16 qarasha. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
16 qarasha. JEKSENBІ
Búkilálemdik jol-kólik oqıǵalary qurbandaryn eske túsirý kúni.
Bul kúnniń belgilenýine 1993 jyly JKO nátıjesinde zardvap shekken adamdarǵa kómek kórsetetin brıtandyq RoadPeace qaıyrymdylyq uıymy bastamashy boldy. 2005 jylǵy qazanda BUU Bas Assambleıasynyń qararymen qarashanyń úshinshi jeksenbisi Búkilálemdik jol-kólik oqıǵalary qurbandaryn eske alý kúni bolyp belgilendi.
Tózimdiliktiń (toleranttyqtyń) halyqaralyq kúni. 1996 jylǵy jeltoqsannyń 12-sinen bastap, BUU Bas Assambleıasynyń bastamasymen atap ótiledi.
ıÝNESKO-nyń týǵan kúni. Osydan 63 jyl buryn 1945 jyly qarashanyń 16-da Birikken Ulttar Uıymynyń Bilim, ǵylym jáne mádenıet máseleleri jónindegi uıymy quryldy. Dál osy kúni Londonda ótken konferentsııada onyń Jarǵysy qabyldanyp, oǵan 37 memleket qol qoıdy.
ıÝNESKO Jarǵysy 1946 jyly 20 memleket: Avstralııa, Anglııa, Brazılııa, Grekııa, Danııa, Domınıkan Respýblıkasy, Egıpet, Úndistan, Kanada, Qytaı, Lıvan, Meksıka, Jańa Zelandııa, Norvegııa, Saýd Arabstany, Amerıka Qurama Shtattary, Túrkııa, Frantsııa, Chehoslavakııa jáne Ońtústik Afrıka Respýblıkasy bekitkennen keıin kúshine endi. 1960 jyly Uıym quramyna 19 afrıkalyq memleket kirdi. Al Keńes odaǵy quramynda bolǵan burynǵy 12 respýblıka 1991-1993 jyldary aralyǵyna ıÝNESKO-nyń múshe-memleketteri boldy.
Ýkraınada radıo, televıdenıe jáne baılanys qyzmetkerleriniń kúni. Ýkraınanyń radıo, televıdenıe jáne telekommýnıkatsııalyq salalary qyzmetkerleriniń bastamasyn qoldaý maqsatynda el Prezıdentiniń 1994 jylǵy 11 qarashadaǵy Jarlyǵymen bekitilgen.
ESTE QALAR OQIǴALAR
73 jyl buryn (1941) Panfılov dıvızııasynyń 1075-shi atqyshtar polki (bul dıvızııa Qazaqstanda jasaqtalǵan bolatyn) Dýbosekovo razeziniń túbinde nemis basqynshylarynyń 18 tankisin joıyp, fashısterdi Máskeýge qaraı ótkizbedi.
41 jyl buryn (1973) Qaraǵandy mýzykalyq komedııa teatry Temirtaý qalasynda qurylyp, I.Dýnaevskııdiń «Erkin jel» operettasymen shymyldyǵyn ashty. 1980 jyly teatr ujymy túpkilikti Qaraǵandyǵa qonys aýdardy. Óner ordasy repertýarynda Qazaqstan, Reseı jáne shet el kompozıtorlarynyń operettalary oryn alǵan. 2000 jyly atalmysh ujym oblys teatrlarynyń arasynda birinshi bolyp akademııalyq teatr ataǵyn alǵan.
21 jyl buryn (1993) Germanııadaǵy Nıýrnberg qalasy ekonomıkalyq damý jáne marketıng gıldııasynyń Úlken altyn medali Qazaqstan Prezıdenti Nursultan Nazarbaevqa berildi.
13 jyl buryn (2001) Qazaqstan Respýblıkasynyń Prezıdenti N.Á.Nazarbaev pen Ózbekstan Respýblıkasynyń Prezıdenti I.Karımov Qazaqstan men Ózbekstannyń memlekettik shekarasy týraly kelisimge qol qoıdy.
76 jyl buryn (1938) Búkilodaqtyq dene shynyqtyrý jáne sport komıteti «Erkin kúresti damytý týraly» sheshim shyǵardy. Osy kún sambonyń týǵan kúni retinde sanalady.
10 jyl buryn (2004) Memleket basshysy Nursultan Nazarbaev «Respýblıkalyq jáne oblystyq bıýdjetter, respýblıkalyq mańyzdy qalalar, astana bıýdjetteri arasynda jalpy sıpattaǵy resmı transfertter kólemi týraly» Qazaqstan Respýblıkasynyń Zańyna qol qoıdy.
