16 qazan. Kazinform kúntizbesi. Tulǵalar týǵan kún
Búgin, 16 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Baıanǵalı ÁLІMJANOV, aqyn, jyrshy, manasshy, rejısser, satırık, telejúrgizýshi
1954 jyly Kókshetaý oblysynyń Stepnıak qalasynda týǵan. QazMÝ-dyń fılologııa fakýltetin bitirgen (1977).
S. Muqanovtyń murajaıynda, «Lenınshil jas» (qazirgi «Jas alash»), «Qazaq ádebıeti», «Kitap jarshysy» gazetterinde, «Qazaqfılm» kınostýdııasynda, «Baldyrǵan», «Juldyz» jýrnaldarynda, «Kókshetaý pravdasy» gazetinde, Eńbekshilder aýdandyq mádenıet bóliminde, Sh. Qusaıynov atyndaǵy Kókshetaý oblystyq qazaq drama teatrynda qyzmet istegen. «Pań Nurmaǵambet» kınostýdııasynyń dırektory jáne kórkemdik jetekshisi. 1984 jyldan beri respýblıkalyq, oblystyq deńgeıde ótken aıtystarda saıysqa túsip, jeńimpaz jáne júldeger atanǵan.
«Qıqymattyń hıkaıalary» (1982), «Uıa» (1985), «Jyndy Qarataıdyń qasıeti» (2000), «Qıqymattyń qıssasy» (1989), «Aýyldyń aq samaly» (2003), «Alash pen Manas» (2004), «Ázil shýaǵy» (2004), «Degen eken» (2005) atty kitaptardyń, «Qudalyq», «Qojanasyr», «Qaıran kempir-shaldar-aı», «Erkegi bar bolǵyr», «Jolbarys pen Ponı», «Altyn noqta», «Qazaqy saılaý», «Jas qazaq», «Qazannan kelgen qyzǵaldaq» atty pesalardyń avtory. «Jyraýlar», «Asyldyń synyǵy», «Palýan» atty derekti fılmderdiń, «Án men anasha» atty kórkem fılmniń stsenarııin jazǵan.
«Eren eńbegi úshin» (2000), «Qazaqstannyń Eńbek sińirgen qaıratkeri» (2006) medaldarymen marapattalǵan. Qyrǵyzstan Respýblıkasy Kompozıtorlar odaǵynyń A. Maldybaev atyndaǵy Halyqaralyq syılyǵynyń laýreaty, aıtysta 22 ret gran-prı ıelengen.
Vladımır BÝBENKO, Soltústik Qazaqstan oblystyq máslıhatynyń tóraǵasy
1954 jyly Soltústik Qazaqstan oblysy Býlaev aýdany, Nadejka aýylynda týǵan. 1976 jyly Tselınograd aýyl sharýashylyǵy ınstıtýtyn bitirgen.
Eńbek joly: 1977-1986 jyldary Býlaev aýdany Kalının atyndaǵy keńshardyń aǵa dıspetcheri, MTM bastyǵy, bas ınjeneri, Býlaev aýdandyq komsomol komıtetiniń birinshi hatshysy, 1986-1995 jyldary Sokolov aýdandyq RAPO tóraǵasynyń orynbasary, tóraǵasy, 1995-1997 jyldary Sokolov aýdany ákiminiń birinshi orynbasary, 1997-2003 jyldary Qyzyljar aýdany ákiminiń orynbasary, 2003-2004 jyldaryQyzyljar aýdanynyń ákimi, 2004-2007 jyldary Soltústik Qazaqstan oblysy, Petropavl qalasy ákiminiń aýyl sharýashylyǵy jáne jer qatynastary bólimi basshysynyń birinshi orynbasary, Qyzyljar aýdany ákiminiń orynbasary, 2007-2010 jyldary Esil aýdanynyń ákimi, 2010-2013 jyldary M.Jumabaev aýdany ákimi, 2013-2014 jyldary Soltústik Qazaqstan oblysy Mamlıýt aýdanynyń ákimi, 2014-2016 jyldary Soltústik Qazaqstan oblysy ákiminiń orynbasary, 2016-2023 jyldary Soltústik Qazaqstan oblystyq máslıhatynyń hatshysy bolyp qyzmet atqarǵan.
2023 jyldyń naýryz aıynan beri qazirgi qyzmetinde.
«Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl», «Tynǵa 50 jyl» medaldarymen marapattalǵan.
Ǵalymjan ORYNOV, Túrkistan oblysy bilim basqarmasynyń basshysy
1975 jyly týǵan. Qaraǵandy qalasyndaǵy Qazaq tutyný kooperatıvteri ınstıtýtyn ekonomıka jáne menedjment; Túrkistan qalasyndaǵy ıAssaýı atyndaǵy Halyqaralyq qazaq-túrik ýnıversıtetin quqyqtaný; kásipkerlik qyzmetti salyqtyq retteý, ekonomıka magıstri; Syracuse University (Bolashaq stıpendııasynyń ıegeri), Nıý-Iork, AQSh, memlekettik saıasat mamandyǵy boıynsha bitirgen.
