16 maýsym. Kazinform kúntizbesi. Tulǵalar týǵan kún

52 jyl buryn (1974) Qazaqstan Respýblıkasy Syrtqy ister mınıstriniń birinshi orynbasary Erjan Nıgmatýllauly AShYQBAEV dúnıege keldi.

Almaty qalasynda týǵan. 1998 jyly ál-Farabı atyndaǵy Qazaq memlekettik ýnıversıtetin bitirgen, halyqaralyq qatynastar salasynyń mamany, eki shet tilin meńgergen referent-eltanýshy. 2012 jyly Garvard ýnıversıtetiniń Dj.Kennedı atyndaǵy Memlekettik basqarý mektebi magıstratýrasynyń memlekettik basqarý mamandyǵyn bitirgen, «Bolashaq» baǵdarlamasynyń stıpendıaty.

Eńbek joly: 1998-1999 jyldary QR Syrtqy ister mınıstrligi departamenti Azııa, Taıaý Shyǵys jáne Afrıka basqarmasynyń referenti, 1999-2001 jyldary QR Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi, ekinshi hatshysy, 2001-2002 jyldary QR Syrtqy ister mınıstrligi Ekonomıkalyq saıasat departamenti Eýropa jáne Amerıka elderimen ekonomıkalyq yntymaqtastyq bóliminiń bastyǵy, 2002-2005 jyldary Qazaqstan Respýblıkasynyń Belgııa Koroldigindegi Elshiliginiń birinshi hatshysy. 2005 jyly UR Syrtqy ister mınıstrligi Halyqaralyq gýmanıtarlyq jáne ekonomıkalyq yntymaqtastyq departamenti dırektorynyń orynbasary laýazymyn atqarǵan. 2005-2007 jyldary QR Syrtqy ister mınıstri keńsesiniń jetekshisi, 2007-2009 jyldary QR Syrtqy ister mınıstrligi Halyqaralyq aqparat komıtetiniń tóraǵasy, 2009-2011 jyldary Erekshe tapsyrmalar jónindegi elshi — QR Syrtqy ister mınıstriniń keńesshisi, 2012 jyly QR Premer-Mınıstr keńsesi basshysynyń orynbasary, 2012-2013 jyldary QR Prezıdenti Ákimshiliginiń Syrtqy saıasat ortalyǵynyń meńgerýshisi, 2013-2021 jyldary QR Syrtqy ister mınıstriniń orynbasary, 2021-2025 jyldary Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti Elshisi qyzmetin atqarǵan.

2025 jyldyń qazanynan bastap qazirgi qyzmetinde.

«Eren eńbegi úshin» (2014), «Qazaqstan halqy Assambleıasyna 20 jyl» (2015), «Qazaqstan Konstıtýtsııasyna 20 jyl» (2015), «Qazaqstan Respýblıkasy Іshki ister mınıstrligi Tótenshe jaǵdaılar komıtetine 20 jyl» (2015), «Qazaqstan Respýblıkasynyń táýelsizdigine 25 jyl» (2016); «Qazaqstan Respýblıkasynyń dıplomatııalyq qyzmetine 25 jyl» (2017); «QR UQK shekara qyzmetine 25 jyl» (2017), «Astana 20 jyl» (2018) medaldarimen marapattalǵan.

48 jyl buryn (1978) Qazaqstan Respýblıkasynyń Bas joǵary prokýrory Berik Qýanyshbekuly JÚIRІKTAEV dúnıege keldi.

«Turan» ýnıversıtetin bitirgen Ádilettiń 3-synyptaǵy memlekettik keńesshisi (05.2019).

Eńbek joly: 1999-2010 jyldary Almaty qalasy jáne Almaty oblysy prokýratýrasynda túrli qyzmetterde jumys istegen. 2010-2013 jyldary Almaty qalasy prokýrorynyń orynbasary, Almaty oblysy prokýrorynyń birinshi orynbasary, 2013-2018 jyldary
Almaty qalasy prokýrorynyń birinshi orynbasary, 2018-2023 jyldary
Almaty qalasynyń prokýrory, 2023-2025 jyldary Pavlodar oblysynyń prokýrory laýazymyn atqarǵan.

Qazirgi qyzmetin 2025 jyldyń qyrkúıeginen bastap atqaryp keledi.

І dárejeli «Dańq» ordenimen (2025), ІІ dárejeli «Dańq» ordenimen (2018), «Jaýyngerlik erligi úshin» (2014) medalimen marapattalǵan.

45 jyl buryn (1981) «Qazaqstan» respýblıkalyq teleradıokorporatsııasy» AQ Basqarma tóraǵasy Ernur Kósherhanuly BÝRAHAN dúnıege keldi.

Abaı oblysynda týǵan. Shákárim atyndaǵy Semeı memlekettik ýnıversıtetin «tarıhshy» mamandyǵy boıynsha, ál-Farabı atyndaǵy Qazaq ulttyq ýnıversıtetin bitirgen (áskerlik ákimshilendirý magıstri).

