar odaǵy basqarmasynyń birinshi hatshysy qyzmetterin atqardy. 1992 jyldan Dúnıejúzi qazaqtary qaýymdastyǵy tóralqasy tóraǵasynyń birinshi orynbasary bolǵan. Ol Dúnıejúzi qazaqtary qaýymdastyǵy tóraǵasynyń birinshi orynbasary retinde sheteldegi qazaqtardyń tynys-tirshiligine qatysty problemalardy respýblıkanyń basshy bılik organdaryna jetkizip, olardyń oıdaǵydaı sheshilýine at salysty. Qazaqstan Respýblıkasy Joǵarǵy Keńesiniń depýtaty boldy. Qalamgerdiń «Dańq tuǵyrynda», «Qoshtasqym kelmeıdi», «Bastaý», «Sol bir tún», «Úmit ótkeli», «Beımaza qonaq», «Aptap», «Shilde», «Kóktóbe», taǵy basqa kitaptary jaryq kórgen.

65 jyl buryn (1949-2003) fızıka-matematıka ǵylymdarynyń doktory, professor, Qazaqstan Memlekettik syılyǵynyń laýreaty, «Reseıdiń eńbek sińirgen ınjeneri», birneshe halyqaralyq akademııalardyń tolyq múshesi SMAǴULOV Shaltaı dúnıege keldi.

Almaty oblysynyń Balqash aýdanynda týǵan. Novosibir memlekettik ýnıversıtetin, KSRO ǴA Teorııalyq jáne qoldanbaly mehanıka ınstıtýtynyń aspırantýrasyn bitirgen. 1972-1984 jyldary aralyǵynda Reseıdiń joǵary oqý oryndarynda, ǵylymı-zerttteý mekemelerinde qyzmet istegen. Osy kezeńde ol akademık N.ıAnenkonyń jetekshiligimen álemdik matematıka ǵylymynda áli sheshimin tappaǵan kúrdeli másele - Nave-Stoks problemasyn zertteýdi bastady. Osy problemany teorııalyq jáne qoldanbaly turǵydan zertteý ádisin dáleldep, usyndy. Bul álemdik matematıka ǵylymyna «Smaǵulov teoremasy» degen atpen úlken jańalyq retinde endi. 1984 jyly arnaıy shaqyrtýmen Qazaq memlekettik ýnıversıtetiniń matematıka fakýltetine jumysqa aýysqan ǵalym 1996-2001 jyldary Qazaqstan Respýblıkasy Mehanıka jáne matematıka ǵylymı-zertteý ınstıtýtynyń dırektory, 2001-2003 jyldary Qazaq ulttyq ýnıversıtetiniń mehanıka-matematıka fakýltetiniń dekany boldy. Smaǵulov esepteý matematıkasy, matematıkalyq modeldeý, matematıkanyń fızıkadaǵy teńdeý teorııasy máselelerin zerttep, osy ǵylym salalary boıynsha qazaqstandyq ǵalymdar mektebin qalyptastyrdy. Ǵylymnyń kókeıtesti máselelerine arnalǵan 120-dan asa ǵylymı eńbegi, sonyń ishinde 8 monografııasy jarııalandy. Sondaı-aq «Vychıslıtelnye tehnologıı», «Matematıcheskıı jýrnal», t.b. arnaýly ǵylymı basylymdardyń alqa múshesi-keńesshisi bolyp, birneshe halyqaralyq konferentsııalarda baıandama jasady. 2004 jyly Almaty oblystyq mektep-ınternatqa Smaǵulovtyń esimi berildi.

109 jyl buryn (1905-1984) qazaq aqyny BERSÚGІROVA Dámesh dúnıege keldi.

Jetisý gýbernııasynda (qazirgi Almaty oblysy) týǵan. Almaty qalasynda qazaq-qyrǵyz jastarynan oqytýshylar daıarlaıtyn kýrsta oqyǵan.

Aýyldaǵy mádenı-aǵartý jumysyna belsene qatysyp, komsomol uıymynyń hatshysy, áıelder bóliminiń jetekshisi sııaqty qoǵamdyq qyzmetter atqarǵan. Kóp jyldar boıy mektepterde ustazdyq qyzmette bolǵan.

