16 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

16 aqpan JEKSENBІ

Reseıdiń Energetıka mınıstrligi muraǵatynyń kúni. Bul merekeniń tarıhy 1939 jyldyń 24 qańtarynda KSRO Elektrstansasy jáne elektróndirisi Halyqtyq komıssarıatymen bastalǵan. Alaıda muraǵattyń qurylǵan kúni dep 1939 jyldyń 16 aqpany sanalady. Bul kúni óz mindetine Ortalyq muraǵattyń muraǵat saqtaýshysy E.L.Semenova men Tehnıkalyq muraǵattyń aǵa muraǵatshysy ıÝ.O. Kýlesh óz qyzmetine kirisken.

Lıtva Respýblıkasynyń Ulttyq meıramy. Lıtva memlekettiliginiń qalpyna keltirilgen kúni (1918). Lıtva - Baltyq teńiziniń ońtústik-shyǵys jaǵalaýynda ornalasqan memleket. Astanasy - Vılnıýs qalasy. Resmı tili - lıtvan tili. Aqsha birligi - lıt. Memleket basshysy - Prezıdent. Joǵarǵy zań shyǵarýshy organy bir palataly parlament - Seım. Atqarýshy bılikti Mınıstrler Kabıneti júzege asyrady.

Lıtva ındýstrııaly-agrarly el. Ekonomıkasynyń jetekshi salalary - mashına jasaý, metall, aǵash óńdeý, hımııa, tamaq, toqyma ónerkásipteri. Mal sharýashylyǵy men balyq aýlaý da joǵary damyǵan. Eksportynyń negizin munaı ónimderi, mashına, qural-jabdyq, tamaq, toqyma ónimderi quraıdy. Qazaqstan Respýblıkasy men Lıtva Respýblıkasy arasyndaǵy dıplomatııalyq qarym-qatynas 1992 jylǵy maýsymnyń 15-inde ornatyldy.

KHDR Prezıdenti Kım Chen Irdiń týǵan kúni. Kım Chen Ir 1942 jyly 16 aqpanda dúnıege kelgen. Ol «uly saıası jetekshi» Kım Ir Senniń uly. Saıası mansabyn 1961 jyly Koreıanyń Eńbek partııasyna kirip bastady. 1973 jyly partııanyń OK Hatshysy bolyp saılanyp, keıin KEP OK Saıası bıýrosynyń múshesi boldy.

1980 jyly Kım Chen Ir OK Saıası bıýrosy Prezıdıýmynyń múshesi atanyp, resmı úgit-nasıhatta onyń aqyly men kóshbasshylyq qasıetteri maqtanyshpen aıtyldy. 1991-1992 jyldary generalıssımýs atanyp, KHDR Marshaly ataǵyna ıe boldy. Al 1994 jyly ákesi qaıtys bolǵannan keıin ol el bıligin óz qolyna alyp, memlekettiń resmı kóshbasshysy atandy.

Kım Chen Ir 2011 jyly ómirden ozdy. Onyń muragerlik taǵyna úshinshi uly Kım Chen Yn otyrdy. KHDR-da Kım Chen Irge tabyný damyǵan. Buǵan onyń esimin ataǵan kezde mindetti túrde aıtylýy tıis 30 mártebeli sóz dálel bola alady.

AQSh-ta prezıdentter kúni. Ulttyń negizin qalaýshylary sanalatyn A.Lınkolnniń týǵan kúninen (aqpannyń 12-i ) keıingi jáne Dj.Vashıngtonnyń týǵan kúniniń (aqpannyń 22-i) aldyndaǵy dúısenbide atap ótiledi.

AQSh-ta ulttyq badam kúni. AQSh-ta badam alǵash ret 1840 jyly ósirile bastady. Tehas, Nıý-Meksıko jáne Djordjııa shtattarynda badam ósirý týraly alǵashqy qadam sátsiz boldy. Sebebi, ońtústik shtattardyń ystyq aýasyna ol bóse qoımady. 1850 jyldary alǵashqy balam alqaptary Kalıfornııa shtatynda paıda boldy. Qazir atalmysh aımaq álem boıynsha badam ósirýde kóshbasshy bolyp tur.

