16 MAMYR. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

16 mamyr, SÁRSENBІ

DATALAR

Bıograftar kúni. Bıograf sóziniń ózi ejelgi grekterdiń eki sózinen shyqqan - ómir jáne jazamyn. Basqasha aıtqanda, bıografııa ózge bir nemese birneshe adamnyń qolymen jazylǵan adamnyń ómiri týraly baıan. Kóp jaǵdaıda bıografııa adam týraly alǵymyz kelgen aqparattyń alǵashqy kózi bolyp tabylady.

ESTE QALAR OQIǴALAR

10 jyl buryn (2000) akademık Ó.Joldasbekov (1931-1999) turǵan Astana qalasyndaǵy Abaı kóshesi 1/1 úıge eskertkish taqta ornatyldy. Ó.Joldasbekov - kórnekti memleket qaıratkeri, Qazaqstan Respýblıkasynyń jáne halyqaralyq syılyqtardyń laýreaty, áldeneshe ret Parlament depýtaty bolyp saılanǵan. Qazaqstan joǵary tehnıkalyq oqý oryndarynyń baǵdarlamasy men oqytý júıesin jasaýshylardyń biri.

6 jyl buryn (2006) Almatydaǵy Qazaq ulttyq agrarlyq ýnıversıtetinde álemge tanylǵan qazaq aqyny Oljas Súleımenovtyń mereıtoıyna oraı, aqyn atyndaǵy áleýmettik-gýmanıtarlyq bilim men tárbıe berý ortalyǵy ashyldy.

5 jyl buryn (2007) Shymkenttegi balalar men jasóspirimder ortalyǵynda Halyqtar dostyǵy murajaıy ashyldy.

5 jyl buryn (2007) Almatydaǵy Kóktóbede ataqty brıtandyq «Bıtlz» tobyna eskertkish ornatyldy.

88 jyl buryn (1924) balalarǵa arnalǵan «Mýrzılka» ádebı kórkemsýret jýrnalynyń alǵashqy sany jaryq kórdi.

83 jyl buryn (1929)  AQSh-ta Amerıkandyq kınoóneri akademııasynyń «Oskar» syılyǵy tabys etildi. Alǵashqy syılyq tabys etý rásiminen bastap radıodan tikeleı habar taratsa, al 1953 jyldan teledıdardan tikeleı efırden kórsete bastady. Qazirgi tańda atalǵan syılyqty tabys etý rásimi álemniń 10-daǵan elinde tilkeleı efırden kóretiledi.

5 jyl buryn (2007) Nıý-Iorktegi BUU-nyń shtab-páterinde Turaqty damý komıssııasynyń 15-shi sessııasy sheńberinde 2007-2024 jyldardaǵy Qazaqstannyń turaqty damý tujyrymdamasynyń tanystyrylymy ótti. Tanystyrylymdy BUU-daǵy Qazaqstannyń turaqty ókiliniń qatysýymen Qazaqstan Respýblıkasynyń Qorshaǵan ortany qorǵaý mınıstrligi uıymdastyrdy.

Tujyrymdama eldiń 2030 jylǵa deıingi uzaqmerzimdi damý baǵdarlamasyn jáne básekege qabiletti elý el qataryna kirý maqsatyn iske asyrýdyń eń mańyzdy quraly bolyp tabylady.

5 jyl buryn (2007) Almatyda «Esimizde sol soǵys» Estelik kitaby Qazaqstan Respýblıkasynyń Ortalyq memlekettik murajaıyna salanatty túrde tabys etildi.

460 betten turatyn bul jalǵyz dana kitapqa 1941-1945 jyldardaǵy Uly Otan soǵysyna qatysyp, aman qalǵan ardagerler men tylda qyzmet etken 200-den astam adamnyń qoltańbasy qaldyrylǵan. Bul kitapqa kelesi jyly bolatyn Jeńis kúnine deıin soǵystyń dámin tatyp, kózkórgen adamdar óz qoltańbalaryn qaldyra alady.

ESІMDER

77 jyl buryn (1935) aqyn ASQAR Orazaqyn Asqaruly dúnıege keldi.

Batys Túrkistan ólkesine qarasty Іle aımaǵynda týǵan. Úrimji qalasyndaǵy Ulttar ınstıtýtyn, S.M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.

