16 maýsym kúngi aýa raıy boljamy
NUR-SULTAN. QazAqparat – 16 maýsym kúni atmosferalyq frontaldy bólikterdiń ótýine baılanysty, elimizdiń batys, soltústik jáne ońtústik-shyǵysyndaǵy taýly aýdandarda naızaǵaı, ótkinshi jańbyr, burshaq kútiledi. Respýblıkanyń qalǵan bóliginde jaýyn-shashynsyz aýa raıy boljanady. Jekelegen óńirde ekpindi jel turady, ońtústikte shańdy daýyl, ońtústik-batys jaǵalaýynda túnde jáne kúndiz tuman bolady, dep habarlaıdy QazAqparat.
«Qazgıdromet» RMK málimetinshe, Jambyl oblysynyń keı jerlerinde jeldiń ekpini 23 m/s kúsheıedi, kúndiz taýly aýdandarynda daýyl, burshaq boljanady.
Túrkistan oblysynda, kúndiz Qyzylorda oblysynyń keı jerlerinde jel shańdy daýylmen birge kóterilip, kúshi 15-23 m/s artady.
Batys Qazaqstan oblysynda, kúndiz Atyraý oblysynyń keı jerlerinde jel 15-20 m/s kúsheıedi. Batys Qazaqstan oblysynda sondaı-aq burshaq jaýady.
Soltústik Qazaqstan oblysynda, kúndiz Aqmola, Pavlodar, Qaraǵandy oblystarynyń keı jerlerinde jeldiń jyldamdyǵy 15-20 m/s quraıdy. Soltústik Qazaqstan oblysynda sondaı-aq daýyl turady.
Mańǵystaý oblysynda túnde jáne tańerteń tuman kútiledi.
Kúndiz Mańǵystaý, Batys Qazaqstan, Atyraý, Aqtóbe, Qostanaı, Pavlodar oblystarynda, Soltústik Qazaqstan oblysynyń keı jerlerinde, Qaraǵandy oblysynyń ońtústiginde qatty ystyq bolady.
Sonymen qatar Qyzylorda, Pavlodar, Túrkistan oblystarynda, Jambyl Aqtóbe, Qostanaı, Qaraǵandy, Almaty, Shyǵys Qazaqstan, Aqmola, Batys Qazaqstan oblystarynyń jekelegen aýdandarynda óte joǵary órt qaýpi kútiledi.
