16 qańtar. Týǵan kún ıeleri
ESІMDER
63 jyl buryn (1956) Jambyl oblysy ákimdiginiń Eńbek ınspektsııasy basqarmasynyń basshysy Serǵalı Ómirzaquly AIDAPKELOV dúnıege kelgen.
Jambyl pedagogıka ınstıtýtyn (1977), Almaty halyq sharýashylyǵy ınstıtýtyn (1986) bitirgen.
Eńbek joly: Jýaly aýdanynda mektep muǵalimi (1977-1978); Jýaly aýdany komsomol komıtetinde nusqaýshy, birinshi hatshy (1978-1981); Jambyl oblysy komsomol komıtetiniń hatshysy (1981-1987); Moıynqum aýdany partııa komıtetiniń hatshysy (1987-1988); Moıynqum aýdany agroónerkásip birlestiginiń jetekshi mamany (1988-1991); Jambyl oblysy agroónerkásip kesheniniń bólim bastyǵy (1991-1992); Jambyl oblysy ákimdiginiń syrtqy ekonomıka baılanys bóliminiń bastyǵy, agroónerkásip salalaryn damytý bóliminiń keńesshisi (1992-1993); «Taraz» syrtqy ekonomıka assotsıatsııasy bas dırektorynyń orynbasary (1993-1994); «Arnabol» JShS dırektory (1994-1997); oblystyń halyqty áleýmettik qorǵaý basqarmasynyń bastyǵy (1997-1999); Sarysý aýdanynyń ákimi (1999 -2004); Jýaly aýdanynyń ákimi (2004-2006); Jambyl oblysy ákimi apparatynyń basshysy (2006-2009); Jambyl oblystyq din isteri jónindegi basqarmanyń basshysy (2013-2014).
Qazirgi laýazymyn 2014 jyldan beri atqaryp keledi.
54 jyl buryn (1965) Qazaqstan Respýblıkasy Joǵary Sot Keńesiniń tóraǵasy Talǵat Sovetbekuly DONAQOV dúnıege keldi.
1965 jyly Semeı oblysynda týǵan. 1987 jyly S.M.Kırov atyndaǵy Qazaq memlekettik ýnıversıtetiniń zań fakýltetin jáne KSRO Ǵylym akademııasy Memleket jáne quqyq ınstıtýtynyń (Máskeý qalasy) aspırantýrasyn bitirgen. Zań ǵylymdarynyń kandıdaty.
Aspırantýrany bitirgennen keıin Qazaqstan Ǵylym akademııasynyń júıesinde jumys istedi. 1992-1994 jyldary Qazaqstan Respýblıkasy Joǵarǵy Keńesiniń apparatynda, 1994 jylǵy sáýirden Qazaqstan Respýblıkasy Prezıdentiniń Ákimshiliginde qyzmet etti.
2000-2002 jyldary - Qazaqstan Respýblıkasy Ádilet mınıstriniń birinshi orynbasary. 2002 jylǵy naýryzdan bastap Prezıdent Ákimshiliginde jumys istedi. 2008 jyldyń 14 aqpanynda QR Prezıdentiniń Ákimshiligi Memlekettik quqyq bóliminiń meńgerýshisi bolyp taǵaıyndaldy. 2008 jyldyń qazanynda Memleket basshysynyń Jarlyǵymen Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndaldy. 2015 jyldyń jeltoqsanynda Qazaqstan Respýblıkasynyń Memlekettik qyzmet isteri boıynsha mınıstri bolyp taǵaıyndalǵan; Prezıdenti Ákimshiligi Basshysynyń orynbasary (2016-2018).
Qazirgi qyzmetin atqarýǵa 2018 jyldyń sáýirinde kiristi.
«Qurmet» ordenimen, medaldarmen marapattalǵan.
53 jyl buryn (1966) «KAZAKHINVEST» Ulttyq kompanııasy» AQ basqarmasy tóraǵasynyń orynbasary Birjan Bısekenuly QANEShEV dúnıege keldi.
Reseıdiń Saratov oblysynda týǵan. Saratov polıtehnıkalyq ınstıtýtyn, Qazaqstan Respýblıkasy Prezıdenti janyndaǵy ulttyq joǵary memlekettik basqarý mektebin, AQSh-taǵy Massachýsets tehnologııalyq ýnıversıteti A.Sloýn atyndaǵy menedjment mektebin bitirgen.
1990-1994 jyldary - Saratov oblystyq avtokólik paıdalaný kásipornynyń esepshisi, kásiporyn dırektorynyń orynbasary. 1994-1997 jyldary - Oral qalalyq ákimshiliginiń bólim meńgerýshisi, Batys Qazaqstan oblystyq ákimshiligi ónerkásip jáne qarjy bólimi meńgerýshisiniń orynbasary, «Bóbek» balalar qorynyń Batys Qazaqstan ókildiginiń atqarýshy dırektory. 1997-1999 jyldary - QR Strategııalyq josparlaý agenttiginiń bas mamany, bólim bastyǵy, strategııalyq josparlaý jónindegi departament basqarmasynyń bastyǵy, QR Strategııalyq josparlaý jáne reformalar jónindegi agenttigi strategııalyq josparlaý jáne baqylaý departamenti dırektorynyń orynbasary. 1999-2001 jyldary - Qazaqstan Respýblıkasy kólik jáne kommýnıkatsııa vıtse-mınıstri, Qazaqstan Respýblıkasy kólik jáne kommýnıkatsııa mınıstrligi baılanys jáne aqparat jónindegi komıtettiń tóraǵasy. 2001-2003 jyldary - QR Qaýipsizdik keńesi hatshylyǵynyń meńgerýshisi, Qazaqstan Respýblıkasy Prezıdenti Ákimshiligi ishki saıasat bóliminiń meńgerýshisi.