Islandııadaǵy áıelderi kúni. Atalmysh mereke 19 ǵasyrdan beri toılanyp keledi. Bul kúni eldegi er azamattar áıelderine syılyq retinde úı sharýasyn ózderi tyńdyryp, tańǵy asyn tósegine ákelip beretin bolǵan. Gúl shoqtary keıin atalmysh merekeniń sımvolyna aınaldy. Qazir bul kúni arnaıy komıssııa tańdaıtyn retsept boıynsha eldiń barlyq kondıterlik dúkenderi birdeı istep satatyn «Jyl tortyn» syılaý sánge aınalǵan.

ESTE QALAR OQIǴALAR

19 jyl buryn (1995) QR Prezıdenti N.Nazarbaev eldegi ulttyq mádenı ortalyqtardyń jetekshilerimen kezdesken kezde Respýblıka Prezıdentiniń janynan konsýltatıvtik organ retinde Qazaqstan halqy Assambleıasyn qurýdy usyndy.

14 jyl buryn (2000) Shymkentte qazaqstandyq-pákistandyq «Feshn Lend» toqyma fabrıkasynyń ashylý saltanaty ótti.

4 jyl buryn (2010) Almatyda «Kazakhstan-Germany: Expand Your Business at the Heart of Central Asia» qazaqstan-germanııalyq ınvestıtsııalyq forýmy ótti.

3 jyl (2010) buryn qaraǵandylyq stýdentter respýblıka boıynsha Qurmanǵazynyń «Saryarqa» kúıin jappaı oryndaýǵa qatysty. Bul kúni elderi barlyq JJO-da Táýelsizdiktiń 20 jyldyǵyna arnap «Saryarqa» kúıi oryndalǵan bolatyn.

3 jyl buryn (2010) Astanada Ulttyq akademııalyq kitaphanada «Abaıtaný» ıntellektýaldyq oqý-ádistemelik kesheniniń tanystyrylymy ótti.

2 jyl buryn (2012) Memleket basshysy «Áskerı qyzmet jáne áskerı qyzmetkerlerdiń mártebesi týraly» zańǵa qol qoıdy. Atalǵan zań azamattardyń áskerı boryshyn óteýi men áskerı qyzmetkerlerdiń áleýmettik qorǵalýy týraly.

1 jyl buryn (2013) Pavlodarda jasóspirimderge arnalǵan áskerı-sport klýby ashyldy. Bul qaladaǵy parashıýt pen sý asty sporty jáne qoıan-qoltyq urys mánerin úırengisi keletin jasóspirimderge arnalǵan alǵashqy klýb.

1 jyl buryn (2013) Almatydaǵy Respýblıka saraınyda alǵash ret «Qazaqstandaǵy shanson juldyzdary» halyqaralyq festıvali ótti. Onda Lıýbov Ýspenskaıa, Vıllı Tokarev, Janna Prohorına men «Voroavaıkı» tobynyń ánderi shyrqaldy.

Shanson - qalalyq romans, bard ánderi syndy keńeıtilgen mýzykalyq baǵyt. Bul janrdyń ereksheligi, ony eldıtalyq meımanhanalardan bastap, qoǵamdyq kólikterdiń ózinde shyrqalatyndyǵynda.

1 jyl buryn (2013) Astanada «Frantsııa-Qazaqstan» halyqaralyq kórmesi ashyldy. Oǵan Martın Rıvazı-Offan, Umsyn Arqabaeva, Armat Bektas, Erlan Nazarkul, Gúlmıra Telgozıeva, Erkinbek Esimov, Eraly Dosmaǵanbetov jáne Jannett Ábısh qatysty.

292 jyl buryn (1722) Reseı ımperatory Petr I erteden saqtalyp kelgen taq muragerligin tek er adamdarǵa ǵana berýge tyıym salǵan jarlyqqa qol qoıdy. Soǵan sáıkes, taq murageri monarhtyń qalaýy boıynsha taǵaıyndalatyn boldy. 1797 jyly Pavel І bul jarlyqtyń kúshin joıdy.

96 jyl buryn (1918) Táýelsiz Kýban Halyq Respýblıkasy jarııalandy.

66 jyl buryn (1948) amerıkalyq astronom Djerard Koıper Ýranǵa eń jaqyn jáne eń kishi jerserikti ashty. Ol ony Ýılıam Shekspırdiń «Daýylyndaǵy» personajdyń qurmetine Mıranda dep atady. Aıta keterligi, Ýrannyń jerserikterin Shekspır men Poýp shyǵarmalarynyń keıipkerleriniń esimimen ataý dástúri qalyptasqan.

