16 aı elsiz araldy mekendegen azamat tabyldy
ASTANA. QazAqparat - Tynyq muhıtynyń Marshall aralynyń aýmaǵyn 16 aı mekendegen meksıkalyq azamat tabyldy. Onyń kemesi saıahat kezinde buzylyp qalyp, sonyń saldarynan aralda jalǵyz ózi qalyp qoıǵan.
Hose Ivan esimdi meksıkalyq azamatty balyq aýlaýǵa shyqqan eki jergilikti turǵyn taýyp alǵan. Onyń densaýlyǵyn teksergen dárigerler qan qysymynyń tómendegenin aıtyp otyr.
Ivanmen sóılesken norvegııalyq zertteýshi Ola Feldstadtyń aıtýynsha, onyń qasynda jaqyn dosy bolǵan. Alaıda ol jaqynda qaıtys bolǵan kórinedi. 16 aıdan beri Hose Ivan balyq, tasbaqa men qustyń etin jep, jańbyrdyń sýy men tasbaqanyń qanyn iship kún kórgen.
Qazir Hoseni Marshall aralynyń astanasy Madjýro qalasyna jetkizý máselesi sheshilip jatyr. onyń odan keıingi taǵdyryn eldiń syrtqy ister mınıstrligi sheshetin bolady.
Belgili bolǵandaı, Hose Ivan dosymen birge 2012 jyldyń kúzinde Meksıkadan Salvadorǵa saıahatqa attanǵan eken. Qazir qaıyqtyń bastapqy baǵytyn ne sebepti ózgerip, Marshall aralyna qalaı tap bolǵany anyqtalyp jatyr, dep habarlaıdy lenta.ru.
