16 aqpanda aýa raıy qandaı bolady
NUR-SULTAN. QazAqparat - Sınoptıkter 16 aqpan, sársenbi kúni aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóligi antıtsıklonnyń yqpalynda bolady, sondyqtan jaýyn-shashyn toqtap, temperatýralyq fon tómendeıdi.
Respýblıkanyń soltústik jáne shyǵys jartysy arqyly atmosferalyq fronttar qar men jaıaý burqasyndy saqtaı otyryp qozǵalady.
Eldiń keı jerlerinde tuman túsip, jel kúsheıedi, eldiń ońtústik-shyǵysynda kóktaıǵaq bolady.
Túnde Aqmola oblysynyń batysynda tuman túsedi, oblystyń shyǵysynda jel ekpini - 15-20 m/s.
Almaty oblysynyń taýly aýmaqtarynda jáne taý bókterinde tuman, kóktaıǵaq bolady.
Túrkistan oblysynyń ońtústiginde, batysynda jáne taýly aýdandarynda tuman kútiledi, taýly asýlarda jel 15-20 m/s kúsheıedi.
Soltústik Qazaqstan oblysynyń ońtústiginde tuman, kúndiz oblystyń soltústiginde, ońtústik-batysynda, batysynda jeldiń qarqyny - 15-20 m/s . Jaıaý burqasyn soǵady.
Túnde Pavlodar oblysynyń batysynda jaıaý burqasyn kóterilip, jel ekpini 18 m/s deıin kúsheıedi.
Qaraǵandy oblysynyń soltústiginde, batysynda jáne ortalyǵynda tuman túsedi. Túnde oblystyń shyǵysynda jaıaý burqasyn soǵyp, jeldiń kúshi 18 m/s jetedi.
Shyǵys Qazaqstan oblysynyń túnde basym bóliginde, kúndiz shyǵysynda burqasyn soǵady. Ońtústik-batysynda jel 15-20 m/s deıin kúsheıedi.
Jambyl oblysynyń taýly jáne taý bókterindegi aýdandarynda tuman túsedi, kóktaıǵaq bolady. Jeldiń ekpini - 15-20 m/s.
Atyraý oblysynyń soltústiginde, batysynda jáne ortalyǵynda, Mańǵystaý, Qyzylorda oblystarynyń soltústiginde, Aqtóbe oblysynyń batysynda, Qostanaı oblysynyń soltústiginde tuman túsedi.
