16 qarasha. Kazinform kúntizbesi. Tulǵalar týǵan kún

Búgin, 16 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

kúntizbe, týǵan kún
Foto: Kazinform/Midjourney

Baýyrjan ShYŃǴYSOV, Ulytaý oblystyq máslıhatynyń burynǵy tóraǵasy

Baýyrjan ShYŃǴYSOV
Foto: Ulytaý oblysy ákimdiginiń baspasóz qyzmeti

1964 jyly Jezqazǵan qalasynda týǵan. Qaraǵandy ​​polıtehnıkalyq ınstıtýtyn taý-ken mashınalary men keshenderi mamandyǵy boıynsha (1990), E.Bóketov atyndaǵy Qaraǵandy ​​memlekettik ýnıversıtetin «quqyqtaný» mamandyǵy boıynsha (2000) bitirgen.

Eńbek joly: «Kaztsvetmetremont» Jezqazǵan bólimshesiniń slesary; keden organdaryndaǵy jumys (1992-2006); «Qazaqmys» korporatsııasy» JShS Ekonomıkalyq qaýipsizdik departamentiniń dırektory (2006); Jezqazǵan qalasy ákiminiń orynbasary, Sátbaev jáne Jezqazǵan qalalarynyń ákimi; «Qazaqmys korporatsııasy» JShS janyndaǵy «AMANAT» partııasy Qaraǵandy ​​fılıaly tóraǵasynyń birinshi orynbasary; Qaraǵandy ​​oblystyq máslıhatynyń VI–VII shaqyrylymdarynyń depýtaty, áleýmettik-mádenı damý jáne áleýmettik qorǵaý jónindegi turaqty komıssııanyń tóraǵasy (2016-2021).

Qundyzbek ÁBDІRÁSІLOV, QR Joǵary aýdıtorlyq palatasy apparatynyń basshysy

Qundyzbek Bolatuly ÁBDІRASІLOV
Foto: Qazaqstan Respýblıkasynyń Joǵary aýdıtorlyq palatasy

1982 jyly týǵan. Áýlıeata ýnıversıtetin jáne Jambyl gýmanıtarlyq-tehnıkalyq ýnıversıtetin bitirgen.

Eńbek joly: 2005 jyly Jambyl oblysy, Baızaqov aýdany boıynsha Salyq komıtetinde shtattan tys qyzmetker, keıinnen salyqtyq tirkeý bóliminiń bas mamany bolyp jumys istedi. 2014-2018 jyldary «Ulttyq aqparattyq tehnologııalar» AQ, QR Statıstıka agenttiginde, Ulttyq ekonomıka mınıstrliginde túrli qyzmetterdi atqardy. Eýrazııalyq ekonomıkalyq komıssııanyń Ekonomıka jáne qarjy saıasaty mınıstriniń hatshylyǵyn basqardy, Astana qalasy Statıstıka departamenti basshysynyń orynbasary, basshysy boldy. Ártúrli jyldary QR Qarjy mınıstriniń, premer-mınıstr orynbasarynyń, premer-mınıstrdiń keńesshisi, QR premer-mınıstri hatshylyǵynyń meńgerýshisi qyzmetterin atqardy.

2024 jyldyń sáýir aıynan bastap qazirgi qyzmetinde.

Serik SÁPIEV, bokstan Olımpıada chempıony (London-2012)

Serik SÁPIEV
Foto: aikyn.kz

1983 jyly Qaraǵandy oblysynda týǵan. E.Bóketov atyndaǵy Qaraǵandy memlekettik ýnıversıtetiniń dene shynyqtyrý jáne sport, ekonomıka fakýltetterin bitirgen.

2002-2004 jyldary QR Qarýly kúshter qatarynda áskerı boryshyn ótegen. 2003-2009 jyldary E.A.Bóketov atyndaǵy Qaraǵandy Memlekettik ýnıversıtetinde dene shynyqtyrý oqytýshysy jáne quqyqtaný mamandyqtary boıynsha bilim alǵan. 2011-2014 jyldary taý-ken isteriniń bakalavry mamandyǵy boıynsha QarMTÝ-in bitirgen. 2014-2016 jyldary Qazaq sport jáne týrızm akademııasynyń akademııalyq pedagogıka ǵylymynyń magıstri dárejesin aldy. 2014 jyly «Bolashaq» baǵdarlamasy boıynsha sport menedjeri mamandyǵyn aldy. 2004-2014 jyldary kelisimshart boıynsha merziminen tys áskerı qyzmette boldy. 2010-2012 jyldary «Qazaqstannyń boks federatsııasy» QN ZTB-nyń jattyqtyrýshy-oqytýshysy, 2013-2014 jyldary «Qazaqstannyń boks federatsııasy» QN ZTB-nyń sport jónindegi dırektory, 2005-2013 jyldary boks jónindegi QR ulttyq komandasynyń nusqaýshy-sportshysy, 2014-2017 jyldary «Astana Arlans» JShS bas dırektory, 2017-2019 jyldary VI saılanǵan QR Parlamenti Májilisiniń depýtaty, Áleýmettik-mádenı damý komıtetiniń múshesi boldy. 2019-2021 jyldary QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy qyzmetin atqardy. QR Ulttyq Olımpıada komıtetiniń Paralımpıada sportyn damytý jónindegi vıtse-prezıdenti boldy.

