16 mln teńgege qatysty alaıaqtyq qylmys jasaǵany úshin izdeýde bolǵan Qazaqstan azamaty Máskeýde ustaldy
ASTANA. QazAqparat - Máskeýde «Vnýkovo» áýejaıynda 16 mln teńgege qatysty alaıaqtyq jasaǵany úshin izdeýde bolǵan Qazaqstan azamaty ustaldy. Bul týraly Astana ІІD baspasóz qyzmeti habarlady.
«Astana qalasy ІІD Tergeý basqarmasymen 1971 j.t. Typ Stanıslav Ivanovıchke qatysty asa iri mólsherdegi alaıaqtyq faktisi boıynsha qylmystyq is tergelýde. Oǵan halyqaralyq izdeý jarııalanyp, Reseı Federatsııasynyń aýmaǵynda (Máskeý q. «Vnýkovo» áýejaıynda) ustalǵan. Astana q. ІІD-ne 5 jábirlenýsheden aryz kelip tústi, keltirilgen zalaldyń jalpy somasy 16 mln. teńgege jýyq. Qazirgi ýaqytta Astana qalasy ІІD ustalynǵan kúdiktige qatysty azamattardan onyń alaıaqtyq áreketi faktisi boıynsha aryzdar kelip túsýde. S. Typtyń zańǵa qaıshy áreketinen zardap shekkender sany budan da kóp bolýy múmkin. Onyń alaıaqtyq áreketteri faktisi boıynsha azamattardan shaǵymdar túsýi jalǵasýda, dep naqtylady polıtsııadan. Astana qalasy ІІD Typ Stanıslav Ivanovıchtyń alaıaqtyq áreketinen zardap shekken azamattar bolsa, kelesi telefon nómirleri boıynsha habarlasýdy suraıdy: (7172)71-63-34, 71-62-26,uıaly tel: 8701-720-44-53, 8778-461-57-346 nemese«102».