Tuńǵysh aqyndyq qadamyn ózi jetekshi bolǵan kórkemónerpazdar úıirmesinde usaq taqpaqtar, shaǵyn pesalar, «Tilshi» gazetine maqalalar jazýdan bastaǵan.

«Qońyr jorǵa», «Meńdiqyz», «Jaýynger ulyma», «Aǵady Aqsý» atty kólemdi týyndylary bar.

68 jyl buryn (1946-2001) sáýletshi, Qazaqstannyń eńbek sińirgen sáýletshisi JAQSYLYQOV Marat Faızýllauly dúnıege keldi.

Qostanaı qalasynda týǵan. Novosibir ınjenerlik-qurylys ınstıtýtyn bitirgen.

1969-1970 jyldary - Qazaqstan Avtomobıl joldary mınıstrligi Almaty qalalyq jobalaý ınstıtýtynyń sáýletshisi. 1970-2000 jyldary - Almaty qalalyq jobalaý ınstıtýtynyń bas sáýletshisi, atqarýshy dırektory qyzmetterin atqarǵan. Ol birneshe turǵyn úı jáne qoǵamdyq ǵımarattardyń, eskertkishterdiń, monýmentterdiń avtory. Olardyń ishinde Muhtar Áýezov atyndaǵy Qazaq akademııalyq drama teatryn, Almatynyń Samal-2 yqsham aýdanyn jáne Beıbitshilik kóshesi boıyndaǵy turǵyn úıler qurylysyn jobalaýǵa qatysqan.

Qazaq KSR Memlekettik syılyǵynyń laýreaty, Búkilodaqtyq «Lýchshıı proekt 1984 goda» jas sáýletshiler arasyndaǵy baıqaýynyń júldegeri atandy.

43 jyl buryn (1971) «Maqtaónerkásip» JShS-niń prezıdenti ABASOV Ermek Begalyuly dúnıege keldi.

Ońtústik Qazaqstan oblysy Saıram aýdanynda týǵan. V.I. Lenın atyndaǵy Qazaq polıtehnıkalyq ınstıtýtyn (qazirgi Qanysh Sátbaev atyndaǵy Qazaq ulttyq tehnıkalyq ýnıversıteti) bitirgen.

1993-1994 jyldary - «Qazaqmaqtadaıyndaýónerkásibi» syrtqy ekonomıkalyq baılanystar jónindegi óndiristik birlestiginiń mamany. 1994-1997 jyldary - «Maqta» AAQ-ynyń bólim bastyǵy. 1997-1998 jyldary - «Shymkent ónim» bırjasynyń prezıdenti. 1998-2000 jyldary - «Shymkent maqta» AQ Dırektorlar keńesiniń tóraǵasy. 2000-2004 jyldary - «Shymkent ónim» bırjasynyń prezıdenti. 1999-2004 jyldary - Ońtústik Qazaqstan oblystyq máslıhatynyń depýtaty bolǵan. 2004-2007 jyldary - Qazaqstan Respýblıkasy Parlamenti Májilisiniń depýtaty, Qarjy jáne bıýdjet jónindegi komıtetiniń, «Otan» respýblıkalyq saıası partııasy Parlamenttik fraktsııasynyń múshesi qyzmetterin atqarǵan. 2008 jyldan bastap - qazirgi qyzmetinde. Eki medalmen marapattalǵan.

61 jyl buryn (1953) TMD qatysýshy-memleketeri Lańkestikke qarsy ortalyǵy basshysynyń birinshi orynbasary, QR ІІM Qaraǵandy zań ınstıtýtynyń professory ORAZALIEV Moldııar Molybaıuly dúnıege keldi.

