16 qarasha kúni elordada ótetin mańyzdy sharalar ańdatpasy
Kazinform halyqaralyq aqparat agenttigi 16 qarasha kúni Astanada ótetin mádenı jáne qoǵamdyq mańyzdy sharalar ańdatpasyn usynady.
8.30-da Nazarbaev ýnıversıtetiniń medıtsına mektebinde «Adam papıllomavırýsyna (APV) qarsy vaktsınatsııaǵa jalpyǵa birdeı qol jetkizý, tıimdi kommýnıkatsııa jáne halyqpen ózara is-qımyl arqyly jatyr moıny obyryn joıý» taqyrybynda eki kúndik halyqaralyq ǵylymı-praktıkalyq konferentsııa ótedi.
10:00-de QR Parlamenti Senatynyń otyrysy jalpy bolady.
10.00-de Kongress ortalyqta «Kazcontent 2.0» birinshi halyqaralyq forýmy ótedi.
10.00-de Eýrazııalyq damý banki basqarma tóraǵasynyń orynbasary, bas ekonomıst Evgenıı Vınokýrov jáne EADB taldaý jumysy dırektsııasynyń salalyq taldaý ortalyǵynyń basshysy Arman Ahýnbaev «Ortalyq Azııany tıimdi sýarý jáne sýdy únemdeý» baıandamasyn usynady.
10.00-de Túrki Akademııasy L.N. Gýmılev atyndaǵy Eýrazııa ulttyq ýnıversıteti jáne Túrkııa Respýblıkasynyń Elshiligimen birlesip, «Túrkııa Respýblıkasynyń 100 jyldyq belesinen Túrki áleminiń bolashaǵyna» taqyrybynda halyqaralyq konferentsııa ótkizedi.
11.00-de Silteme baspasóz klýbynda «Nátıjege birge jetemiz. Sý resýrstary jáne ırrıgatsııa mınıstrligi: eki aılyq jumystyń mańyzdy nátıjeleri» atty baspasóz konferentsııasy ótedi.
17.00-de Astana qalasy ál-Farabı atyndaǵy Oqýshylar saraıynda «Myń bala» respýblıkalyq mádenı-aǵartýshylyq jobasynyń qorytyndy kezeńi ótkiziledi.
19.00-de Jas kórermenderdiń mýzykalyq teatrynda «Shámshi» mıýzıkli qoıylady.
19.00-de Jastar teatrynda «Tasbaqa úmit» psıhologııalyq dramasy sahnalanady.
19.00-de E. Rahmadıev atyndaǵy Memlekettik akademııalyq fılarmonııanyń kontsert zalynda «Qalalyq romans» keshi ótedi.
