16 qańtar kúni bolatyn mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 16 qańtar kúni bolatyn mańyzdy oqıǵalarǵa sholý jasaıdy.
Saǵat 10:00-de «Úkimet úıinde» Úkimet otyrysy ótedi. Kúnniń basty taqyryby - 2018 jyldyń 10 qańtary kúni Memleket basshysy Nursultan Nazarbaevtyń halyqqa arnaǵan Joldaýyndaǵy tapsyrmalardy oryndaý josparyn iske asyrý. Sonymen qatar, arnaýly áleýmettik kómek kórsetý men óz-ózin jumyspen qamtyp otyrǵandardyń jumysyn baqylaý.
Saǵat 11:00-de S.Seıfýllın atyndaǵy Qazaq agrotehnıkalyq ýnıversıtetinde Elbasy Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy talqylanady. Jıynǵa Parlament Májilisiniń agrarlyq máseleler komıtetiniń tóraǵasy Saparhan Omarov jáne qoǵam qaıratkerleri, bilikti ǵalymdar, oqytýshylar quramy jáne doktoranttar, magıstranttar, stýdentter qatysady.
Saǵat 15:00-de kásipkerlik qyzmetti retteýdi ońtaılandyrý boıynsha Májiliste tanystyrylym ótedi.
Saǵat 15:00-de Ekonomıkalyq saıasat, ınnovatsııalyq damý jáne kásipkerlik komıtetinde «Qazaqstan Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy halyqaralyq avtokólik habarlamalaryn ratıfıkatsııalaý kelisimi týraly» zań jobasy talqylanady.
Saǵat 16:00-de «Mega Silk Way» SOSK muz aıdynynda Qazaqstan qurama komandasynyń Phenchhan-2018 qysqy olımpıadasyna arnalǵan kıimi tanystyrylady.
ALMATY
Dostyq úıinde saǵat 10:00-de «Medıatsııa - beıbitshilik pen kelisim joly. Mektep medıatsııasynyń ózektiligi» atty taqyrypta dóńgelek ústel ótedi. Memleket basshysy Nursultan Nazarbaevtyń tapsyrmasyn iske asyrýǵa arnalǵan jıynǵa Almaty qalalyq sotynyń sýdıasy A.Hamedova qatysady.
Saǵat 11:00-de Almaty energetıka jáne baılanys ýnıversıtetinde Tuńǵysh Prezıdent atyndaǵy qordyń jas ǵalymdar keńesi Elbasy Nursultan Nazarbaevtyń Joldaýyn talqylaıdy.
Saǵat 11:00-de Qazaqstan qonaq úıinde «Uly jibek joly, rýhanı jańǵyrý, Qazaqstan men Ózbekstan ultynyń saýlyǵy» taqyrybynda dóńgelek ústel ótedi.
