16 mamyr kúngi aýa raıy boljamy
NUR-SULTAN. QazAqparat – 16 mamyrda soltústik-batys tsıklonynyń áserinen Qazaqstan aýmaǵynyń basym bóliginde qubylmaly kún raıy saqtalady, onymen naızaǵaı, jańbyr, soltústik-batysta qatty jańbyr kútiledi. Tek eldiń ońtústigi men ortalyǵynda antıtsıklon jotasy ashyq aýa raıyn qalyptastyrady. Respýblıka boıynsha jeldiń kúsheıýi, soltústikte, soltústik-batysta, ońtústik-shyǵysta daýyl, burshaq, ońtústikte, ońtústik-batysta shańdy daýyl, soltústik-batysta, shyǵysta tuman saqtalady. QazAqparat bul týraly Qazgıdrometke silteme jasap habarlaıdy.
Atap aıtqanda, Aqmola oblysynyń batysynda, soltústiginde, ońtústiginde naızaǵaı, burshaq kútiledi. Jeldiń ekpini 25 m/s kúsheıedi. Kúndiz Almaty oblysynyń taýly aýdandarynda naızaǵaı boljanady. Naızaǵaı kezinde jeldiń kúshi 15-20 m/s, Jalańashkól aýdanynda 24-29 m/s kúsheıedi.
Jambyl oblysynyń taýly aýdandarynda naızaǵaı, burshaq, daýyl boljanady. Tańerteń jáne kúndiz oblystyń ońtústik-batysynda, soltústik-shyǵysynda, taýly aýdandarynda jel 15-20 m/s artady. Qostanaı oblysynyń batysynda, soltústiginde, shyǵysynda naızaǵaı, burshaq, daýyl, túnde jáne tańerteń oblystyń soltústiginde tuman bolady.
Aqtóbe oblysynyń batysynda, soltústiginde naızaǵaı, burshaq kútiledi. Óńirdiń shyǵysynda, soltústiginde jeldiń kúshi 15-20 m/s artady.
Soltústik Qazaqstan oblysynyń batysynda, soltústiginde naızaǵaı, daýyl kútiledi. Jel ekpini 23-28 m/s jetýi yqtımal.
Kúndiz Pavlodar oblysynyń soltústiginde naızaǵaı, burshaq, 15-20 m/s ekpinde jel bolady.
Kúndiz Mańǵystaý oblysynyń batysynda naızaǵaı, shańdy daýyl kútiledi. Óńirdiń ońtústiginde jel 15-20 m/s artady.
Túnde Shyǵys Qazaqstan oblysynyń shyǵysynda, ońtústiginde naızaǵaı, tuman boljanady. Jeldiń kúshi 15-20 m/s jetedi.
Kúndiz Qyzylorda oblysynyń soltústiginde jeldiń jyldamdyǵy 15-20 m/s kúsheıip, shańdy daýyl turady.
Batys Qazaqstan oblysynda naızaǵaı, 15-20 m/s kekpinde jel boljanady.
Túnde Atyraý oblysynyń soltústiginde, shyǵysynda naızaǵaı kútiledi, kúndiz oblystyń soltústigi men ortalyǵynda jel 15-20 m/s kúsheıedi. Kúndiz Qaraǵandy oblysynyń batysynda jeldi kúshi 15-20 m/s jetedi.
