16 myń astanalyqtyń memleket aldyndaǵy qaryzy 907 mln. teńgeni qurap otyr
ASTANA. QazAqparat - 16 myń astanalyqtyń salyq boıynsha memleket aldyndaǵy qaryzy 907 mln. teńgeni qurap otyr. Bul týraly búgin Astana qalalyq prokýratýrasynda ótken brıfıngte Sottarda memleket múddesine ókildik etý jónindegi basqarma basshysy Berik Adamov málim etti.
Prokýratýra ókiliniń aıtýynsha, búgingi kúni ákimshilik aıyppuldardy óndirip alýǵa erekshe mán berilip otyr. «Bul rette ákimshilik aıyppuldyń 18 myńǵa tarta qujaty boıynsha qaldyq somasy 531 mln. teńgeni quraıdy. Al 16 myń qujatty qamtıtyn memleket aldyndaǵy salyqtyq bereshek 907 mln. teńgeni qurap otyr. ıAǵnı, 16 myń azamat kólikteri, jer ýchaskeleri boıynsha salyqtyq júktemelerin tólemeı otyr degen sóz», - dedi Berik Adamov.
Onyń sózine qaraǵanda, atqarylyp jatqan qujattardyń barlyǵy boıynsha boryshkerlerdiń múlikterin arestke alý, Qazaqstannan shet elge shyǵýyna shekteýler qoıý sekildi sharalar belsendi túrde atqaryla bastady. Sonymen qatar, qaryzy barlardy ustap, olardyń avtokólikterin aıyppul turaǵyna qoıý maqsatynda reıdter de júrgizilýde.
«Osyǵan baılanysty Astana qalasynyń turǵyndaryna ózderin qaryzy barlardyń bazasynan tekserýin jáne salyqtyq qaryzdary men ákimshilik aıyppuldaryn ýaqytyly tóleýlerin suraımyz. Áıtpese sot organdary arqyly qaryzdy májbúrli óndirý, arestke alynǵan múlikterdi satý jáne jeke tulǵalardyń el aýmaǵynan shyǵýyna shekteý qoıý sekildi sharalar qoldanylatynyn eske salamyz. Al ondaı máseleler ornymen júzege aspaǵan jaǵdaıda prokýratýra organdary men sot oryndaýshylary sot aktilerin oryndaý maqsatynda qylmystyq is qozǵaýǵa deıin jazalaý sharalaryn qoldanatyn bolady», - dedi Astana qalasy prokýratýrasynyń ókili.