1955 jyly atamekeni Qazaqstanǵa túbegeıli qonys aýdardy. Shekaradan óleń toly qoljazba dápterlerin ala kelgen Orazaqyn birden Almatydaǵy Jazýshylar odaǵyna kelip, aqyndar Hamıt Erǵalıev, Ǵafý Qaıyrbekov, Jappar Ómirbekovterge jolyǵady. Olar jas aqynnyń óleńderin unatyp, sol kezde baspaǵa daıyndalyp jatqan jas aqyndardyń «Qos júrek» atty jınaǵyna bir top óleńderin dereý engizedi. 1961 jyly arab árpin bilýine baılanysty arnaıy suranyspen Qazaq KSR Ǵylym Akademııasynyń Sh.Ýálıhanov atyndaǵy Tarıh, arheologııa jáne etnografııa ınstıtýtyna kishi ǵylymı qyzmetker bolyp ornalasady. 1964-1970 jyldary Qazaqstan Jazýshylar odaǵynyń Ádebıetti nasıhattaý bıýrosynda nusqaýshy, Poezııa sektsııasynda orynbasar bolyp qyzmet atqarady. 1970-1984 jyldary Kitap palatasynda bólim meńgerýshi, odan 1995 jylǵa deıin «Jalyn» baspasynda poezııa bóliminiń aǵa redaktory boldy.

«Qoryqtar álemine saıahat» dep atalatyn toptama óleńderi 1983 jyly Qazaqstan tabıǵat qorǵaý qoǵamynyń báıgesine ıe boldy. «Týǵan jerdiń kartasy» degen dastany 1974 jyly balalar men jastarǵa arnalǵan «Jalyn» baspasynyń jabyq konkýrsynda júldege ıe boldy. «Tuńǵysh», «Meıirim», «Beljaılaý», «Balqaraǵaı», «Órkesh», «Orbulaq», «Kúngeı», «Táýelsizdik tartýlary» atty jınaqtary jaryq kórdi. Ol qazaqtyń qara óleń túrlerin uzaq jyldar boıy el ishinen jınap, jıyrma myń joldyq eki kitabyn jarııalady. Bul eńbegi 1994 jyly Mádenıet mınıstrligi men Ǵylym akademııasy, Ádebıet ınstıtýty birigip jarııalaǵan aýyz ádebıetin jınaýshylarǵa arnalǵan báıgede birinshi oryndy jeńip aldy.

72 jyl buryn (1940-2011) aqyn, aýdarmashy, Qazaqstan Respýblıkasynyń mádenıet qaıratkeri, Jambyl Jabaev atyndaǵy Halyqaralyq syılyqtyń, Іlııas Jansúgirov atyndaǵy Qazaqstan Jazýshylar Odaǵy syılyǵynyń ıegeri DÚISENBAIULY Esenbaı dúnıege keldi.

Aqtóbe oblysy Baıǵanın aýdanynda týǵan. Ál-Farabı atyndaǵy Qazaq ulttyq ýnıversıtetin bitirgen.

Alǵashqy eńbek jolyn Jarqamys orta mektebinde muǵalimdikten bastaǵan. Keıinnen Temir jáne Baıǵanın aýdandyq jáne Aqtóbe oblystyq gazetteriniń ádebı qyzmetkeri, aǵa tilshisi, bólim meńgerýshisi, redaktordyń orynbasary boldy. 1978-2007 jyldary respýblıkalyq «Jalyn», «Ana tili», «Rarıtet», «Jazýshy» baspalarynyń aǵa redaktory, jetekshi redaktory, aýdarmashy-redaktory, redaktory qyzmetterin atqarǵan.

«Bozala tań men boztorǵaı», «Aqpeıil», «Ulanǵaıyr», «Ashyq aspan», «Aq jelkendi aǵystar», «Bizdiń tolqyn», «Ashyq hat», «Tań torǵaıy», «Úsh-bulaq», «Sanamaq», «Álippe - tilashar», «Meniń jańa astanam», «Jańbyr áni» atty jyr jınaqtarynyń avtory.

M.Gorkııdiń «Ádebıet týraly», G.Lomıdzeniń «Uly dostyq ulaǵaty» kitaptaryn, Ál-Hamısı lırıkasyn, B.Abakırovanyń jyrlaryn qazaq tiline tárjimalaǵan.

86 jyl buryn (1926-1979) músinshi MOLDANIıAZOV Ensen dúnıege keldi.

