16 qazanda Qyzylorda, Túrkistan oblystarynda 1-6 gradýs úsik júredi

ASTANA.KAZINFORM — Qazgıdromet sınoptıkteri, 16 qazan sársenbige arnalǵan aýa raıy boljamyn jarııalady. 

Atmosferalyq frontaldy bólimderdiń ótýimen respýblıka aýmaǵynyń basym bóliginde jaýyn-shashyn (jańbyr, qar) ótedi, túnde QR ońtústiginiń, ońtústik-shyǵysynyń taýly aýdandarynda qatty jaýyn-shashyn (jańbyr, qar) kútiledi, túnde Qazaqstannyń ońtústik-shyǵysynda qatty jańbyr jaýady, túnde shyǵysta, ońtústikte, eldiń ortalyǵynda qar kútiledi.

Eldiń batysynda, soltústik-batysynda, soltústiginde jaýyn-shashynsyz aýa-raıy saqtalady. Elde jel kúsheıýi kútiledi, túngi jáne tańerteńgi saǵattarda tuman bolady. QR ortalyǵynda qarly boran, shyǵysynda, ońtústiginde, ortalyǵynda, respýblıkanyń ońtústik-shyǵysyndaǵy taýly aýdandarda kóktaıǵaq boljanady.

Túnde Qyzylorda, Túrkistan oblystarynda 1-6 gradýs úsik kútiledi.

Batys Qazaqstan oblysynyń batysynda, ońtústiginde, Qyzylorda oblysynyń ortalyǵynda, soltústiginde, batysynda joǵary órt qaýpi saqtalady, Atyraý oblysynyń batysynda, soltústiginde joǵary órt qaýpi kútiledi.