16 myńǵa jýyq adam bankrot dep tanyldy – Qarjy mınıstrligi
ASTANA. KAZINFORM – Bankrottyq rásimine 110 myńnan astam adam ótinim berdi. Bul týraly QR Qarjy vıtse-mınıstri Erjan Birjanov málim etti.
«Byltyrǵy naýryz aıynan qazirge deıin 16 myńǵa jýyq adam bankrot dep tanyldy. Jalpy, 110 myńnan astam adam ótinim berdi. Atap aıtqanda, bankrottyq rásimin jeńildetýge baǵyttalǵan jańa túzetýlerdi qabyldadyq, ıaǵnı qujattar boıynsha talaptar azaıdy. Osydan keıin ótinim beretinder sany ósedi degen oıdamyz», - Erjan Birjanov Senattyń jalpy otyrysynan keıin tilshiler suraǵyna jaýap bere otyryp.
Eske salsaq, 2023 jyly 3 naýryzdan bankrottyqqa ótinim qabyldaý bastalady.
Atap aıtqanda, elimizde qaryz máselesin sheshýdiń 3 rásimi eskerilgen, ıaǵnı sottan tys bankrottyq, sot arqyly bankrottyq jáne tólem qabiletin qalpyna keltirý joldary bar. Sottan tys bankrottyq bank, mıkroqarjy uıymdary men kollektorlyq agenttikter alyndaǵy 1 600 AEK-ten (5,9 mln teńgeden aspasa) tómen bereshek boıynsha qoldanylady. Bul is-shara 6 aıǵa sozylady. Onyń barysynda boryshkerdiń shottaryndaǵy qarajatqa, múlikke qatysty monıtorıng jasalady.
