16 aqpanǵa arnalǵan aýa raıy boljamy - Qazgıdromet
ASTANA. QazAqparat - 16 aqpan kúni Qazaqstannyń kóptegen aımaqtary frontaldy bólikterdiń yqpalynda bolǵandyqtan, keı jerlerinde jaýyn-shashyn bolyp, burqasyn, tuman, kóktaıǵaq bolady, jel kúsheıedi, tek soltústik pen shyǵysta aýa raıy jaýyn-shashynsyz bolady. Bul týraly Qazgıdromet habarlady.
Almaty oblysynyń keı jerlerinde tuman bolyp, jel soǵady, kúshi 15-20, túnde Jalańashkól aýdanynda ekpini 25 m/s bolady. Jambyl, Qyzylorda, Mańǵystaý, Atyraý oblystarynyń keı jerlerinde tuman, kóktaıǵaq bolady. Ońtústik Qazaqstan, Aqtóbe, Pavlodar oblystarynyń keı jerlerinde tuman kútiledi. Aqmola oblysynyń keı jerlerinde jel soǵady, kúshi 15-20 m/s, túnde jáne tańerteń tuman bolady. Qostanaı, Pavlodar oblystarynyń keı jerlerinde tuman kútilip, kúndiz jel 15-20 m/s kúsheıedi. Batys Qazaqstan oblysynyń keı jerlerinde burqasynmen jel soǵady, kúshi 15-20 m/s, tuman bolady.