Aqmola oblysynda týǵan. Uly Otan soǵysyna qatysqan. Tashkent kórkemsýret ýchılışesin bitirgennen keıin Almaty qalasynda turyp, jumys istegen. «Kúres», «Qorǵanys» atty jumystardyń, Keńes Odaǵynyń Batyrlary N.Ábdirov pen Chıstıakov eskertkishteriniń avtory. Sondaı-aq kompozıtor M.Tólebaevtyń, saıası qaıratker S.Kırovtyń, aqyn T.Jarokovtyń, sýretshi Á.Qasteevtiń bıýstin jasaǵan.

86 jyl buryn (1926-2004) sýretker jáne grafıkshi KVAChKO Ivan Egorovıch dúnıege keldi.

Aqmola oblysynyń Ereımentaý aýdanynda týǵan. Almaty kórkemsýret ýchılışesin bitirgen. Uly Otan soǵysyna qatysqan. Onyń «Іle ózenimen», «Aral teńizi», «Indýstarldy Qazaqstan», «Shekarashylar», «Almatınka ózeni», «Sharyn shatqaldary», «Ystyqkóldegi qys», t.b. týyndylary bar.

Otan soǵysy ordenimen jáne medaldarmen marapattalǵan.

76 jyl buryn (1936-1998) balalar jazýshysy ETEKBAEV Muhamedhan dúnıege keldi.

Almaty oblysynyń Jambyl aýdanynda týǵan. Qazaq memlekettik ýnıversıtetiniń jýrnalıstıka fakýltetin bitirgen. «Egemen Qazaqstan», «Ulan» gazetterinde, Qazaq teledıdarynyń balalar redaktsııasynda qyzmet istegen. 1966 jyldan Jambyl murajaıynyń dırektory bolǵan. Jazýshy qalamynan jıyrmaǵa tarta balalar men jasóspirimderge arnalǵan kitaptar jaryq kórgen. Solardyń ishinde «Altyn múıizdi kıik», «Qısyq butaq», «Qyzyl ala avtobýs», «Japalaq týraly ertegi», «Bolatbek», «Jambyldyń mýzeı úıi», «Jomart jaz», «Bala qyran», «Taýtekeli bıik», «Aıtolqyn» sekildi týyndylary jas urpaqtyń súıikti kitaptaryna aınaldy.

76 jyl buryn (1936) qaýipsizdik organdarynyń qurmetti qyzmetkeri, general-maıor BELGІBAEV Ánýarbek dúnıege keldi.

Óskemen qalasynda týǵan. KSRO MQK Kýrsyn bitirgen. 1962-1983 jyldary Qazaq KSR MQK organdarynda qyzmet istegen. 1983-1987 jyldary KSRO MQK 2-shi bas basqarmasynyń bólim bastyǵynyń orynbasary, 1987-1995 jyldary Taldyqorǵan oblysy boıynsha MQKB-UQKB-nyń bastyǵy bolǵan. 1995 jyly zeınet demalysyna shyqqan.

71 jyl buryn (1941) ánshi, Qazaqstannyń halyq ártisi, Qazaqstan jáne Orta Azııa opera ánshileriniń aımaqtyq baıqaýynyń laýreaty ÚMBETÁLIEV Aleksandr (Shora) Bısemǵalıuly dúnıege keldi.

RF-nyń Astrahan oblysynda týǵan. Astrahan keme júrgizý ýchılışesin, Almaty memlekettik konservatorııasyn bitirgen. 1968 jyldan Abaı atyndaǵy opera jáne balet teatrynyń solısi. 1983 jyldan Almaty konservatorııasynda dáris beredi. Ol Syrttan («Abaı» A.Jubanov jáne L.Hamıdı), Bekejan jáne Qojaq («Qyz Jibek» pen «Er Tarǵyn» E.Brýsılovskıı), Janbota («Birjan-Sara» M.Tólebaev), Taıshyq han («Alpamys» E.Rahmadıev), Keńgirbaı («Eńlik-Kebek» Ǵ.Jubanova), Mylqaý jáne Abylaı han («Aqan seri - Aqtoqty» jáne «Jumbaq qyz» S.Muhamedjanov), Mazamhan («Sadyr palýan», Q.Qojamııarov), Melnık («Rýsalka» A.Dargomyjskıı) partııalaryn úzdik oryndaýshylardyń biri. Sondaı-aq onyń repertýarynda qazaqtyń halyq ánderi «ıApyraı», «Qaratorǵaı» jáne t.b. bar. Gastroldik saparmen Reseıdiń kóptegen qalalarynda jáne Fınlıandııa, Anglııa, Danııa, Úndistan, Norvegııa memleketterinde bolǵan.

