16 qazaqstandyq ótken jyly jynystyq quldyqta bolǵan

NUR-SULTAN. QazAqparat – 2021 jyly 16 qazaqstandyq jynystyq quldyq qurbany bolǵan. Bul týraly QR ІІM uıymdasqan qylmysqa qarsy kúres departamenti basshysynyń adam saýdasyna qarsy kúres jónindegi orynbasary Shynar Kósherbaeva aıtty, dep habarlaıdy QazAqparat tilshisi.

«2021 jylǵy statıstıkaǵa súıensek, jynystyq quldyqtyń 16 qurbany anyqtalǵan, 2020 jyly – 67, al 2019 jyly – 35 adam bolǵan. Azamattardy shetelge shyǵarý faktileriniń biri – Bahreın. Sońǵy jyly Túrkııaǵa, BAÁ-ge shyǵarý da kezdesedi, biraq negizinen ishki trafık basym», - dedi Shynar Kósherbaeva Ortalyq kommýnıkatsııalar qyzmetinde ótken baspasóz máslıhatynda.

Sonymen birge, spıkerdiń aıtýynsha, bıyl eńbekke májbúrleý faktileri boıynsha bes qylmystyq is qozǵalǵan, olardyń barlyǵy tergeý satysynda tur. 2020 jyly – 21 adam, 2021 jyly – tórt adam eńbek qanaýynyń qurbany bolǵan.

Buǵan deıin QR Іshki ister mınıstrligi Uıymdasqan qylmysqa qarsy kúres departamenti basshysynyń mindetin atqarýshy Qanat Nurmaǵambetov adam saýdasyna qatysty qandaı qylmystar anyqtalyp jatqanyn aıtty.

Foto: ortcom.kz