16 mamyrdan bastap elordada keıbir joldar jabylady
Atap aıtqanda, Tarhan k-si Brýsılovskıı kóshesinen Asan Qaıǵy kóshesine deıin; Kúıshi Dına k-si Toqpanov kóshesinen Táýelsizdik dańǵylyna deıin, sondaı-aq Jumabaev k-sinen Abylaı han dańǵylyna deıin.
Bul kóshelerdi qalpyna keltirý barysynda jol tósemi jańartylyp, aýystyrylady jáne eski ınjenerlik jeliler qaıta salynady, joldyń júrý bóligi keńeıtiledi, qosymsha turaq oryndary, trotýarlar men jaıaý júrginshiler joldary jasalady, jol qozǵalysyn retteý úshin jańa baǵdarsham sıgnalızatsııalary, jol belgileri jáne basqa da tehnıkalyq quraldar ornatylady.
Sonymen qatar, joldyń joǵarǵy qabatyn tóseý úshin qalanyń kelesi bólikterinde joldar jabylady: 14 (túnde) -18 mamyrda Turan dańǵylynyń Qonaev k-sinen Dostyq k-sine deıingi bóligi; 16 mamyrdan 1 shildege deıin Bógenbaı batyr dańǵylynan Máskeý k-sine deıin, 20-25 mamyrdan Alash tas jolynan JEO-2 deıin; 25 mamyrǵa deıin Beısekova kóshesi Qorǵaljyn tas jolynan Seıfýllın k-sine deıin jáne 25 mamyrdan 30 maýsymǵa deıin Syǵanaq kóshesinen Qorǵaljyn tas jolyna deıingi jol; 10-15 maýsymda Esenberlın k-si Beıbitshilik k-sinen Jeńis dańǵylyna deıin; 1-25 maýsymda Syǵanaq k-si Beısekova kóshesinen Turan dańǵylyna deıin.
Budan basqa, ortasha jóndeý jumystaryn júrgizýge baılanysty 1 shildege deıin kelesi kóshelerde qozǵalys shekteledi: Aqmeshit k-si Saraıshyq k-sinen Syǵanaq k-sine deıin; Seıfýllın k-si Jeńis dańǵylynan Ýálıhanov k-sine deıin jáne Saryarqa dańǵylynan Jeńis dańǵylyna deıin; Qaldaıaqov k-si M-3 kópirinen Táýelsizdik dańǵylyna deıin; Qordaı k-si B.Momyshuly dańǵylynan №14 kóshege deıin; Gertsen k-si Karbyshev k-sinen Jeruıyq k-sine deıin; Taraz k-si Abaı kóshesinen Lermontov k-sine deıin; Tolstoı k-si Sembınov k-sinen Álimjanov k-sine deıin; Balqantaý k-si Tólebaev k-sinen Jumabaev dańǵylyna deıin; Oqjetpes k-si Beısekova k-sinen Kóktal k-sine deıin; Petrov k-si Jumabaev dańǵylynan Muńaıtpasov k-sine deıin; Jalel-Dýlatov-Beısekova-Gertsen kósheleriniń kvadraty; Almaty k-si Saýran k-sinen Qabanbaı batyr dańǵylyna deıin; Baıseıitova k-si Vagonnaıa k-sinen Konstıtýtsııa k-sine deıin; Manas k-si Abylaı han dańǵylynan bastap sońyna deıin; Túrkistan k-si Saraıshyq k-sinen Syǵanaq k-sine deıin; Chernyshevskıı k-si, sondaı-aq, Abylaı han dańǵyly B.Momyshuly dańǵylynan «Metro» ortalyǵyna deıin jáne Pýshkın k-sinen B.Momyshulyna deıin, Respýblıka dańǵylynda Samal shaǵyn aýdany men Táshenov k-si, Dúkenuly k-si boıyndaǵy «Ál Arqa» TK kirme joly, Qaraǵandy tas joly «Metro» ortalyǵynan Kúıgenjar turǵyn alabyna deıin.
Jalpy, vedomstvo bıyl 120 shaqyrym jolda jóndeý jumystaryn júrgizbek. Bul rette 46,4 km jol salynyp, qalpyna keltiriledi, sonyń ishinde 19,2 km qosylǵan turǵyn alaptarynda jáne 73,6 km jol jóndeledi.
Jol-qurylys jumystaryn júrgizý kezinde júrgizýshilerdi aqparattandyrý úshin osy kóshelerde qajetti eskertý jáne tyıym salý belgileri qoıylady, sondaı-aq, kólik júrgizýshilerinen jol baǵyttaryn aldyn ala josparlaýdy suraımyz, delingen habarlamada.
