16 myń shaqyrym: álemdegi eń uzaq tikeleı áýe reısi 2027 jyly iske qosylady
ASTANA. KAZINFORM – Uzyndyǵy 16 myń shaqyrymnan asatyn jáne 19-22 saǵatqa sozylatyn álemdegi eń uzaq tikeleı jolaýshylar reısi Aýstralııanyń Sıdneı qalasy men Ulybrıtanııanyń London qalasyn baılanystyrady, dep habarlaıdy Euronews.
Álemdegi eń uzaq tikeleı jolaýshylar reısin iske qosý 2027 jyldyń qazanyna josparlanǵan.
Aýstralııanyń Qantas áýe kompanııasy bul baǵytta qatynaıtyn arnaıy jańǵyrtylǵan Airbus A350-1000ULR ushaǵynyń alǵashqy úlgisin tanystyrdy. Sıdneı men London arasyndaǵy ushý uzaqtyǵy 19 saǵattan 22 saǵatqa deıin barady.
Qazirgi ýaqytta álemdegi eń uzaq turaqty tikeleı jolaýshylar reısi retinde Singapore Airlines áýe kompanııasynyń Sıngapýr men Nıý-Iork arasyndaǵy baǵyty sanalady. Bul reıs 15 349 shaqyrymdy 19 saǵatqa jetpeıtin ýaqytta eńseredi.
Birneshe jyl buryn Qantas kompanııasy ushýdyń ushqyshtarǵa, ekıpaj múshelerine jáne jolaýshylarǵa áserin zertteý maqsatynda eń uzaq tikeleı kommertsııalyq jolaýshylar reısin júzege asyrǵan.
Jáne aýstralııalyq osy Qantas álemdegi eń qaýipsiz áýe kompanııasy atanǵanyn jazdyq.