71 jyl buryn (1941) fızıka-matematıka ǵylymdarynyń kandıdaty, professor BAIMAǴAMBETOV Otarbaı dúnıege keldi.

Qyzylorda oblysynyń Aral aýdanynda týǵan. Orsk qalasyndaǵy tehnıkalyq ýchılışeni, Qazaq memlekettik ýnıversıtetiniń mehanıka-matematıka fakýltetin bitirgen. 36 ǵylymı jumystyń avtory. 1969-1983 jyldary Tselınograd qalasyndaǵy S.Seıfýllın atyndaǵy pedagogıkalyq ınstıtýttyń oqytýshysy, aǵa oqytýshysy, Qazaq memlekettik ýnıversıtetiniń zertteýshisi, aspıranty. 1983-1998 jyldary Aqtóbe pedagogıka ınstıtýty matematıkalyq analız kafedrasynyń dotsenti, kafedra meńgerýshisi, pedagogıka fakýltetiniń dekany bolǵan. Qazir osy ınstıtýttyń matematıkalyq analız kafedrasynyń professory.

61 jyl buryn (1951) Qazaqstan Respýblıkasynyń memlekettik qyzmet isteri agenttiginiń Pavlodar oblysy boıynsha basqarmasynyń bastyǵy - Qazaqstan Respýblıkasy memlekettik qyzmet isteri agenttiginiń Pavlodar oblysy boıynsha Tártiptik keńesiniń tóraǵasy - RAMAZANOV Nurlan Amanollauly dúnıege keldi.  

N.A. Ramazanov 1951 jylǵy 16 mamyrda dúnıege kelgen. Qazaq polıtehnıkalyq ınstıtýtyn «ónerkásip mekemelerin elektrmen qamtý» mamandyǵy boıynsha, SSSR Mınıstrleriniń Keńesindegi halyqtyq sharýashylyq akademııasyn «ekonomıka, halyqtyq sharýashylyqty josparlaý, jáne uıymdastyryp basqarý» mamandyǵy boıynsha támamdaǵan.

Eńbek qyzmetin 1973 jyly bastady. Ártúrli partııalyq jáne memlekettik qyzmetterde jumys istedi. 2001 jyldan Aqmola oblysynyń Zerendi aýdanynyń ákimi qyzmetin atqarǵan. 2003 - 2005 jyldary Aqmola oblysy boıynsha Tártiptik keńes tóraǵasy qyzmetinde, 2005 - 2007 jyldary Qazaqstan Respýblıkasy memlekettik qyzmet isteriniń Aqmola oblysy boıynsha basqarmasynyń bastyǵy qyzmetinde boldy. 2007 jylǵy mamyrdan Qazaqstan Respýblıkasynyń memlekettik qyzmet isteri agenttiginiń Pavlodar oblysy boıynsha basqarmasynyń bastyǵy.

56 jyl buryn (1956) Kóliktegi Batys Іshki ister departamentiniń bastyǵy -DÚISEBAEV Nurjan Táttibaıuly dúnıege keldi.

Shymkent qalasynda týǵan. KSRO ІІM Qaraǵandy joǵary mektebin, KSRO ІІM Akademııasyn bitirgen. Eńbek jolyn Jambyl qalalyq Ortalyq ishki ister basqarmasynda ınspektor bolyp bastap, Jambyl oblystyq atqarý komıtetinde, Jamyl oblystyq Aqparat ortalyǵynda, Jambyl qalalyq ishki ister basqarmasynda túrli laýazymdy qyzmetter atqarǵan. 2009 jyldyń shildesinen bastap osy ýaqytqa deıin Kóliktegi Batys Іshki ister departamentiniń bastyǵy.

Birneshe medalmen, tós belgilermen marapattalǵan.

56 jyl buryn (1956) aqyn NEMTsOV Mıhaıl dúnıege keldi.

Shyǵys Qazaqstan oblysynyń Lenınogor qalasynda týǵan. Lenınogor ken-metallýrgııa tehnıkýmyn, Máskeýdegi M.Gorkıı atyndaǵy Ádebet ınstıtýtyn bitirgen. Onyń «Rodstvo», «Golosa Belovodıa», «...A vse ostalnoe slova!» atty óleń jınaqtary jaryq kórgen.