Eńbek jolyn televızııa salasynan bastaǵan. 2001-2008 jyldary telearnada redaktor, bas redaktor boldy. 2007-2011 jyldary «Qazaqstan» Ulttyq arnasynyń elordadaǵy aqparattyq-saraptamalyq baǵdarlamalar dırektsııasynda kommentator, redaktor, shef-redaktor qyzmetin atqardy.

2011 jyldan bastap ár jyldary oblys ákiminiń baspasóz hatshysy, bas ınspektor, «Samuryq-Qazyna» jyljymaıtyn múlik qory» aktsıonerlik qoǵamynyń, Eńbek jáne halyqty áleýmettik qorǵaý mınıstrliginiń baspasóz hatshysy bolyp eńbek etti. 2013-2015 jyldary Shyǵys Qazaqstan oblysy Іshki saıasat basqarmasy basshysynyń orynbasary laýazymyn atqardy.2015-2017 jyldary Aqtóbe oblysy ákiminiń apparaty basshysynyń orynbasary boldy.

2017-2019 jyldary «Qazaqstan» RTRK AQ Aqtóbe oblystyq fılıalynyń dırektory, 2019-2023 jyldary «Qazaq radıolary» seriktestiginiń Bas dırektory, 2024-2025 jyldary Shyǵys Qazaqstan oblysy ákiminiń keńesshisi, 2025 jyly Shyǵys Qazaqstan oblysy ishki saıasat basqarmasynyń basshysy qyzmetin atqardy.

2025 jyldyń 18 tamyzynan «Qazaqstan» Respýblıkalyq teleradıokorporatsııasynyń Basqarma tóraǵasy qyzmetinde.

40 jyl buryn (1986) «Samuryq-Qazyna» AQ Tsıfrlandyrý jónindegi basqarýshy dırektory Abylaıhan Esenuly OSPANOV dúnıege keldi.

Almaty qalasynda týǵan. L.Gýmılev atyndaǵy Eýrazııa ulttyq ýnıversıtetin, Sh. Ýálıhanov atyndaǵy Kókshetaý memlekettik ýnıversıtetin támamdaǵan.

Ár jyldary «Jasyl el» jastar eńbek jasaqtarynyń respýblıkalyq shtabynda, túrli kommertsııalyq uıymdarda, «Ulttyq aqparattyq tehnologııalar» AQ, ishki ister, baılanys jáne aqparat, kólik jáne kommýnıkatsııalar, ınvestıtsııalar jáne damý mınıstrlikterinde, QR Baılanys jáne aqparat agenttiginde, «Nur Otan» partııasy ortalyq apparatynyń qabyldaýynda, «Almaty qalasyn damytý ortalyǵy» AQ jumys istedi. 2017-2019 jyldary «Azamattarǵa arnalǵan úkimet» memlekettik korporatsııasy» KEAQ basqarma tóraǵasy boldy. 2019-2021 jyldary QR Tsıfrlyq damý, qorǵanys jáne aeroǵarysh ónerkásibi vıtse-mınıstri (tsıfrlyq damý, ınnovatsııalar jáne aeroǵarysh ónerkásibi), 2021-2024 jyldary «Bank Frıdom Fınans Qazaqstan» AQ basqarýshy dırektory, 2024-2025 jyldary QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri laýazymyn atqardy.

2025 jyldyń tamyz aıynan bastap qazirgi qyzmetinde.

90 jyl buryn (1936-2023) QR Mıneraldyq resýrstar akademııasynyń múshesi, Qazaqstandaǵy geologııalyq barlaý salasynyń negizin qalaýshy ǵalym Oral Aqsholaquly AQShOLAQOV dúnıege keldi.

Týǵan jeri — Gýrev qalasy. I. M. Gýbkın atyndaǵy Máskeý munaı ınstıtýtyn támamdaǵan. Geolog, geologııa-mınerologııa ǵylymdarynyń kandıdaty, QR jer qoınaýyn barlaý isiniń úzdigi, QR jer qoınaýynyń qurmetti barlaýshysy.

1958 jyldan bastap eńbek jolyn munaı jáne geologııa mekemelerinde bastaǵan. 1985-1988 jyldary Batys Qazaqstan uńǵymalardy geofızıkalyq zertteý ekspedıtsııasynyń bastyǵy, 1988-1992 jyldary Almaty geofızıka ekspedıtsııasynyń bas geology, «Qazgeofızıka» ÓGB geologııa bóliminiń bastyǵy, 1992-1994 jyldary QR Geologııa jáne jer qoınaýyn qorǵaý mınıstrliginiń munaı jáne gaz bas basqarmasynyń bastyǵy, 1994-1998 jyldary «Qazmemjerqoınaý» mıneraldyq resýrstar bas basqarmasy bastyǵynyń orynbasary, 1998-2001 jyldary «Stepnoı leopard» birlesken kásipornynyń bas dırektory, 2001-2003 jyldary «Ken-ekonomıkalyq konsaltıng» JShS bas mamany, 2003 jyly «Tsentrkonsaltıng» JShS dırektory qyzmetin atqarǵan. N. A. Marabaev atyndaǵy «Munaıshy» qoǵamdyq qory qamqorshylyq keńesiniń quryltaıshysy, múshesi.

«Qurmet» ordenimen, medaldarmen marapattalǵan.