10 jyl buryn (2004) Almatyda sporttyq gımnastıkadan qala ákiminiń júldesi úshin І ashyq týrnır ótti.
10 jyl buryn (2004) Qyzylorda oblysy Syrdarııa aýdanynyń Tereńózek aýylynda jańa meshit ashyldy. Allaǵa minájat etý úıiniń ashylý saltanatyna aýdan ákimi, oblystyq meshittiń dinı qyzmetkerleri, jergilikti qoǵamdastyqtyń ókilderi, soǵys jáne eńbek ardagerleri qatysty.
9 jyl buryn (2005) Túrkistanda toqymalyq emes maqta talshyqtaryn jáne kosmetıkalyq maqta sponjdaryn shyǵaratyn zaýyt iske qosyldy. «Farab» ındýstrıaldyq kesheni - qazir ońtústikte jasalyp jatqan maqta-mata klasteri tizbegindegi jańa býyn bolyp tabylady. Kombınat aǵartylǵan maqta talshyǵyn, medıtsınalyq maqta, toqymalyq emes maqta talshyǵyn, kosmetıkalyq jáne gıgıenalyq maqta sponjdaryn shyǵarýǵa beıimdelgen. Kásiporyn Germanııanyń, Ulybrıtanııanyń, Italııanyń, Ońtústik Koreıanyń jetekshi óndirisshileriniń qazirgi zamanǵy tehnıkalarymen jabdyqtalǵan.
7 jyl buryn (2007) Sarqan qalasynda aty ańyzǵa aınalǵan temirjolshy, Túrksibtiń Shoqpar nusqasyndaǵy jobasynyń avtory men oryndaýshysy Muhamedjan Tynyshbaevqa eskertkish qoıyldy. Saltanatty bólimnen keıin oblys ákimi, aty ańyzǵa aınalǵan temirjolshynyń urpaǵy jáne saıası qaıratkerler eskertkish janyna jas shyrshalar otyrǵyzdy.
Muhamedjan Tynyshbaev (1879-1937) - qoǵam qaıratkeri, qazaqtyń tuńǵysh temirjol ınjeneri, tarıhshy ǵalym, Qoqan avtonomııasynyń basshysy, Alashorda úkimetiniń múshesi. Burynǵy Jetisý oblysynyń Lepsi ýezine qarasty Maqanshy - Sadyr bolysyndaǵy Jylandy taýynyń etegi, qazirgi Almaty oblysy Qabanbaı aýdanynda dúnıege kelgen. 1989 jyly Vernyı qalasyna oqýǵa ketedi. Ony úzdik bitirip, Aleksandr І atyndaǵy temirjol ınjenerleri Sankt-Peterbor Imperatorlyq ınstıtýtyna túsedi. Saıası ómirge belsene qatysa otyryp, ol týǵan óńirinen Reseı Memlekettik Dýmasyna ІІ shaqyrylymnyń depýtaty bolyp saılanady 1917 jylǵy aqpan tóńkerisinen keıin M.Tynyshbaev saıası qyzmetke kiristi. 1938 jyly M.Tynyshbaevtyń ómiri qaıǵyly úzildi. Ol halyq jaýy retinde eki ret sottalyp, odan keıin atý jazasyna kesilgen. 2009 jyly Muhamedjan Tynyshbaevtyń 130 jyldyq mereıtoıy keń kólemde atalyp ótildi.
5 jyl buryn (2009) Astanada Bógenbaı batyr dańǵylynda ornalasqan kópir tolyqtaı iske qosyldy. Kópirdiń qurylysy 4 jylǵa sozyldy, onyń jalpy uzyndyǵy 1825 metrdi quraıdy jáne onda 13 myńnan astam metall jáne 8 myńǵa jýyq beton qurylymdary paıdalanylǵan. Sondaı-aq estakadaǵa 1361 dińgek qosymsha qaǵyldy. «Bizdiń qalada mundaı uzyndyqtaǵy kópirler áli salynǵan joq jáne ol táýligine 100 myńnan astam avtokólikti ótkizýge qabiletti. Bul kópirmen Bógenbaı dańǵyly men Ýálıhanov kósheleri arqyly Aqjol kóshesine, Pavlodar kúre jolyna jáne Aǵash zaýyty shaǵynaýdanyna túsýge bolady.