57 jyl buryn (1957) KSRO Joǵarǵy Keńesi Prezıdıýmynyń Jarlyǵymen «Batyp bara jatqandardy qutqarǵany úshin» medali taǵaıyndaldy.

46 jyl buryn (1968) tarıhta alǵash retin 911 jedel qyzmetine alǵashqy telefon qońyraýy tústi. Heılevıll - AQSh-taǵy qutqarý qyzmeti jumys isteı bastaǵan alǵashqy qala. Búginde 911 qyzmetine alǵash ret qońyraý shalynǵan telefon Heılevıll murajaıynda saqtaýly tur.

36 jyl buryn (1978) Chıkagoda (Illınoıs shtaty, AQSh) birinshi elektrondy jarnama taqtaıy BBS iske qosyldy. Kabeldi kompıýter sırek qoldanylǵan kezde tutynýshylardyń arasynda telefon jelileri arqyly baılanys jasaýdyń bul túri keń taraǵan.

8 jyl buryn (2006) Amerıkanyń áskerinde sońǵy jyljymaly hırýrgııalyq gospıtal jumys isteı bastady. Mundaı gospıtalder alǵash ret 1945 jyly Koreıada soǵys kezinde paıdalanylǵan.

22 jyl buryn (1992) Qazaqstan Respýblıkasy men Jańa Zelandııa arasynda dıplomatııalyq qarym-qatynas ornatý týraly notalardy aýystyrý ótti.

1 8 jyl buryn (1996) «Jambyl» - «Taraz» aptalyq gazetiniń alǵashqy sany jaryq kórdi. Bastapqyda gazet orys tilinde jaryq kórip, qosymsha qazaq tilinde de maqalalar basylyp turdy. 2002 jylǵy naýryzdan bastap qazaq jáne orys tilderinde bólek shyǵa bastady. Qazirgi kezde gazettiń taralymy orys tilinde 11 myń, qazaq tilinde 4 myń danany quraıdy.

1 4 jyl buryn (2000) Shymkentte «Feshn Lend» qazaqstandyq-pákistandyq birikken tigin fabrıkasynyń ashylý saltanaty ótti.

1 4 jyl buryn (2000) Almatyda Abylaı han atyndaǵy qordyń prezıdenti Shota Ýálıhanov Qazaqstan Prezıdenti N.Nazarbaevqa «Ǵasyr sańlaǵy» altyn medalin tapsyrdy.

4 jyl buryn (2010) Qazaqstan Respýblıkasy Qorǵanys mınıstrliginiń resmı veb-saıty óz ataýyn ózgertti. Elimizdiń bas áskerı vedomstvosynyń Internet-resýrsy budan bylaı elektrondyq Úkimettiń platformasyna ornalastyryldy jáne onyń ataýy www.mod.gov.kz.

2005 jyldan beri jumys istep kele jatqan www.mod.kz saıty Internet-keńistikte taǵy biraz ýaqyt jumys isteıdi. Biraq, birtindep ony jańa saıt tolyq almastyratyn bolady.

4 jyl buryn (2010) Qazaq ulttyq mýzyka akademııasynyń ataýy Qazaq ulttyq óner ýnıversıteti bolyp ózgertildi.

Qazaq ulttyq mýzyka akademııasy ónerdiń barlyq janry men baǵyttaryn qamtıtyn ýnıversıtetke aınaldy. Onda mýzykamen qatar horeografııa, ónertaný, beıneleý óneriniń túrleri, músin, dızaın, kıno, televıdenıe boıynsha mamandyqtar ashyldy.

Qazaq ulttyq mýzyka akademııasy 1998 jyly naýryzdyń 31-inde Elbasy Nursultan Nazarbaevtyń qoldaýymen jáne bastamasymen qurylǵan bolatyn.

4 jyl buryn (2010) Memleket basshysy Nursultan Nazarbaev «Táýelsiz Memleketter Dostastyǵyna qatysýshy memleketterdiń shekara mańy yntymaqtastyǵy týraly konventsııany ratıfıkatsııalaý týraly» Zańǵa qol qoıdy.

7 jyl buryn (2007) Saparǵalı Begalın atyndaǵy memlekettik balalar kitaphanasynda mektep jasyna deıingi balalarǵa arnalǵan «Qýyrmash» jınaǵynyń tusaýkeseri ótti.