2025 jyldyń sáýir aıynan bastap qazirgi qyzmetinde.

«Parasat», «Otan» ordenderimen, «Astananyń 10 jyldyǵy», «Qazaqstan Respýblıkasynyń táýelsizdigine 25 jyl» medaldarymen marapattalǵan.

Aıbek SAMAT, Abaı oblysy ákimi apparaty basshysynyń orynbasary

Aıbek SAMAT
Foto: Abaı oblysynyń ákimdigi

1987 jyly Aqsýat aýdany Aqsýat aýylynda dúnıege kelgen. 2008 jyly Shákárim atyndaǵy Semeı memlekettik ýnıversıtetin «Memlekettik jáne jergilikti basqarý» mamandyǵy boıynsha bitirgen.

Eńbek joly: «Semeı qalasynyń ishki saıasat bólimi» memlekettik mekemesiniń mamanynyń kómekshisi (2009-2010); «Semeı qalasy ákiminiń apparaty» memlekettik mekemesiniń kompıýter operatory (2010-2012); «Semeı qalasynyń ishki saıasat bólimi» memlekettik mekemesiniń bas mamany (2012-2013); «Semeı qalasy ákiminiń apparaty» memlekettik mekemesiniń Semeı qalasy ákiminiń kómekshisi (2013-2015); «Semeı qalasynyń ishki saıasat bólimi» memlekettik mekemesiniń aqparattyq-nasıhat jumysy sektorynyń meńgerýshisi (2015-2016); «Semeı qalasynyń ishki saıasat bólimi» memlekettik mekemesiniń basshysynyń orynbasary (2016-2020); «Semeı qalasynyń ishki saıasat bólimi» memlekettik mekemesiniń bólim meńgerýshisi (2020-2021); Shyǵys Qazaqstan oblysy Qazaqstan halqy Assambleıasy hatshylyǵynyń bólim meńgerýshisi jáne Shyǵys Qazaqstan oblysy Іshki saıasat departamentiniń etnosaralyq qatynastardy monıtorıngteý bóliminiń meńgerýshisi (2022); Abaı aýdany ákimi apparatynyń uıymdastyrý-ınspektorlyq bóliminiń bas ınspektory (08.2022-06.2023); Abaı aýdanynyń jumyspen qamtýdy úılestirý jáne áleýmettik baǵdarlamalar bólimi basshysynyń orynbasary (2023); Abaı aýdany ákimi apparatynyń uıymdastyrý-baqylaý jáne ınspektsııalyq bóliminiń basshysy (09.2023-11.2024); Abaı aýdanynyń mádenıet, tilderdi damytý jáne muraǵat isi bóliminiń basshysy (11.2024-04.2025); Abaı aýdany Jańasemeı aýdany ákiminiń orynbasary (2025).

Qazirgi qyzmetin 2025 jyldyń qarasha aıynan beri atqaryp keledi.

Maqsut NASIBÝLOV, Qazaqstannyń saıası, qoǵam jáne memleket qaıratkeri, Qazaqstan Quryltaıynyń І shaqyrylym depýtaty

Maqsut NASIBÝLOV
Foto: Kazinform

1992 jyly Qostanaı oblysy, Naýyrzym aýdanynda týǵan. Eýrazııa ulttyq ýnıversıtetin jýrnalıstıka (2015); Esil ýnıversıtetin memlekettik jáne jergilikti basqarý mamandyǵy boıynsha bitirgen (2025).

Eńbek joly: JSDP Astana qalalyq fılıalynyń Jastar qanaty men baspasóz qyzmetiniń basshysy (2013-2019); «Aq jebe» jastar qozǵalysynyń tóraǵasy (2015-2026); «SMM Company» JK dırektory (2019-2023); JSDP Jastar qanatynyń tóraǵasy (2019-2026); JSDP Saıası keńesiniń tóralqa múshesi (2019); «Sotsıal-demokrat» gazetiniń bas redaktory (2021); JSDP baspasóz qyzmetiniń basshysy (2023-2024); JSDP ortalyq apparatynyń basshysy (2024-2026).

Qazirgi qyzmetine 2026 jyldyń tamyz aıynda kiristi.