16 mamyrda Qazaqstannyń 6 qalasynda jaısyz meteorologııalyq jaǵdaı qalyptasady
ASTANA. QazAqparat - 2018 jyldyń 16 mamyrynda Qazaqstannyń 6 qalasynda jaısyz meteorologııalyq jaǵdaı, aýanyń lastanýy boljanyp otyr, dep habarlaıdy QazAqparat «Qazgıdromet» RMK saıtyna silteme jasap.
Qaraǵandy men Oralda meteorologııalyq jaǵdaı ekinshi kún jaısyz bolady.
Aqtaýda, túnde Astanada, Atyraý men Taldyqorǵanda da meteorologııalyq jaǵdaı nasharlap, aýa lastanady.
Qostanaıda kerisinshe, meteorologııalyq jaǵdaı atmosferada lastaýshy zattardyń ydyraýyna ákelip soǵady. Qazaqstannyń qalǵan qalalary boıynsha sınoptıkter qandaı da bir ózgerister bolatynan boljamady.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi. QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri - sınoptıkalyq ahýalǵa (jel, jaýyn-shashyn, ylǵaldylyq, aýa temperatýrasy) jasalatyn boljam.
