16 mamyrda «Astana Piano Passion» baıqaýynyń jeńimpazdary anyqtalady
ASTANA. QazAqparat - Jas pıanıster baıqaýynyń jeńimpazdarynyń esimderi «Astana Piano Passion» baıqaýynyń jabylý saltanatynda belgili bolmaq.
Klassıkalyq mýzyka festıvaliniń jabylý saltanaty jas pıanıster baıqaýynyń qatysýshylary men qonaqtaryna kóptegen tosyn syı syılaıdy. Naq osy jerde baıqaýdyń eń qyzyq sáti - jeńimpazdardyń esimderi jarııalanatyn bolady. Budan basqa, is-shara qonaqtary qazirgi zamannyń eń kishkentaı jarqyn pıanısteriniń ónerlerin tamashalaı alady.
«Astana Piano Passion» festıvaliniń jabylýy 16 mamyr kúni «Astana Opera» opera jáne balet teatrynyń negizgi zalynda ótedi. Álemniń ár túkpirinen kelgen jas ónerpazdar úshin elordanyń zamanaýı kontserttik zaldarynda óner kórsetý olardyń talaptaryn qanattandyrýda keremet tájirıbe bolmaq. Jabylý saltanatynda qazaqstandyqtar tyńdaıtyn balalardyń kóbi kóp kúttirmeı-aq álemdik juldyz atanýy da ábden múmkin, dep habarlaıdy «Astana Opera» teatrynyń baspasóz qyzmetinen.
