16 qyrkúıek. Týǵan kún ıeleri
ESІMDER
92 jyl buryn (1926-2000) dombyrashy, kúıshi Elemes TALASBAIULY dúnıege keldi.
Almaty oblysynyń Raıymbek aýdanynda týǵan. Atasy Espembet, ákesi Talasbaı aımaǵyna áıgili kúıshiler bolǵan. Dombyrany 7 jasynda ákesinen úırengen. Onyń óz janynan shyǵarǵan týyndysy - «Arman-aı» kúıi. Stalındik asyra silteý kezinde ol ata-anasymen birge Qytaı jerine qonys aýdarady.
Onyń «Sher tarqatar», «Atameken», «Kúıshaqyrtqy», «Keńes», t.b. kúıleri bar. 1996 jyly Qazaqstanǵa oralǵan. 1998 jyly Qazaq radıosynyń, 2000 jyly Qazaqstan 1 telearnasynyń altyn qoryna kúıshiniń oryndaýyndaǵy 25 kúı jazyp alyndy. Sondaı-aq, onyń oryndaýyndaǵy 10 kúı 1998 jyly jaryq kórgen «Jetisý kúıleri» jınaǵyna engen.
70 jyl buryn (1948) Qazaqstannyń saıası qaıratkeri Talǵatbek Jámshıtuly ABAIDІLDIN dúnıege keldi.
Aqmola oblysynyń Esil qalasynda týǵan. Abaı atyndaǵy Qazaq memlekettik pedagogıkalyq ınstıtýtyn, Qazaqtyń menedjment, ekonomıka jáne boljamdaý ınstıtýtyn bitirgen. Matematık, saıasattanýshy, áleýmettik-saıası pánderdiń oqytýshysy. Shyǵys Qazaqstan oblysynyń ákimi, Qazaqstan Respýblıkasy Prezıdentiniń keńesshisi, Qorshaǵan ortany qorǵaý vıtse-mınıstri bolyp qyzmet istegen.
Shyǵys Qazaqstan oblysynan saılanǵan Qazaqstan Respýblıkasy Parlamenti Senatynyń depýtaty, Ekonomıkalyq damý jáne kásipkerlik komıtetiniń tóraǵasy boldy. «Qazaqstan Respýblıkasy-Eýropalyq Odaq» parlamenttik yntymaqtastyq komıtetiniń múshesi. Qytaı Halyq Respýblıkasy Halyq ókilderiniń Búkilqytaılyq Jınalysy, Reseı Federatsııasy Federaldyq Jınalysynyń Federatsııa Keńesi men AQSh Kongresimen yntymaqtastyq tobynyń múshesi.
«Qurmet» ordenimen, Qazaq KSR Joǵarǵy Keńesiniń gramotasymen jáne bes medalmen marapattalǵan.
69 jyl buryn (1949) QR Parlamenti Májilisiniń depýtaty Qabıbolla Qabenuly JAQYPOV dúnıege keldi.
Batys Qazaqstan oblysy, Qaztalov aýdany, Qaztalov aýylynda dúnıege kelgen. Tselınograd ınjenerlik-qurylys ınstıtýtyn (1972) támamdaǵan, ınjener-qurylysshy; Almaty joǵary partııa mektebin (1989) bitirgen, saıasattanýshy; Tehnıka ǵylymdarynyń kandıdaty, Halyqaralyq Ekologııa akademııasynyń akademıgi.
Qazaqstan Injenerlik akademııasynyń korrespondent-múshesi. Qazaqstan Respýblıkasy Ulttyq jaratylys taný ǵylymdary akademııasynyń akademıgi. Qosalqy avtorlyqpen qurylys materıaldary jónindegi úsh kitaby jaryq kórdi.
1972 jyldan bastap №8 «Oralaýylqurylys» tresinde jumys óndirýshisi, bas ınjener, PMK-811-diń bastyǵy qyzmetterin atqardy. 1977-81 jyldary «Oralkolhozqurylys» tresinde bas ınjener bolyp eńbek etti. 1981 jyldan - Qazaq KSR Halyq depýtattary Keńesiniń Oral qalalyq atqarý komıteti tóraǵasynyń orynbasary, 1983 jyldan - Oral qalalyq Halyq depýtattary Keńesiniń Ónerkásip aýdandyq atqarý komıtetiniń tóraǵasy.
