16 mln qazaqstandyqtyń jeke dereginiń taralý faktisine qatysty qylmystyq is qozǵaldy
ASTANA. KAZINFORM – Qazaqstannyń shamamen 16 mıllıon azamatynyń jeke derekteriniń aýqymdy taralý faktisi boıynsha qylmystyq is qozǵaldy. Bul týraly QR Bas prokýrorynyń orynbasary Ǵalymjan Qoıgeldıev málim etti.
Onyń aıtýynsha, tergeýdi bastaý týraly tapsyrmany Bas prokýrordyń ózi berdi. Materıaldar Іshki ister mınıstrligine joldandy, atalǵan vedomstvo tergeý sharasyn júrgizedi.
Birer kún buryn 16 302 107 mln Qazaqstan azamatynyń jeke derekteri qaıda tarap ketkeni jóninde joramal aıtylǵan edi.
Keıin Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev memlekettik derekqor bazasy buzylmaǵanyn aıtyp sendirdi.
Sondaı-aq jeke derekter taralyp ketkennen keıin qazaqstandyqtar JSN-in qaıta jasatýy kerek pe degen saýalǵa jaýap izdegen edik.
