16 qańtar kúni Qazaqstanda ótetin mańyzdy sharalarǵa sholý

ASTANA

10.00-de Qazaqstan Respýblıkasy Parlamenti Májilisiniń jalpy otyrysy bastalady.

11.00-de Astana Marriott qonaq úıinde Qazaqstannyń Avtobıznes qaýymdastyǵy «QR avtonaryǵy: 2018 jyldyń qorytyndysy, boljamdar men úderister» taqyrybynda baspasóz máslıhatyn ótkizedi.

11.00-de elordalyq Oqýshylar saraıynda BAÁ Qazaqstandaǵy tótenshe jáne ókiletti elshisi Mýhammed Ahmad Ál-Jabırdiń qatysýymen qaıyrymdylyq kontserti ótedi.

14.45-te Memlekettik qyzmet isteri jáne sybaılas jemqorlyqqa qarsy is-qımyl agenttiginde baspasóz máslıhaty ótedi.

15.00-de Qarjy mınıstrliginde memlekettik satyp alý týraly zańnamanyń jańalyqtaryn túsindirý maqsatynda óńirlik keńes ótedi.

ALMATY

9.30-da Dostyk qonaq úıinde Qazaqstannyń zamanaýı ádebıetin BUU 6 tiline aýdaratyn sheteldik aýdarma uıymdary men aýdarmashylar shyǵarmalary antologııaǵa engen qazaqstandyq avtorlarmen kezdesedi.

14.30-da «Interfaks-Qazaqstan» agenttiginde «Ulttyq ǵylymı ftızıopýlmonologııa ortalyǵy» Qazaqstandaǵy týberkýlezge qarsy ulttyq baǵdarlama qyzmetiniń nátıjesi týraly baspasóz máslıhatyn ótkizedi.

15.00-de Á. Qasteev atyndaǵy Memlekettik mýzeıdiń Ábilhan Qasteev zalynda sýretshiniń 115 jyldyǵyna arnalǵan dóńgelek ústel ótedi.

15.30-da «Almatynyń bas jospary» ǵylymı-zertteý ınstıtýtynyń májilis zalynda Almaty qalasy máslıhatynyń altynshy shaqyrylymy kezekten tys HLI-sessııasyn ótkizedi.

17.00-de Chaplin Cinemas kınoteatrlar jelisiniń polemıkalyq klýbynda «Tulǵalyq ósý trenıngi» kórkem fılminiń kórsetilimi ótedi.

AQTÓBE

10:45-te oblystyq aýrýhanada densaýlyq saqtaý basqarmasynyń 2018 jylǵy jumys qorytyndysy boıynsha alqa májilisi ótedi.