16 qańtar kúni elimiz qalalarynda aýa sapasy qandaı bolady
ASTANA. QazAqparat - Sársenbi, 16 qańtar kúni Qazaqstan qalalarynyń basym bóliginde jaǵymdy meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń málimetinshe, Aqtaý, Almaty, Astana, Qostanaı, Qyzylorda, Kókshetaý, Pavlodar, Taraz, Oral, Óskemen jáne Shymkent qalalarynda aýa sapasy qolaıly bolady.
Jaǵymsyz meteojaǵdaı túnde Aqtóbe, Atyraý, Petropavl jáne Taldyqorǵanda boljanady.
Sondaı-aq Qaraǵandy qalasynyń atmosferasynda lastaýshy zattardyń shoǵyrlanýy kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