Tóle bı aýdany Kóksaıaq aýylynda týǵan, zańger, ıýstıtsııa general-maıory. KSRO ІІM-niń Qaraǵandy Joǵarǵy mektebin bitirgen (1974). 1974 - 76 j. Shymkent oblysy atqarý komıteti niń ishki ister basqarmasy (ІІB) qylmysty izdestirý bóliminiń aǵa ınspektory. 1976 - 87 j. Shymkent qalasynyń Eńbekshi aýdany atqarý komıtetiniń ishki ister bóliminiń qylmysty izdestirý bóliminiń bastyǵy, ishki ister bólimi bastyǵynyń orynbasary, bastyǵy, oblysy atqarý komıteti niń ІІB-nyń qylmysty izdestirý bóliminiń bastyǵy, Kırov aýdany atqarý komıteti niń ishki ister bólimi bastyǵynyń orynbasary, 1988 j. Shymkent oblysy atqarý komıteti niń ІІB-niń ICh-167/2 túzetý mekemesi bastyǵynyń shuǵyl rejımdegi orynbasary. 1988 - 99 j. Shymkent qalasynda Dzerjınsk aýdany atqarý komıteti niń ishki ister bólimi bastyǵynyń orynbasary, oblysy atqarý komıteti niń ІІB-niń Sotsıalıstik menshikti talan-tarajǵa salýmen kúres bólimi bastyǵynyń orynbasary, bastyǵy. ІІB-niń ekonomıkalyq bóliminiń bastyǵy, krımınaldy mılıtsııa bóliminiń bastyǵy, oblysy ІІB bastyǵynyń orynbasary, Aqmola oblysy memlekettik tergeý komıteti niń (MTK) basqarma bastyǵy, Qazaqstan Respýblıkasy MTK tóraǵasynyń orynbasary, ekonomıkalyq qylmysty tergeý Bas basqarmasynyń bastyǵy, oblysy ІІBB-niń bastyǵy. 1999 jyldan Qazaqstan Respýblıkasy Іshki ister mınıstriniń birinshi orynbasary, Almaty qalalyq ІІBB-nyń bastyǵy (2004). 2006-2007 jyldary Qostanaı oblysy ishki ister departamentiniń bastyǵy. 2007-2009 jyldary - QR ІІM Ákimshilik polıtsııasy komıtetiniń tóraǵasy. !! dárejeli «Dańq» ordenimen, kóptegen medaldarmen marapattalǵan.

56 jyl buryn (1958) Qostanaı oblysy Áýlıekól aýdanynyń ákimi NURǴALIEV Jomart Mırasuly dúnıege keldi.

Qostanaı oblysynda týǵan. Qostanaı pedagogıkalyq ınstıtýtyn, A.Baıtursynov atyndaǵy Qostanaı memlekettik ýnıversıtetin bitirgen, mamandyqtary: tarıh pániniń muǵalimi, ǵalym-agronom. Qarasý aýdandyq oqý bóliminiń ınspektory, aýdandyq komsomol komıtetiniń hatshysy, Qostanaı aýdandyq partııa komıtetinde nusqaýshy, bólim meńgerýshisi, keńshar dırektory, partııa komıtetiniń hatshysy, aýyl sharýashylyǵy qurylymdarynda basshylyq jumystarda boldy. 1994-1997 jyldary - Qostanaı oblystyq syrtqy ekonomıkalyq baılanystar komıtetiniń tóraǵasynyń orynbasary. 1997-1999 jyldary - Qostanaı oblystyq ónerkásip jáne saýda basqarmasynyń bólim bastyǵy. 1999 jyly - «Ivolga-Altyn» JShS-nyń kommertsııalyq jumystar jónindegi dırektory. 1999-2000 jyldary - «Sadchıkovskoe» JShS dırektory. 2000-2006 jyldary «Ivolga-Holdıng» JShS bas dırektorynyń orynbasary, osy holdıngtiń Qostanaı oblysynyń ortalyq aımaqtary boıynsha aımaqtyq dırektory. 2006-2009 jyldary - Meńdiqara aýdanynyń ákimi. 2009-2012 jyldary - Qostanaı qalasynyń ákimi. Qazirgi qyzmetinde - 2012 jyldan beri.

227 jyl buryn (1787-1854) nemis fızıgi, elektr órisi negizgi zańynyń (Om zańy) avtory Georg OM dúnıege keldi.

155 jyl buryn (1859-1906) orys fızıgi jáne elektr tehnıgi, radıony oılap tapqan POPOV Aleksandr Stepanovıch dúnıege keldi.