63 jyl buryn (1949) QR Tótenshe jaǵdaılar mınıstri, zań ǵylymdarynyń kandıdaty, dotsent, general-leıtenant - BOJKO Vladımır Karpovıch dúnıege keldi. Týǵan jeri: QazKSR; Almaty qalasy. V.I. Lenın atyndaǵy Qazaq polıtehnıkalyq ınstıtýtyn (1971), Mınsk qalasynda KSRO MQK joǵary kýrstaryn (1976) bitirgen. Eńbek ótili:  QazKSR MQK organdaryndaǵy qyzmet (1976-1991); QR UQK organdaryndaǵy jumys (1991-2007); Qazaqstan Respýblıkasynyń Tótenshe jaǵdaılar mınıstri (2007 jylǵy 13 qarashadan bastap).

2-dárejeli «Aıbyn» ordenimen (2003), medaldarmen marapattalǵan.

54 jyl buryn (1958) «Kapıtal» Jınaqtaýshy zeınetaqy qory» AQ basqarma tóraǵasy- MEIІRJANOV Serik Syrǵabaıuly dúnıege keldi.

Qazaqstannyń qarjylyq uıymdarynyń basshylyq laýazymdarynda 30 jyl tájirıbesi bar. Jınaqtaýshy zeınetaqy júıesinde 10 jyldyq eńbek ótilimi bar, AÓQO qurý Jumys tobynyń múshesi .

1993-1996 jj. Almaty qalasyndaǵy, "Tsentrbank" Qazaqstandyq Ortalyq aktsıonerlik banki fılıalynyń dırektory; 1996-1998 jj. "Kazınterbank" AAQ basqarma tóraǵasynyń orynbasary.; 1999-2001 jj. "TsentrKredıtBank" AAQ, Dırektorlar Keńesi tóraǵasynyń keńesshisi; 2001 jyldan qazirgi ýaqytqa deıin "Kapıtal" JZQ AQ basqarma tóraǵasy.

53 jyl buryn (1959) tarıh ǵylymdarynyń kandıdaty, Qazaqstan Respýblıkasynyń Kanadadaǵy Tótenshe jáne Ókiletti Elshisi Konstantın JIGALOV dúnıege keldi.

51 jyl buryn (1961) medıtsına ǵylymdarynyń kandıdaty, «SQ-Farmatsııa» AQ-nyń basqarma tóraǵasy BEISEN Nazarbek Eserkepuly dúnıege keldi. 

1985 jyly Almaty Memlekettik Medıtsına ınstıtýtyn «ýrolog-dáriger» mamandyǵy boıynsha aıaqtaǵan.2011 jyly ál-Farabı atyndaǵy QUÝ-di (ekonomıka jáne bıznes) támamdady.

Eńbek jolyn Taraz qalasyndaǵy medıtsınalyq uıymdarda dáriger bolyp bastady.

2009 jyldan 2010 jylǵa deıin - Astana qalasynda salynyp jatqan Densaýlyq saqtaý obektileri dırektsııasy bas dırektorynyń keńesshisi, QR DM Strategııalyq damý departamentiniń dırektory, QR Densaýlyq saqtaý mınıstrliginiń Medıtsınalyq qyzmet tólemderi komıtetiniń orynbasary. 2010 jylǵy qyrkúıekten 2012 jylǵy aqpanǵa deıin QR Densaýlyq saqtaý mınıstrliginiń Medıtsınalyq jáne farmatsevtıkalyq qyzmetterdi baqylaý komıtetiniń tóraǵasy.

2012 jylǵy aqpannan - «SK-Farmatsııa» JShS basqarma tóraǵasy

QR Prezıdentiniń Alǵysymen, «QR densaýlyq saqtaý isiniń úzdigi» tós belgisimen, QR Prezıdenti Іs basqarmasynyń Qurmet gramotasymen, «Astananyń 10 jyldyǵy», «NurOtan» HDP-nyń 10 jyldyǵy medaldarymen marapattalǵan.

49 jyl buryn Qazaqstan Respýblıkasy Qarjy mınıstrligi Qarjylyq baqylaý komıtetiniń tóraǵasy - BEISEMBAEV Muqtar Tańatuly dúnıege keldi.