Estakadanyń eni 47 metr, ol 8 jolaq qozǵalysqa eseptelgen. Al 2009 jyldyń shildesinde estakadanyń sol jaq bóligi iske qosylǵan bolatyn.
5 jyl buryn (2009) Almatydaǵy Qazaqstan Respýblıkasynyń Ulttyq kitaphanasynda belgili qazaq aqyny Ábdilda Tájibaevtyń 100 jyldyǵyna arnalǵan poshta markasynyń tanystyrylymy ótti. Sharaǵa aqynnyń týystary, áriptesteri aqyn-jazýshylar, Almaty qalasynyń ákimshiliginiń qyzmetkerleri qatysyp, estelikterimen bólisti
Ábdilda Tájibaev (1909-1998) - kórnekti aqyn, dramatýrg, ádebıet, teatr zertteýshisi, fılologııa ǵylymdarynyń doktory, professor, qoǵam qaıratkeri, Qazaqstannyń halyq jazýshysy, Qazaqstannyń Memlekettik syılyǵynyń laýreaty. S.M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti), Máskeýdegi M.Gorkıı atyndaǵy Ádebıet ınstıtýty janyndaǵy joǵary ádebı kýrsty bitirgen. 30-jyldary aqynnyń «Jańa yrǵaq», «Lırıkalar» dep atalǵan tuńǵysh jınaqtary jaryq kóredi. Belgili «Orkestr», «Abyl», «Tolaǵaı» syndy romantıkalyq poemalary men M.Áýezovpen birigip jazǵan «Aq qaıyń» dep atalatyn tuńǵysh pesasy da sol jyldardyń jemisi. 1964 jyly aqynnyń «Júrektiler» atty pesalar jınaǵy jaryqqa shyqqan. Bul eńbekte «Maıra», «Jalǵyz aǵash orman emes», «Kóńildester», «Qyz ben soldat», «Monologtar» sııaqty dramalyq týyndylary, «Toı bolarda», «Dýbaı Shýbaevıch» tárizdi komedııalary jınaqtalǵan. Onyń «Ómir men poezııa» «qazaq dramatýrgııasynyń damýy men qalyptasýy» atty monografııalyq zertteýleri, kóptegen syn maqalalary jarııalanǵan. «Jadannyń hattary», «Hattar sóılegende», «Ómir men erlik» atty syn, esse, prozalyq kitaptarynda ádebıet pen ónerge qatysty tolymdy pikirler aıtqan. Á.Tájibaev jazýshylyǵyna qosa biraz jyldar M.O.Áýezov atyndaǵy Ádebıet jáne óner ınstıtýtynda ǵylymı-zertteý jumystarymen shuǵyldanyp, ómiriniń sońǵy jyldaryn biryńǵaı shyǵarmashylyqqa arnaǵan.
5 jyl buryn (2009) Belarýsta Qazaqstan stýdentteriniń keńesi quryldy.
Keńestiń negizgi maqsaty - Belarýsta shoǵyrlanǵan qazaqstandyq stýdentter qaýymdastyǵyn qalyptastyrý.
Keńes otansúıgishtik rýhty nyǵaıta túsetin qazaq mádenıetin, ulttyq salt-dástúrleri men ádet-ǵuryptaryn dáripteýge arnalǵan is-sharalardy Belarýsta uıymdastyrýdy josparlap otyr.
3 jyl buryn (2011) Astanadaǵy Prezıdenttik mádenıet ortalyǵynyń janyndaǵy memlekettik altyn jáne baǵaly metaldar murajaıynda «Táýelsizdik taǵylymy» atty fotojumystar kórmesi ótti. «QazAqparat» aqparattyq agenttiginiń fototilshisi Muhtar Holdorbekov arnaıy júldemen jáne dıplommen marapattaldy.
3 jyl buryn (2011) Petropavlda M.Qozybaev atyndaǵy Soltústik Qazaqstan memlekettik ýnıversıtetinde «Nursultan Nazarbaev - HHІ ǵasyrdaǵy jahandyq energetıka jasaý jáne ornyqty damý strategııasynyń avtory jáne bastamashysy» taqyrybynda ǵylymı-praktıkalyq konferentsııa ótti.
3 jyl buryn (21011) Tájikstannyń Qorǵantóbe qalasynda Qazaq kınosynyń kúnderi ashyldy.
2 jyl buryn (2012) Astanada Ulttyq akademııalyq kitaphanada 45 kitaptan turatyn «Jańa zaman ádebıeti» serııasynyń tanystyrylymy boldy.
