16 mln adamnyń jeke dereginiń taralýy: UQK tergeý amaldaryn jalǵastyryp jatyr
ASTANA. KAZINFORM — QR Ulttyq qaýipsizdik komıteti 16 mln qazaqstandyqtyń jeke dereginiń taralý faktisine qatysty tergeý amaldary jalǵasyp jatqanyn habarlady.
- Kórsetilgen fakti boıynsha Qylmystyq kodekstiń 208-babyna sáıkes, Ulttyq qaýipsizdik komıteti sotqa deıingi tergep-tekserý amaldaryn júrgizip jatyr. Qylmystyq-protsestik kodekstiń 201-babynyń 1-tarmaǵy aıasynda ózge aqparat jarııa etýge jatpaıdy, - delingen UQK-nyń Kazinform agenttigine bergen jaýabynda.
Eske sala ketsek, buǵan deıin 16 mln qazaqstandyqtyń jeke dereginiń qaıdan tarap ketkeni jóninde joramal aıtylǵan edi.
Keıin Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev memlekettik derekqor bazasy buzylmaǵanyn aıtyp sendirdi.
Bıyl maýsym aıynda 16 mln qazaqstandyqtyń jeke dereginiń taralý faktisine qatysty qylmystyq is qozǵalǵany týraly jazǵan edik. Sol kezde materıaldar Іshki ister mınıstrligine joldanǵany jáne osy vedomstvo tergeý sharasyn júrgizetini málim boldy.
Shilde aıynda Densaýlyq saqtaý mınıstrligi 16 mıllıon qazaqstandyqtyń jeke dereginiń taralý faktisine qatysty resmı túsinik berdi.