16 qańtarda Jetisý jáne Almaty oblystarynda qatty aıaz bolady

ASTANA. QazAqparat - Qazgıdromet sınoptıkteri 16 qańtar, dúısenbige arnalǵan aýa raıy boljamyn jarııalady.

Keń aýqymdy antıtsıklonnyń áserinen Qazaqstan aýmaǵynyń basym bóligine áli de jaýyn-shashynsyz aýa raıy saqtalady.

Respýblıkanyń qıyr soltústiginde, shyǵysynda atmosferalyq fronttardyń yqpalymen qar jaýady, jel kúsheıip, boran soǵady.

Eldiń ońtústiginde, ońtústik-shyǵysynda tuman bar.

Túnde soltústikte, Jetisý oblysynyń taýly aýdandarynda - 28-33 gradýs aıaz, Almaty oblysynda 24-29 gradýs qatty aıaz saqtalady.