Eńbek joly: Qazyǵurt jáne Saryaǵash aýdandary boıynsha ınspektor, bas ınspektor, bólim basshysy, salyq komıteti tóraǵasynyń orynbasary, Kentaý qalasy boıynsha salyq komıtetiniń tóraǵasy, Ońtústik Qazaqstan oblysy boıynsha salyq departamenti basshysynyń orynbasary (1996-2014); Ońtústik Qazaqstan oblysy boıynsha Memlekettik kirister departamenti basshysynyń orynbasary (2014-2018); Qazaqstan Respýblıkasy Qarjy mınıstrligi Memlekettik kirister komıtetiniń qarjylyq qamtamasyz etý bóliminiń basshysy (2018-2019); Qyzylorda oblysy boıynsha Memlekettik kirister departamentiniń basshysy (2019-2022); Ulytaý oblysy boıynsha Memlekettik kirister departamentiniń basshysy (2022-2025); Túrkistan oblysy ákiminiń keńesshisi (2025-2026).
Qazirgi qyzmetin 2026 jyldyń aqpan aıynan beri atqaryp keledi.
Dáýlat EShKEEV, Astana qalasy ákimi apparatynyń basshysy
1975 jyly týǵan. Qaraǵandy memlekettik ýnıversıtetin ekonomıst mamandyǵy boıynsha bitirgen (1996); Qaztutynýodaǵy Qaraǵandy ekonomıkalyq ýnıversıteti, «zańger» mamandyǵy; Ekonomıka ǵylymdarynyń magıstri (2014).
Eńbek joly: keden organdarynda jumys istegen, Qaraǵandy oblysy ákiminiń apparat basshysy; Qazybek bı atyndaǵy aýdan ákiminiń orynbasary, Qaraǵandy oblysy ákimi apparaty basshysynyń orynbasary, 2020-2023 jyldary Qaraǵandy oblysy ákimi apparatynyń basshysy bolyp qyzmet atqarǵan.
2023 jyldyń aqpan aıynan beri qazirgi qyzmetinde.
Baýyrjan DOSMANBETOV, Qazaqstan Respýblıkasynyń QHR Gonkong jáne Makao AÁA-daǵy Bas konsýly
1977 jyly týǵan. Qazaq memlekettik zań ýnıversıtetin quqyqtaný mamandyǵy boıynsha (1999), QR SІM Dıplomatııalyq akademııasyn halyqaralyq qatynastar mamandyǵy boıynsha (2001) bitirgen.
Eńbek joly: 2001 jyldan QR SІM júıesinde jumys istegen. 2012-2015 jyldary – QR SІM Ortalyq Azııa, Ońtústik Kavkaz jáne Túrkııa departamentiniń jáne Ázerbaıjan Respýblıkasyndaǵy QR Elshiliginiń Keńesshisi, 2015-2017 jyldary Ázerbaıjan Respýblıkasyndaǵy QR Elshiliginiń Keńesshi-ýákili, 2017-2019 jyldary QR SІM Eýrazııalyq ıntegratsııa departamenti dırektorynyń orynbasary boldy. 2019-2023 jyldary Qazaqstan Respýblıkasynyń Sankt-Peterbýrg qalasyndaǵy Bas konsýly, 2023-2025 jyldary Qazaqstan Respýblıkasynyń Samarqandaǵy Bas konsýly laýazymyn atqarǵan.
2025 jyldyń sáýir aıynan bastap qazirgi qyzmetinde.
Gúlmıra QARAÝYLOVA, Qazaqstan Respýblıkasy Strategııalyq josparlaý jáne reformalar agenttigi Ulttyq statıstıka bıýrosy basshysynyń orynbasary
1977 jyly Taraz qalasynda týǵan. Taraz memlekettik ýnıversıtetin halyqaralyq ekonomıkalyq qatynastar mamandyǵymen, Halyqaralyq bıznes ýnıversıtetin jáne Qazaqstan Respýblıkasy Prezıdenti janyndaǵy Memlekettik basqarý akademııasyn bitirgen.
Eńbek joly: Statıstıka agenttiginiń Turmys deńgeıi statıstıkasy bóliminiń jetekshi mamany (2000); «Aqparattyq-esepteý ortalyǵy» RMK-da jumys istedi; QR Statıstıka agenttiginiń Eńbek statıstıkasy jáne úı sharýashylyqtaryn zertteý departamentiniń sarapshysy, bólim bastyǵy (2007-2014); Ulttyq ekonomıka mınıstrliginiń Statıstıka komıtetiniń Áleýmettik jáne demografııalyq statıstıka departamentiniń bastyǵy (2014-2019); Qyzmet kórsetý jáne energetıka statıstıkasy departamentiniń dırektorynyń orynbasary, dırektory (2019-05/2025).
Qazirgi qyzmetin 2025 jyldyń mamyr aıynan beri atqaryp keledi.