«Almatykitap» baspasynan jaryq kórgen «Qýyrmash» jınaǵy joǵary sapada bezendirilgen. Besik jyrlary, jańyltpashtar, jumbaqtar, sanamaqtar, maqal-mátelder jáne tórt túlik týrasynda jyrlardy qamtıtyn kitapta balalardyń jas ereksheligi de eskerilgen. Sondyqtan ondaǵy jyrlar 2-3 jastaǵy, 4-5 jastaǵy jáne 6-7 jastaǵy balalarǵa laıyqtalyp, jeke-jeke bólimderge tarmaqtalyp berilgen.

8 jyl buryn (2006) elordadaǵy Qazaqstan Respýblıkasy Ulttyq akademııalyq kitaphanasynda Muhtar Shahanovtyń «Shyńǵys hannyń pendelik qupııasy (Kóz jumar shaqtaǵy arpalys)» atty dramalyq týyndysynyń frantsýz tilindegi basylymynyń tanystyrylymy boldy.

Pesany frantsýz tiline oqytýshy Gúlnár Sársekeeva men Frantsýz alıansynyń prezıdenti Brıjıt Brefor aýdardy. Tanystyrylym barysynda pesanyń frantsýz tilindegi úlgisi Muhtar Shahanovqa tabys etildi. Brıjıt Brefordyń aıtýynsha, kitap Frantsııada 2005 jyldyń qarasha aıynda basylyp shyqqan jáne atalmysh shyǵarmaǵa oqyrmandar men teatr ujymdary zor qyzyǵýshylyq tanytqan kórinedi.

8 jyl buryn (2006) Máskeýde Ulytaý tobynyń «Jymyr Kylysh» albomynyń tanystyrylymy ótti.

Jumyr jáne Qylysh - qazaq batyrlarynyń esimi. Dombyra men qobyzdyń oryndaýyndaǵy etnıkalyq áýendi aýyr rok, blıýz áýenimen súıemeldep oryndap júrgen mýzykanttar alǵashqy dıskilerin shabytpen jazǵan.

9 jyl buryn (2005) «Qazaqstan» baspasynan, «Tulǵa jáne ýaqyt» serııasynan «Ebineı Bóketov» atty kitap jaryq kórdi. Avtory - tanymal jazýshy Medeý Sárseke. E.Bóketov (1925-1983) - qazaqtyń tanymal ǵalymy jáne pedagog, tehnıkalyq ǵylymdarynyń doktory, akademık, KSRO Memlekettik syılyǵynyń ıegeri. Ózi kóp jyldar boıy basqarǵan Qaraǵandy memlekettik ýnıversıtetine esimi berilgen.

111 jyl buryn (1903) tiske plomby salýda alǵash ret farfor paıdalanyldy.

ESІMDER

119 jyl buryn (1895-1946) teatr sýretshisi, kınorejısser, Qazaqstannyń halyq sýretshisi LEVIN Moıseı Zelekovıch dúnıege keldi.Reseı Federatsııasynyń Sankt-Peterbor qalasynda týǵan. Negizinen Sankt-Peterbor teatrlarynda qyzmet etti.

B.Lavrenevtiń «Razlom», A.Sýhovo-Kobylınanyń «Smert Tarelkına», K.Trenevtiń «Lıýbov ıArovaıa», A.Gorkııdiń «Egor Býlychev ı drýgıe», N.Pogodınniń «Moı drýg», M.Mýsorgskııdiń «Sorochınskaıa ıarmarka», V.Kırshonnyń «Chýdesnyı splav» spektaklderine dekoratsııalar jasaǵan. Emotsıaldy jáne psıhologııalyq boıaýynyń qanyqtyǵy, beıneli jınaqtylyq - onyń tańdaýly spektaklderi dekoratsııasyna tán qasıet.

30-jyldardyń aıaǵynda kıno ónerimen shuǵyldandy. V.Ivanov, B.Maılın, Ǵ.Músirepovpen birlesip, jazǵan stsenarııi negizinde «Amangeldi», M.Áýezovtiń stsenarııi boıynsha «Raıhan» atty kórkem fılmderdi qoıyp, qazaq kıno óneriniń damýyna úlken úles qosty.

