16 maýsym kúni respýblıkanyń keı jerlerinde qubylmaly aýa raıy saqtalady - Qazgıdromet
ASTANA. QazAqparat - 16 maýsym kúni Qazaqstannyń soltústik jáne shyǵys bólikterinde atmosferalyq frontaldy bólikterdiń ótýine baılanysty qubylmaly aýa raıy saqtalady, jańbyr jaýyp, naızaǵaı bolady, jel kúsheıedi, túnde soltústiktiń keı jerlerde tuman bolady, respýblıkanyń batysy men ońtústiginde jaýyn-shashynsyz aýa raıy kútiledi.
Bul týraly «Qazgıdromet» RMK habarlady.
Aqmola, Pavlodar, túnde Qaraǵandy, kúndiz Jambyl jáne Ońtústik Qazaqstan oblystarynyń keı jerlerinde jel 15-20 m/s kúsheıedi. Túnde Solústik Qazaqstan oblysynyń keı jerlerinde tuman bolady. Aqtóbe oblysynda, Mańǵystaý, Atyraý, Batys Qazaqstan oblystarynyń keı jerlerinde óte qatty ystyq kútiledi. Atyraý, Ońtústik Qazaqstan oblystarynyń kóptegen bólikterinde, Batys Qazaqstan, Aqtóbe, Qyzylorda, Qaraǵandy, Jambyl jáne Almaty oblystarynyń keı jerlerinde óte joǵary órt qaýipi saqtalady.