2 jyl buryn (2012) HH ǵasyrdyń kórnekti ǵalymy Lev Gýmılevtiń júz jyldyǵyna Astanada eskertkish kúntizbe basylyp shyǵaryldy.
2 jyl buryn (2012) Astanada «Saryarqa» velotreginiń arenasynda «Nur Otan» partııasy «Jas Otan» jastar qanatynyń ІІ sezi ashyldy. Onyń jumysyna Elbasy nursultan Nazarbaev qatysty.
ESІMDER
75 jyl buryn (1939) ǵalym, bıologııa ǵylymynyń doktory, professor, Qazaqstan Respýblıkasynyń Jaratylystaný Ǵylymdary Akademııasynyń akademıgi, Qazaqstannyń Memlekettik syılyǵynyń laýreaty BEKENOV Amanqul dúnıege keldi.
Qostanaı oblysy Jankeldi aýdanynda týǵan. QazPI-di (qazirgi Abaı atyndaǵy Qazaq ulttyq pedagogıkalyq ınstıtýty atyndaǵy Qazaq ulttyq pedagogıkalyq ýnıversıteti) bitirgen.
1961-2003 jyldary Zoologııa ınstıtýtynyń kishi, aǵa ǵylymı qyzmetkeri, laboratorııa meńgerýshisi, dırektory qyzmetterin atqardy.
Negizgi ǵylymı eńbekteri Qazaqstandaǵy omyrtqaly janýarlardy (qosmekendiler, baýyrymen jorǵalaýshylar, qustar, sútqorektiler) qorǵaý máselelerine arnalǵan. Bekenovtiń Qazaqstannyń shól jáne shóleıtti aýdandaryn mekendeıtin sútqorektilerdiń bıologııalyq, ekologııalyq erekshelikterin zerttep, joıylyp bara jatqan omyrtqaly janýarlardy qorǵap qalýdyń teorııalyq negizderin usyndy. Osy sala boıynsha respýblıka ǵylymı mekemelerinde jáne joǵary oký oryndarynda atqarylyp jatqan ǵylymı zertteýlerdi úılestirýge basshylyq jasady. Ol Qazaqstanda aqbókendi qorǵaý jáne onyń sanyn qalpyna keltirý máselesin zerttedi.
5 monografııa, 250 ǵylymı maqalalardyń, 12 ǵylymı-tanymdyq kitaptardyń avtory.
124 jyl buryn (1890-1983) ǵalym-ornıtolog, bıologııa ǵylymdarynyń doktory, professor HAHLOV Vıtalıı Andreevıch dúnıege keldi.
Shyǵys Qazaqstan oblysy Zaısan qalasynda týǵan. M.Lomonosov atyndaǵy Máskeý memlekettik ýnıversıtetin bitirgen. Ákesi Andreı Stepanovıch Hahlov belgili ólketanýshy, ańkós adam bolǵan. Ólke tarıhyn zertteýmen aınalysyp, Zaısan arqyly ótken ǵylymı ekspedıtsııalarǵa únemi kómek kórsetip otyrǵan. Gımnazııadaǵy kezinen bastap Vıtalıı Hahlov Máskeý akademııasynyń bolashaq akademıgi, dotsent P. Sýshkınniń qustar toptamasyn jınaý jaıly tapsyrmalaryn oryndaǵan. 1917 jyly Máskeý ýnıversıtetin aıaqtaǵannan keıin V.A.Hahlov burynǵy bastaǵan isin jalǵastyrý úshin Ońtústik Altaıǵa Zaısan qazanshuńqyry men Tarbaǵataı óńirindegi qustardy zerttep, dıssertatsııa daıarlaý úshin issaparǵa jiberildi. 1921 jyly Tomsk ýnıversıtetinde qyzmet ete júrip, Sibir ornıtologııalyq qoǵamynyń qyzmetin qalpyna keltirip, stýdentterdiń qalyń tobyn ornıtologııalyq qyzmetke tartty. Qoǵam zoologııalyq toptamalardy satýdan túsken qarajatqa arnaıy ornıtologııalyq «Ýragýs» jýrnalyn shyǵardy. 1926-1929 jyldary Sibir ornıtologııalyq qoǵamnyń tóraǵasy jáne «Ýragýs» jýrnalynyń redaktory boldy.1928 jyly «Izvestııa Tomskogo gosýdarstvennogo ýnıversıteta» basylymynda onyń ómirdegi eń úlken eńbegi «Zaısan qazanshuńqyry jáne Tarbaǵataı. Qustar.» zoogeografııalyq ocherkiniń birinshi bólimi basylyp shyqty. 1930 jyly Almatyǵa qonys aýdardy. Keıinnen Perm, ıAroslavl qalalarynda, taǵy da Almatyda ártúrli ınstıtýttar men ýnıversıtetterde qyzmetter atqarǵan.
