16 mamyrda elimizde ótetin mańyzdy is-sharalardyń ańdatpasy

ASTANA. KAZINFORM — Kazinform halyqaralyq aqparat agenttigi 16 mamyrda elimizde ótetin mańyzdy oqıǵalardyń aldyn ala sholýyn usynady.

ASTANA

08:00-de EXPO Halyqaralyq kórme ortalyǵynda otandyq óndirýshilerdiń «Ulttyq ónim» VIII kórmesi ótedi.

09:15-te L. N. Gýmılev atyndaǵy Eýrazııa ulttyq ýnıversıtetinde Qazaqstandaǵy joǵary oqý oryndary, orta jáne bastaýysh mektepter arasynda Qytaı tili boıynsha álemdik «Qytaı kópiri» baıqaýynyń 2025 jylǵy qazaqstandyq kezeńiniń fınaly ótedi. Sharany Qytaı Halyq Respýblıkasynyń Elshiligi men Qazaqstandaǵy bes Konfýtsıı ınstıtýty uıymdastyrady.

10:00-de QR Parlamenti Senatynyń otyrysy bastalady.

10:00-de «Barys Arena» ǵımaratynda Counter-Strike 2 boıynsha iri PGL Astana 2025 týrnıri ótedi.

10:00-de L. N. Gýmılev atyndaǵy Eýrazııa ulttyq ýnıversıtetinde «Qazirgi zamanǵy mádenıet konteksindegi medıalyq jáne ádebı dıskýrstar: úrdister, máseleler jáne bolashaǵy» atty halyqaralyq ǵylymı-tájirıbelik konferentsııa ótedi.

11:30-da QR Prezıdenti janyndaǵy Ortalyq kommýnıkatsııalar qyzmetinde «Saqtandyrý naryǵyn damytýdyń jańa baǵyttary» atty baspasóz máslıhaty ótedi.

14:30-da QR Prezıdenti janyndaǵy Ortalyq kommýnıkatsııalar qyzmetinde «2024–2025 oqý jylynyń aıaqtalýy: negizgi jetistikter men qorytyndylar» atty baspasóz máslıhaty ótedi.

17:20-da «Astana Opera» teatrynda «Operalııa» halyqaralyq festıvaliniń ashylýyna jáne Rolan Petıdiń bir aktili «Arlezıanka», «Jigit pen ólim» jáne «Karmen» baletteriniń premerasyna arnalǵan baspasóz konferentsııasy ótedi.

19:00-de Qalıbek Qýanyshbaev atyndaǵy Qazaq ulttyq mýzykalyq-drama teatrynyń Qalleki teatr zerthanasy «Sheńber» spektakliniń premerasyn usynady.