8 1 jyl buryn (1933) fılosofııa ǵylymynyń doktory, professor, Qazaqstan Respýblıkasy Ulttyq ǵylym akademııasynyń akademıgi, Qazaq KSR Memlekettik syılyǵynyń laýreaty, Qazaqstan Respýblıkasynyń eńbek sińirgen ǵylym qaıratkeri, Prezıdenttiń beıbitshilik jáne rýhanı kelisim syılyǵynyń laýreaty ÁBDІLDIN Jabaıhan Múbarakuly dúnıege keldi.

Pavlodar oblysynda týǵan. Qazaq memlekettik ýnıversıtetin bitirgen. Qazaqstan Ǵylym akademııasy Fılosofııa jáne quqyq ınstıtýtynyń kishi, aǵa ǵylymı qyzmetkeri, bólim meńgerýshisi, dırektory bolǵan. 1984-1986 jyldary - Qazaqstan Ǵylym akademııasy Qoǵamdyq ǵylymdar bólimshesiniń akademık-hatshysy. 1986-1994 jyldary - Qazaqstan Ǵylym akademııasynyń vıtse-prezıdenti. 1996-2005 jyldary - Qazaqstan Respýblıkasy Parlamenti Senatynyń depýtaty, Halyqaralyq ister, qorǵanys jáne qaýipsizdik komıtetiniń tóraǵasy. 2005 jyldan Qazaqstan Respýblıkasy Prezıdentiniń Ákimshiligi bólimi meńgerýshisiniń orynbasary qyzmetin atqarǵan.

2-shi dárejeli «Barys», «Eńbek Qyzyl Tý», «Qurmet belgisi» ordenderimen, medaldarmen marapattalǵan.

7 9 jyl buryn (1935) qazaqstandyq hırýrg, medıtsına ǵylymdarynyń doktory, professor, Halyqaralyq Aqparattandyrý Akademııasynyń jáne Nıý-Iork Ǵylym Akademııasynyń akademıgi LOHVITsKII Sergeı Vıktorovıch dúnıege keldi.

Máskeý qalasynda týǵan. Máskeýdiń 1-shi Medıtsına ınstıtýtyn bitirgen.

Ol Qazaqstanda alǵash ret qoldyń saýsaqtaryna mıkrohırýrgııalyq operatsııa jasaýdy júzege asyrdy. Qaraǵandy oblystyq klınıkalyq aýrýhanasynda jáne basqa da emdeý oryndarynda 30 jyl ishinde 20 myńnan astam operatsııalar jasady.

S.Lohovıtskıı respýblıkada alǵashqylardyń biri bolyp Memlekettik emes hırýrgııalyq klınıka uıymdastyrdy. Ol balalar úıleriniń jáne bóbekter úıleriniń tárbıelenýshilerin operatıvti emdeý jóninde birneshe qaıyrymdylyq aktsııalaryn ótkizdi.

100 ónertabystyń, 600-den astam ǵylymı eńbektiń, sonyń ishinde 18-i monografııa avtory. 20 ǵylym doktory men 98 kandıdat daıyndaǵan.

Eńbek Qyzyl Tý ordenimen jáne medaldarmen marapattalǵan. Densaýlyq saqtaý isiniń úzdigi.

7 6 jyl buryn (1938) L.Gýmılev atyndaǵy Eýrazııa ulttyq ýnıversıtetiniń professory, tehnıka ǵylymynyń doktory, Qazaq KSR joǵary mektebiniń eńbek sińirgen qyzmetkeri HAMZIN Sábıt Qurashuly dúnıege keldi.

Soltústik Qazaqstan oblysynda týǵan. Lenıngrad ınjenerlik qurylys ınstıtýtyn jáne aspırantýrasyn bitirgen. Óskemen, Aqmola qalalaryndaǵy joǵary oqý oryndarynda oqytýshylyq qyzmette bolǵan. 1987 jyldan Aqmola ınjenerlik qurylys ınstıtýtynyń kafedra meńgerýshisi bolǵan. Ǵalymnyń negizgi ǵylymı jumystary beton jáne temir-beton buıymdaryn óndirý tehnologııasyn jaqsartýǵa jáne Soltústik Qazaqstan oblysynyń tabıǵat jaǵdaıyna baılanystyq jergilikti ónimderdi qolana otyryp bólshekter óndirý tehnologııalaryn jaqsartýǵa baǵyttalǵan. 40-tan astam ǵylymı eńbegi jaryq kórgen. Avtorlyq kýáligi bar.

«Qurmet belgisi» ordenimen marapattalǵan.