Medaldarmen marapattalǵan.
109 jyl buryn (1905-1980) fızık, tehnıka ǵylymdarynyń doktory, professor, Qazaq KSR Ǵylym akademııasynyń akademıgi, KSRO Memlekettik syılyǵynyń laýreaty NEMENOV Leonıd Mıhaılovıch dúnıege keldi.
Dnepropetrovsk qalasynda týǵan. Lenıngrad memlekettik ýnıversıtetin bitirgen.
1929-1943 jyldary - KSRO Ǵylym akademııasy Fızıka-tehnıka ınstıtýty zerthanasynyń meńgerýshisi, aǵa ǵylymı qyzmetkeri, assıstenti. 1943-1962 jyldary - KSRO Ǵylym akademııasy I.V.Kýrchatov atyndaǵy Atom energııasy ınstıtýtynyń sektor meńgerýshisi. 1962-1968 jyldary - Qazaq KSR ǴA ıAdrolyq fızıka ınstıtýtynyń bólim jetekshisi. 1963-1967 jyldary - Qazaq KSR fızıka-matematıka bólimshesiniń akademık hatshysy. 1967-1968 jyldary - Qazaq KSR Ǵylym akademııasy Tóralqasynyń akademık-hatshysy qyzmetin atqarýshy. 1968-1980 jyldary - Búkilodaqtyq fızıka-tehnıka jáne radıo-tehnıka ólsheýler ǵylymı-zertteý ınstıtýtynyń údetkishter ortalyǵynyń bastyǵy qyzmetterin atqarǵan.
Negizgi ǵylymı eńbekteri dıelektrıkter men jartylaı ótkizgishter fızıkasyna, ıadrolyq fızıkaǵa jáne údetkishter tehnıkasyna arnalǵan. «Tverdye vyprıamıtelı ı fotoelementy» atty kitaby jaryq kórgen.
2 ret Lenın ordenimen, Eńbek Qyzyl Tý, 2 ret «Qurmet belgisi» ordenderimen jáne medaldarmen marapattalǵan.
39 jyl buryn (1975) QR Qarjy vıtse-mınıstri BEKETAEV Rýslan Baqytjanuly dúnıege keldi.
Shymkent qalasynda týǵan. Qazaq memlekettik agrarlyq ýnıversıtetin, Brıstol ýnıversıtetin (Ulybrıtanııa), Oksford ýnıversıtetin (Ulybrıtanııa) bitirgen.
1996-2001 jyldary - QR Ulttyq qundy qaǵazdar komıssııasynyń lıtsenzııalaý jáne qadaǵalaý departamentinde jetekshi maman, sektor meńgerýshisi, bólim bastyǵy, basqarma bastyǵynyń orynbasary, departament dırektorynyń orynbasary mindetin atqarýshy. 2001-2004 jyldary - QR Ulttyq bankiniń qarjylyq qadaǵalaý departamentiniń ınspektsııalaý basqarmasynyń bastyǵy. 2004-2005 jyldary - QR qarjy naryǵyn jáne qarjy uıymdaryn retteý jáne qadaǵalaý agenttigi bankterdi qadaǵalaý departamentiniń ınspektsııalaý basqarmasynyń bastyǵy. 2005-2010 jyldary - qarjy organdaryndaǵy, QR Ekonomıkalyq qylmyspen jáne sybaılas jemqorlyqpen kúres agenttigindegi qyzmet. 2011 jylǵy mamyr-tamyz - «Qazaq gýmanıtarlyq zań ýnıversıteti» AQ basqarma tóraǵasynyń keńesshisi. 2011-2012 jyldary - QR Qarjy mınıstrliginiń qarjylyq monıtorıng komıteti tóraǵasynyń orynbasary. 2012-2014 jyldary - QR Qarjy mınıstrliginiń Qazynashylyq komıtetiniń tóraǵasy. Qazirgi qyzmetinde - 2014 jylǵy shildeden beri. «eren eńbegi úshin» medalimen marapattalǵan.
31 jyl buryn (1983) qazaqstandyq boksshy, 2005 jáne 2007 jylǵy álem chempıony, 2012 jylǵy olımpıada chempıony, QR eńbek sińirgen sport sheberi, 2012 jylǵy Vel Barker kýbogynyń ıegeri SÁPIEV Serik Jumanǵalıuly dúnıege keldi.
