16 naýryzda respýblıka boıynsha qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
2026 jylǵy 16 naýryzda respýblıkalyq mańyzy bar kelesi avtojol ýchaskelerinde barlyq kólik túri úshin qozǵalys ashyq:
Qostanaı oblysy
• «Astana — Atbasar — Jaqsy — Rýzaevka — Sarykól — Qostanaı — RF shekarasy» avtojoly, 555-682-shaqyrym aralyǵy (Tobyl qalasy — Sarykól kenti);
• «Qostanaı — Rýdnyı — Denısovka — Komsomolskoe — Qarabutaq» avtojoly, 320-501-shaqyrym aralyǵy (Bestóbe kenti — Rýdnyı qalasy);
• «Qostanaı — Áýlıekól — Surǵan» avtojoly, 8-218-shaqyrym aralyǵy (Tobyl qalasy — Oktıabrskıı kenti).
Jabyq joldar
Aqtóbe oblysynda aýa raıynyń nasharlaýyna baılanysty kelesi ýchaskede júk jáne qoǵamdyq kólikterge qozǵalys shekteldi:
• «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojoly, 776–1153 km («Eko Oıl» janarmaı beketi — Yrǵyz kenti).
Pavlodar oblysy
• «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesinde (Qalqaman kentine kireberis pen Astana baǵytyna shyǵar jol) qozǵalys shekteldi.
Shyǵys Qazaqstan oblysy
• Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qysqy maýsym aıaqtalǵansha saqtalady.
Eske salaıyq, sınoptıkter 16 naýryzda Qazaqstannyń 13 oblysynda jáne Astanada aýa raıyna baılanysty eskertý jasady.