1987 jyldan - Qazaqstan Kompartııasy Oral qalalyq Lenın aýdandyq partııa komıtetiniń birinshi hatshysy. 1989 jyldan - Qazaq KSR Halyq depýtattary Keńesiniń Oral qalalyq atqarý komıtetiniń tóraǵasy.
1993 jyldyń qańtarynan bastap 2001 jyldyń qańtaryna deıin (8 jyl boıy) Batys Qazaqstan oblysynyń ákimi qyzmetin atqaryp, osy óńirdiń ekonomıkalyq-áleýmettik damýy jolynda jemisti eńbek etti.
2001 jyldan - QR Kólik jáne kommýnıkatsııalar mınıstriniń birinshi orynbasary. 2003 jyldan - QR Premer-Mınıstri Keńsesi basshysynyń orynbasary - Úkimettiń Parlament Senatyndaǵy ókili. 2007 jyldan - «Nur Otan» HDP-nyń tizimi boıynsha Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi. 2012-2016 jyldary - besinshi saılanǵan Qazaqstan Respýblıkasy Parlamenti Májilisiniń depýtaty. 2012-2014 jyldary - Qazaqstan Respýblıkasy Parlamenti Májilisi Tóraǵasynyń orynbasary. 2014-2016 jyldary - Qazaqstan Respýblıkasy Parlamenti Májilisiniń Tóraǵasy.
2016 jylǵy naýryzdan bastap - altynshy saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan.
«Parasat» (2009) jáne «Qurmet» (1999) ordenderimen, birneshe mereıtoılyq medaldarmen marapattalǵan. Sondaı-aq ultaralyq kelisimge sińirgen qyzmetine oraı Reseı Federatsııasynyń ІІ dárejeli «Danııl Áýlıe» ordeni berilgen. Qazaqstan Respýblıkasynyń Qurmetti temirjolshysy. Qazaqstan Respýblıkasynyń Qurmetti qurylysshysy.
45 jyl buryn (1973) qazaqstandyq tanymal veloshabandoz, Qazaqstan Respýblıkasynyń eńbek sińirgen sport sheberi, Azııa chempıony, 2012 jylǵy London olımpıadasynyń chempıony, Sıdneı Olımpıadasynyń kúmis júldegeri, «Týr de Frans» álemdik velojarysynyń qola júldegeri, álem chempıony, Ispanııadaǵy «Výelta» kópkúndiginiń jeńimpazy VINOKÝROV Aleksandr Nıkolaevıch dúnıege keldi.
Soltústik Qazaqstan oblysynyń Qyzyljar aýdanynda týǵan. Soltústik Qazaqstan memlekettik ýnıversıtetin bitirgen. Ol kásibı velojaryspen aınalysýdy 1997 jyly «Kazıno» komandasy quramynda bastady. Onyń alǵashqy jetistikteriniń biri 1998-1999 jyldardaǵy «Dıýnkerk tórt kúni» jáne «Dauphiné Libéré» kópkúndik jarystaǵy jeńisi boldy. Bul jetistikteri sportshynyń 2000 jyly kúshti jáne áıgili «Deutsche Telekom» (2004 jyldan «T-Mobile») velotobyna enýine áser etti. 2006 jyly Vınokýrov Ispanııa komandasynyń kapıtany retinde «Týr de Frants» kópkúndigine qatysty. 2006 jyldan qazirge deıin QR «Astana» komandasynyń quramynda. Komandalyq jarysta Azııa oıyndarynyń chemıony (1994), Toptyq jarysta olımpıadalyq oıyndardyń kúmis júldegeri (2000), «Parıj-Nıtstsa» kópkúndik velojarysynyń jeńimpazy (2002-2003), «Týr de Frans» kezeńderiniń (2002-2003), «Amstel Gold Race» Álem kýbogy kezeńiniń (2003), «Shveıtsarııa týrynyń» (2003), bedeldi birkúndik «Lej-Boston-Lej» velojarysynyń (2005,2010) jeńimpazy, jekeleı jarysta álem chempıonatynyń qola júldegeri (2004, 2006). «Týr Baıerı» kópkúndik jarysyna qatysýshy (2005) - 2-oryn, «Týr de Frans» kópkúndik velojarysynyń qola júldegeri (2003, 5-oryn - 2005), «Týr Germanıı» (2003) - 3-oryn, kópkúndik velojarystarynyń qola júldegeri. Altantadaǵy (1996), Sıdneıdegi (2000) - 2-oryn, Afınadaǵy (2004) - 5-oryn, Olıpıadalyq oıyndarǵa qatysýshy. QR ulttyq chempıonatynyń kóptegen dúrkin jeńimpazy. Azııa chempıonatynyń jeke jáne toptyq jarystaryndaǵy jeńimpaz, kúmis júldeger (2009), Vuelta a Espana velojarysynyń basty esebinde jeńimpaz (2006), «Lej-Boston-Lej» komandalyq bir kúndik jarysynda jeńimpaz (2010), «Týr del Tretıno»jarysynyń jeńimpazy (2010!), «Týr de Frans» 13-kezeńiniń jeńimpazy (2010). 2013 jyldan beri. «Astana Pro Team» komandasynyń bas menedjeri.