6 3 jyl buryn (1951) Qaraǵandy oblysy boıynsha jer qatynastary basqarmasynyń bastyǵy ALTYNBEKOV Turar Ahmetuly dúnıege keldi.

Qaraǵandy oblysy Jańaarqa aýdanynda týǵan. Qaraǵandy kooperatıv ınstıtýtyn (qazirgi Qaztutynýodaǵy Qaraǵandy ekonomıkalyq ýnıversıteti) bitirgen.

1974-1982 jyldary - Shet aýdandyq tutyný odaǵynyń esepshi-revızory, 1982-1991 jyldary - Aǵadyr aýdandyq partııa komıtetiniń nusqaýshy, bólim meńgerýshisi, Jezqazǵan oblystyq partııa komıteti bastyǵynyń orynbasary, batyǵy, 1991-2002 jyldary - Jezqazǵan oblystyq aýylsharýashylyq basqarmasy bastyǵynyń birinshi orynbasary, orynbasary, bólim bastyǵy, Qaraǵandy oblystyq aýylsharýashylyǵy departamenti bastyǵynyń mindetin atqarýshy, orynbasary, bolim meńgerýshisi. 2002-2004 jyldary - Qaraǵandy oblysy Abaı aýdany ákiminiń orynbasary, 2004-2010 jyldary - Qaraǵandy oblysy Abaı aýdanynyń ákimi qyzmetterin atqarǵan. 2010 jyldyń tamyz aıynan bastap - qazirgi qyzmetinde.

4 6 jyl buryn (1968) tehnıka ǵylymynyń doktory, professor, Qazaqstan Respýblıkasy Injenerlik akademııasynyń korrespondent múshesi ÁLІMJANOV Aıbar Muratbekuly dúnıege keldi.

Almaty qalasynda týǵan. Qazaq memlekettik ýnıversıtetin bitirgen. Qazaqstan Ǵylym akademııasy mehanıka jáne mashınataný ınstıtýtynyń kishi, aǵa ǵylymı qyzmetkeri bolǵan. 1999-2000 jyldary - Qazaq kólik jáne kommýnıkatsııa akademııasynyń kafedra meńgerýshisi. 2000 jyldan Q.Sátbaev atyndaǵy Qazaq ulttyq tehnıkalyq ýnıversıtetiniń professory.

6 5 jyl buryn (1949) Jáńgir han atyndaǵy Batys Qazaqstan agrarlyq tehnıkalyq ýnıversıtetiniń rektory, aýyl sharýashylyǵy ǵylymynyń doktory, professor, Qazaqstan Respýblıkasy Jaratylystaný ǵylymdar akademııasynyń akademıgi BOZYMOV Qazybaı Qarabaıuly dúnıege keldi.

Qyzylorda oblysynyń Aral aýdanynda týǵan. Batys Qazaqstan aýyl sharýashylyǵy ınstıtýtyn, Búkilreseılik metrologııalyq qyzmet ǵylymı-zertteý ınstıtýtynyń aspırantýrasyn bitirgen. Batys Qazaqstan aýyl sharýashylyǵy ınstıtýtynyń oqý isi jónindegi prorektory qyzmetin atqarǵan. 1996-2000 jyldary - Batys Qazaqstan agrarlyq ýnıversıtetiniń birinshi prorektory. 2000-2002 jyldary - Batys Qazaqstan ınjenerlik-tehnologııalyq ınstıtýtynyń rektory. Qazirgi qyzmetinde 2002 jyldan bastap isteıdi.

Medalmen, Qazaq KSR Joǵarǵy Keńesiniń Qurmet gramotasymen marapattalǵan.

5 7 jyl buryn (1957) «Qazteleradıo» AQ Qostanaı oblystyq teleradıohabarlaryn taratý fılıalynyń dırektory TÓLEKOV Baqyt Kenebaıuly dúnıege keldi.

