16 qabattan qulaǵan qyz turaqta turǵan mashınaǵa deıin eńbektep bardy
ASTANA. QazAqparat - Keshe tańerteń Reseıdiń Tıýmen qalasynda oryn alǵan qyzdyń ólimine baılanysty qaıǵyly oqıǵanyń anyq-qanyǵy belgili boldy, dep jazady Tumix.ru.
Eske sala ketsek, qala úıleriniń birinde 16 qabattan qulap, ajal qushqan tıýmendik boıjetkenniń múrdesin keshe kúndiz Mınsk kóshesindegi aýlalardyń birinde ótip bara jatqandar tapqan. Qyz sonda turaqqa qoıylǵan mashınanyń astynda jatqan. Oqıǵa ornyna dereý jedel-tergeý toby jetti.
Quqyq qorǵaý organdaryndaǵy derekkózdiń aıtýynsha, qaıǵyly jaǵdaı keshe, 7 qańtarda tańerteńgilik ýaqytta Mınsk kóshesindegi №7/1 úıde bolǵan. Jas qyzdyń áke-sheshesi qonaqtan oralǵan kezde ol úıinde bolmaı shyqty, al tereze aıqara ashyq jatqan.
Keıin anyqtalǵandaı, qulaǵannan keıin qyz birshama ýaqyt tiri bolǵan jáne sol jerdegi turaqqa qoıylǵan mashınaǵa eńbektep barǵan. Biraq «Jedel járdem» kelgenshe oqıǵa ornynda jantásilim etti.