1963 jyly Shymkent oblysy Jetisaı aýdanynda týǵan.  Eńbek qyzmetin 1985 jyly  ishki ister organdarynda tergeýshi, tergeý qyzmetiniń basshysy, odan keıin Ońtústik Qazaqstan oblysynyń Salyq polıtsııasy bastyǵynyń orynbasary bolyp jumys isteýden bastady.

2008 jyldyń 27 aqpanynan Qazaqstan Respýblıkasy Qarjy mınıstrligi Qarjylyq baqylaý komıtetiniń tóraǵasy.

42 jyl buryn «Samuryq-Energo» AQ basqarma tóraǵasynyń qarjy jáne ekonomıka jónindegi orynbasary - MAQSUTOV Qaırat Berikuly dúnıege keldi.

1970 jyly 16 mamyrda Jezqazǵan oblysy, Shet aýdany, Aqsý-Aıýly aýylynda týǵan.1991 jyly Qazaqstan Tutynýshylar odaǵynyń Qaraǵandy kooperatıvtik ınstıtýtyn (Qaraǵandy qalasy) ekonomıst-tekserýshi mamandyǵy boıynsha bitirgen. 2006 jyly - Transeuropean Centre of Commerce & Finance Limited (London qalasy) Lıstıng jáne IRO boıynsha (sertıfıkat) - bitirdi.1991 jyly Qaraǵandy oblystyq Tutynshylar odaǵynyń esep jáne baqylaý basqarmasynyń tekserýshisi.1992 jyly «Igilik-Bank» AKB Qaraǵandy fılıalynda ınvestıtsııalar jáne ınnovatsııalar bóliminiń jetekshi mamany, halyqaralyq esep aıyrysý jáne valıýtalyq operatsııalar bóliminiń bastyǵy, dırektordyń orynbasary.1997 jyly «Qamraý-Qaraǵandy» JShS qarjy keńesshisi.1977 jyly AEA Ákimshilik Keńesi tóraǵasynyń orynbasary, Qarajal qalasy ákiminiń orynbasary. 1999 jyly «Alfa-Bank» EB AQ Qaraǵandy fılıaly dırektorynyń orynbasary, dırektory, Almaty qalasy.2004 jyly «Gefest» ken-salalyq holdınginiń ekonomıka jónindegi vıtse-prezıdenti.2008 jyly «Kommertsııalyq jyljymaıtyn múlik» sýbholdıng basqarmasynda qyzmet atqardy.

2009 jyldan bastap «Samuryq-Energo» AQ Basqarma tóraǵasynyń qarjy jáne ekonomıka jónindegi orynbasary.  «Alataý Jaryq Kompanııasy» AQ Dırektorlar keńesiniń múshesi, «T.I.Batýrov atyndaǵy Jambyl GRES-i» AQ Dırektorlar keńesiniń múshesi.

Nagradalary: QR Indýstrııa jáne jańa tehnologııalar mınıstrliginiń qurmet gramotasy (2011).

40 jyl buryn «Shahar» TRK-nyń prezıdenti DOMBAI Qýat Esimǵalıuly dúnıege keldi.  

1972 jyldyń 16 mamyrynda týǵan. Qazaq Memlekettik Álemdik tilder Instıtýtyn (1989-94), odan keıin Menedjment boıynsha London Instıtýtyn (2003-2005) támamdaǵan. Madrıd koroldigi dıplomatııalyq mektebiniń túlegi (1996-97). QR ІІM-niń dıplomatııalyq qyzmetinde jeti jyldyq jumys tájirbıesi bar, Ońtústik Koreıa, Úndistan jáne Ulybrıtanııa elderindegi QR-nyń elshilikterinde qyzmet jasady. 2001 jáne 2008 jyldar aralyǵynda eń bedeldi uıaly baılanys operatory GSM Kazakhstan/K Cell-de, sondaı-aq «Qarashyǵanaq Petroleým Opereıtıng B.V.» halyqaralyq munaı-gaz jobasynyń korporatıvti kommýnıkatsııa jáne basqarýshy PR-de qyzmet jasady.

2008 jyldyń aqpan aıynan bastap «Shahar» TRK-ny basqardy. 2010 jyldan beri «HSBS Qazaqstan bankinde» qyzmet etedi. PR jáne uıymdastyrylǵan menedjment boıynsha birqatar maqalalardyń avtory.