16 mln teńge jymqyrǵan «Órken» sport mektebi qyzmetkerleri tergelip jatyr
TALDYQORǴAN. QazAqparat - Bıýdjet qarajatyn jymqyrdy degen kúdikpen Jetisý oblysyndaǵy «Órken» balalar-jasóspirimder sport mektebi qyzmetkerlerine qatysty sotqa deıingi tergeý amaldary júrip jatyr, dep habarlaıdy QazAqparat.
Qarjy monıtorıngi agenttiginiń málimetinshe, mekeme qyzmetkerleri 2015-2022 jyldary jumysqa qabyldanyp, shyn máninde naqty jumys istemegen alty adamǵa jalaqy esepteý arqyly 16 mln teńgeden astam bıýdjet qarajatyn zańsyz aýdarǵan.
Sotqa deıingi tergeý jalǵasyp jatyr.
QR QPK 201-babyna sáıkes, tergeý múddesin kózdeıtin ózge de málimetter jarııalanbaıdy.