2003-2004 jyldary Qazaqstan Respýblıkasy Aqparattandyrý jáne baılanys jónindegi agenttik tóraǵasy. 2007-2008 jyldary - QR Syrtqy ister mınıstrligi halyqaralyq aqparattandyrý komıtetiniń tóraǵasy. «Samuryq» memlekettik aktıvterin basqarý jónindegi Qazaqstan holdıngi» AQ atqarýshy dırektory. 2008-2009 jyldary - Batys Qazaqstan oblysy ákiminiń orynbasary qyzmetterin atqarǵan. 2008-2012 jyldary «Samuryq-Qazyna» ulttyq ál-aýqat qory» AQ basqarma tóraǵasynyń keńesshisi. 2012-2013 jyldary Mańǵystaý oblysy ákiminiń orynbasary boldy. QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń tóraǵasy (2013-2014); QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń tóraǵasy (2014-2017).
Qazirgi qyzmetinde - 2017 jyldan beri.
«Qurmet» ordenimen, «Qazaqstan Respýblıkasynyń Táýelsizdigine 10 jyl» mereıtoılyq medalimen, «temirjol kóliginiń 100 jyldyǵy» medalimen marapattalǵan.
51 jyl buryn (1968) Qazaqstan Respýblıkasy eńbek jáne halyqty áleýmettik qorǵaý vıtse-mınıstri Svetlana Qabykenqyzy JAQYPOVA dúnıege keldi.
Qaraǵandy qalasynda týǵan. 1991 jyly Aqmola memlekettik pedagogıkalyq ınstıtýtyn, 2006 jyly Almaty Ekonomıka jáne statıstıka akademııasyn aıaqtady.
1991 - 1995 jyldary - № 16 orta mektebinde, № 36 bastaýysh orta mektebinde matematıka pániniń muǵalimi, 1997 - 1998 jyldary «Zeınetaqy tóleý jónindegi memlekettik ortalyq» RMKQ Aqmola qalalyq bólimshesi operatsııalyq esep júrgizý bóliminiń aǵa mamany, bas mamany, 1998 - 2001 jyldary «Zeınetaqy tóleý jónindegi memlekettik ortalyq» RMKQ Aqmola (Astana) qalalyq fılıalynyń ekonomıkalyq taldaý bóliminiń bas mamany, bastyǵy, fılıal dırektorynyń orynbasary, 2001 - 2008 jyldary «Zeınetaqy tóleý jónindegi memlekettik ortalyq» RMKQ Aqmola oblystyq fılıalynyń dırektory, 2008 - 2011 jyldary Qazaqstan Respýblıkasy Eńbek jáne halyqty áleýmettik qorǵaý mınıstrligi Áleýmettik qamsyzdandyrý jáne áleýmettik saqtandyrý departamenti dırektorynyń mindetin atqarýshy, dırektory, 2011 - 2013 jyldary - «Ulttyq aqparattyq tehnologııalar» AQ Jobalaý ofısi baǵdarlamalar basshysy bolyp qyzmet atqardy. 2013 - 2014 jyldary - Qazaqstan Respýblıkasy Eńbek jáne halyqty áleýmettik qorǵaý vıtse-mınıstri. 2014 jylǵy tamyzdan bastap - Qazaqstan Respýblıkasy Densaýlyq saqtaý jáne áleýmettik damý vıtse-mınıstri bolyp taǵaıyndaldy.
2017 jylǵy aqpannan bastap - qazirgi qyzmetinde.
«Qurmet» ordenimen marapattaldy.
48 jyl buryn (1971) Qyzylorda oblystyq Densaýlyq saqtaý basqarmasynyń basshysy Aqmaral Sháripbaıqyzy ÁLNAZAROVA dúnıege kelgen.
Qyzylordada týǵan. Almaty memlekettik medıtsınalyq ınstıtýtyn pedıatr mamandyǵymen (1994); Qorqyt ata ýnıversıtetin ekonomıst mamandyǵymen (2006) bitirgen.
Eńbek joly: Qyzylorda qalalyq balalar aýrýhanasynyń qabyldaý bóliminiń dárigeri, Pedıatrııa jáne balalar hırýrgııasy ǵylymı ortalyǵynyń Qyzylorda fılıalynyń kishi ǵylymı qyzmetkeri (1997-1999); oblystyq densaýlyq saqtaý basqarmasynda bólim bastyǵy, basqarma bastyǵysynyń orynbasary (1999-2001); Qyzylorda oblystyq balalar aýrýhanasynyń bas dárigeri (2001-2003); Qyzylorda oblystyq densaýlyq saqtaý basqarmasynyń bastyǵy (2003-2004); QR Densaýlyq saqtaý mınıstrliginiń Medıtsınalyq qyzmetter kórsetý salasyndaǵy baqylaý komıtetiniń oblystyq basqarmasynyń bastyǵy (2005-2007); Qyzylorda medıtsına kolledjiniń dırektory (2007-2013); Qyzylorda oblysy ákiminiń orynbasary (2013-2015).
Qazirgi qyzmetin 2015 jyldyń qarashasynan beri atqaryp keledi.
«Shapaǵat», «10 jyl Astana» medaldarymen; «QR densaýlyq saqtaý isiniń úzdigi» tósbelgisimen marapattalǵan.