Qaraǵandy oblysynda týǵan. E.Bóketov atyndaǵy Qaraǵandy memlekettik ýnıversıtetiniń dene shynyqtyrý jáne sport, ekonomıka fakýltetterin bitirgen.
álemniń eki dúrkin chempıony (2005, 2007), Azııanyń eki dúrkin chempıony (2007,2009), Azııa oıyndarynyń jeńimpazy (2010), birqatar iri týrnırler medaldary men júldeleriniń ıegeri. Qazaqstannyń ataqty boksshylarynyń biri.
2008 jylǵy Beıjiń jazǵy olımpıada oıyndaryna qatysýshy, biraq ta jartylaı fınalǵa óte almady. 2012 jylǵy London olımpıadasynda japondyq ıAsýhıro Sýzýkıdi, venesýelalyq Gabrıel Maestr Perezdi, reseılik Andreı Zamkovoıdy, al fınalda jarys qojaıyny -brıtandyq Freddı Evansty jeńip, 69 kelige deıingi salmaqta olımpıada chempıony atandy.
77 jyl buryn (1937) QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi KOSAREV Vladıslav Borısovıch dúnıege keldi.
Qazaqstan Kommýnıstik halyq partııasy OK hatshysy, Qazaqstan Respýblıkasy Parlamenti Májilisiniń depýtaty 1937 jyly Kókshetaý oblysynda týǵan. Omsk aýyl sharýashylyǵy ınstıtýtyn (1968) jáne KOKP OK Joǵary partııa mektebin syrttaı bitirgen (1972). 1954-1956 jyldary - Kókshetaý oblysy Rýzaev aýdanynyń «Borovskoı» keńsharynda traktorshy. 1956-1959 jyldary Keńes Armııasynda qyzmet ótkergen. 1959-1961 jyldary - Kókshetaý oblysy Rýzaev aýdanynyń «Borovskoı» keńsharynda júrgizýshi, komsomol komıtetiniń hatshysy. 1961-1968 jyldary - Kókshetaý oblysy Rýzaev aýdanynyń «Mıchýrın», «Volodar», «Chervonnyı» keńsharlarynda partııa komıtetiniń hatshysy. 1968-1970 jyldary - Kókshetaý oblystyq partııa komıtetiniń nusqaýshysy. 1970-1974 jyldary - QLKJO Kókshetaý oblystyq komıtetiniń birinshi hatshysy. 1974-1980 jyldary - Kókshetaý oblysy Lenın aýdandyq partııa komıtetiniń birinshi hatshysy. 1980 - 1990 jyldary - Aýyl sharýashylyǵy qyzmetkerleri kásipodaǵynyń Kókshetaý oblystyq komıtetiniń tóraǵasy. 1990-1997 jyldary - Kókshetaý oblystyq kásipodaqtar keńesiniń tóraǵasy. 1998-1999 jyldary - Kókshetaý qalasyndaǵy «Interteach» Qazaq ulttyq densaýlyq saqtaý jáne medıtsınalyq saqtandyrý korporatsııasy ókildiginiń dırektory. 1990 - 2004 jyldary - Aqmola oblysynyń № 1 okrýginen saılanǵan Parlament Májilisiniń depýtaty. 2004 jyldan bastap qazirgi ýaqytqa deıin - Qazaqstan Kommýnıstik halyq partııasy OK hatshysy (jetekshisi). 2007 jyldan bastap - Qazaqstan Respýblıkasy Parlamentiniń Májilisi janyndaǵy Qoǵamdyq palatanyń múshesi. Eki Eńbek Qyzyl Tý ordenimen(1973 j.,1979 j.); úsh «Qurmet Belgisi» ordenimen (1968, 1971, 1976); eki medalmen jáne Qazaq KSR Joǵarǵy Keńesiniń Qurmet gramotasymen marapattalǵan. 2012 jylǵy qańtardan bastap - Qazaqstan Respýblıkasy Parlamenti Májilisiniń depýtaty, QKHP partııalyq tizimi boıynsha saılanǵan.
56 jyl buryn (1958) keńes jáne reseı estrada ánshisi, Reseı jáne Ýkraına halyq ártisi Aleksandr MALININ dúnıege keldi.
52 jyl buryn (1962) orys kompozıtory jáne ánshisi KORNELıÝK Igor Evgenevıch dúnıege keldi.