«Parasat», ІІ dárejeli «Barys» ordenderimen marapattalǵan.
41 jyl buryn (1977) «QazTransGaz Ónimderi» JShS bas dırektory (basqarma tóraǵasy) Arman Ǵınaıatuly QASENOV dúnıege kelgen.
Ol Aqmola oblysynda týǵan. L.N. Gýmılev atyndaǵy Eýrazııa ulttyq ýnıversıtetin, ınjener-mehanık (1999); Máskeý kólik ınstıtýtyn, kólik-logıstıka júıelerin basqarý (2001) bitirgen.
Eńbek joly: «QazSertıko» memlekettik ǵylymı-praktıkalyq ortalyǵy» RMK-da saraptama jáne aýdıt bóliminiń jetekshi mamany (1999-2000); Máskeý avtomobıl-jol ınstıtýtynda (MTÝ) ǵylymı taǵylymdamadan ótti (2000-2001); «QazTransGaz» AQ-da marketıng jáne kommertsııany basqarý menedjeri (2002); «Intergaz Ortalyq Azııa» AQ-da menedjer, bas menedjer, gaz tasymaldaý jáne marketıng departamenti dırektorynyń orynbasary (2003-2006); «QazTransGaz» AQ-da Bıýdjettik josparlaý jáne ekonomıkalyq taldaý departamentiniń dırektory (2006-2008); «QazTransGaz» AQ-ny Korporatıvtik damytý jónindegi basqarýshy dırektor (2008-2012); «QazTransGaz» AQ bas dırektorynyń bıznesti damytý jónindegi orynbasary (2012-2014).
Qazirgi laýazymyn 2014 jylǵy qarashadan beri atqaryp keledi.
QR E jáne MRM «Qubyr kóligine 70 jyl» estelik medalimen, Qazaqstan Respýblıkasynyń Munaı jáne gaz mınıstrliginiń, «QazMunaıGaz» UK AQ jáne «Intergaz Ortalyq Azııa» JAQ qurmet gramotalarymen marapattalǵan.
33 jyl buryn (1985) Atyraý qalasy ákiminiń orynbasary Meıirim Jolamanuly QALAÝI dúnıege kelgen.
Ol Atyraý oblysynda týǵan. H. Dosmuhamedov atyndaǵy Atyraý memlekettik ýnıversıtetin (2007); RF Prezıdentiniń janyndaǵy Reseı Memlekettik qyzmet akademııasyn (2010) bitirgen.
Eńbek joly: «Atyraý-Aqparat» KMK tóraǵasynyń orynbasary (2006-2010); «Turan» JShS dırektory (2007-2010 «Qazaqstan» Teleradıokompanııasy» AQ Atyraý oblystyq fılıaly dırektorynyń orynbasary-bas redaktor (2010-2011); «Atyraý-Aqparat» KMK tóraǵasy (2011-2012); Atyraý oblysy Jastar saıasaty máseleleri basqarmasynyń basshysy (2012-2016); Atyraý oblysy ákimi apparatynyń basshysy (06.2016-11.2016).
Qazirgi laýazymyn 2016 jyldyń qarashasynan beri atqaryp keledi.