16 qańtarda Qazaqstannyń basym bóliginde jaýyn-shashyn bolyp, burqasyndatady jáne tuman túsedi
ASTANA. QazAqparat - Respýblıkanyń ońtústik, ońtústik-batysynda aýa raıy kún ashyq bolady. Qazaqstannyń qalǵan aýmaǵy atmosferalyq aǵyndardyń yqpalynda bolǵandyqtan, jaýyn-shashyn bolady, burqasyn kóteriledi, tuman túsedi, kóktaıǵaq bolyl, jeldiń kúsheıýi kútiledi, dep habarlady «Qazgıdromet» RMK.
Aqmola oblysynyń keı jerlerinde kóktaıǵaq bolady, jel 15-20 m/s-qa deıin kúsheıedi. Jambyl oblysynyń keı jerlerinde tuman túsedi, kóktaıǵaq bolyp, jel turady, onyń kúshi - 15-20 m/s. Qostanaı, Soltústik Qazaqstan oblystarynyń keı jerlerinde burqasyndatady, tuman túsedi, kóktaıǵaq bolady, jeldiń ekpini 15-20 m/s. Shyǵys Qazaqstan oblysynyń keı jerlerinde burqasyn bolyp, jel 15-20 m/s-qa deıin kúsheıedi. Almaty, Ońtústik Qazaqstan, Atyraý, túnde Aqtóbe oblystarynyń keı jerlerinde tuman túsedi. Kúndiz Qyzylorda oblysynyń keı jerlerinde jeldiń ekpini 15-20 m/s-qa jetedi. Mańǵystaý oblysynyń keı jerlerinde tuman túsedi, túnde keı jerlerinde jel 18 m/s-qa deıin kúsheıedi. Kúndiz Batys Qazaqstan oblysynyń keı jerlerinde tuman túsedi, kóktaıǵaq bolady.
Sonymen birge, taıaýdaǵy táýlikterde Syrdarııa ózeninde muz qatýy álsirep, respýblıkanyń ońtústik-shyǵysyndaǵy jáne shyǵysyndaǵy ózenderde sý deńgeıiniń qubylýy baıqalady. Qazaqstannyń batysyndaǵy, soltústik jáne ortalyq oblystaryndaǵy sý nysandarynda qysqy rejım saqtalady.