Qyzylorda qalasynda týǵan. Almaty energetıkalyq ınstıtýtynyń radıobaılanys jáne radıotehnıka fakýltetin bitirgen, radıoınjener. 1980 jyldan aýysym aǵa elektr mehanıgi: 1983 jyldan - aýysym bastyǵy; 1995 jyldan QazaqKSR Baılanys mınıstrliginiiń №1 radıoortalyǵy taratý tsehynyń bastyǵy. 1997 jyldan - «Altaı» tsehy bastyǵynyń orynbasary. 1998 jyldan QR Baılans mınıstrligi «Kóktóbe» RMK «Altaı» RTS radıojabdyqtar bóliminiń bastyǵy. 2000 jyldan - «Qazteleradıo» AAQ Almaty oblystyq radıotelevızııa habarlaryn taratý ortalyǵy fılıalynyń tehnıkalyq dırektory. Keıin Almaty jáne Qostanaı oblystary boıynsha «Qazteleradıo» AQ Qostanaı oblystyq teleradıohabarlaryn taratý fılıalynyń dırektory qyzmetin atqarǵan.

54 jyl buryn (1960) QR Іshki ister mınıstriniń orynbasary KENENBAEV Erlik Ábdiraqymuly dúnıege keldi.

Taldyqorǵan oblysy Panfılov aýdany Basqynshy aýylynda dúnıege kelgen. 1985 jyly S.Kırov atyndaǵy Qazaq memlekettik ýnıversıtetin bitirgen, mamandyǵy - quqyqtanýshy. Quqyq qorǵaý organdaryndaǵy qyzmetin 1985 jyly Mańǵyshlaq oblysynyń Shevchenko qalasyndaǵy prokýratýrada aǵa tergeýshi bolyp bastady. 1985-2002 jyldary prokýratýra organdarynda túrli basshylyq laýazymdardy atqardy. 2002-2005 jyly - Qazaqstan Respýblıkasy ІІM Tergeý departamentiniń bastyǵy. 2005-2007 jyldary - Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary. 2007 jylǵy qańtar - qazan aralyǵynda - Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń bastyǵy. 2007-2008 jyldary - Qazaqstan Respýblıkasynyń Prezıdenti Ákimshiliginiń bólim meńgerýshisi. 2008-2009 jyldary - Qazaqstan Respýblıkasy Qarjy mınıstrliginiń Kedendik baqylaý komıteti tóraǵasynyń orynbasary. 2009-2012 jyldary - Almaty oblysynyń prokýrory. 2012 jylǵy aqpannan bastap - Qazaqstan Respýblıkasy Іshki ister mınıstriniń orynbasary.

Birqatar vedomstvolyq jáne úkimettik nagradalary bar.

5 3 jyl buryn (1961) ǵalym-agronom, saıasattanýshy, «Vechernıı Almaty» gazetiniń bas redaktory JOROV Nıkolaı Nıkolaevıch dúnıege keldi.

Soltústik Qazaqstan oblysy Maǵjan Jumabaev aýdanynda týǵan. Omby aýylsharýashylyq ınstıtýtyn, Qazaqstan menedjment, ekonomıka jáne boljaý ınstıtýtyn bitirgen.

1982-1983 jyldary - Vozvyshenko aýylynyń memlekettik sort synaý úleskilerinde synaýshy-agronom, 1983-1984 jyldary - keńshar bólimshesiniń basqarýshysy, 1984-1985 jyldary - aýdandyq «Za kommýnızm» gazetiniń tilshisi, 1985-1986 jyldary - Vozvyshenko LKJO aýdandyq komıtetinde uıymdastyrýshy bólimi meńgerýshisiniń orynbasary, 1986-1990 jyldary - Seıfýllın aýyldyq keńesi atqarýshy komıtetiniń tóraǵasy, 1991-1997 jyldary - «Kazahstanskaıa pravda» gazetiniń tilshisi, Almaty oblysy boıynsha menshikti tilshisi, 1997-2002 jyldary - «Kazahstanskaıa pravda» gazetiniń dırektory, 2002-2007 jyldary - «Argýmenty ı fakty Kazahstan» gazetiniń menshikti tilshisi, 2005-2006 jyldary - «Respýblıka KZ» gazetiniń bas redaktory, 2006-2007 jyldary - Oral qalasyndaǵy «Jaıyq press» JShS-nyń bas dırektory, 2007-2009 jyldary - «Argýmenty ı fakty Kazahstan» gazeti bas redaktorynyń orynbasary qyzmetterin atqarǵan. 2009 jyldyń maýsym aıynan - qazirgi qyzmetinde.

4 3 jyl buryn (1971) Aqmola oblysy Arshaly aýdanynyń ákimi QARAÝYLOV Qanat Serikuly dúnıege keldi.

Tselınograd oblysynda týǵan. Qazaq tutynýshylar kooperatıvtik ınstıtýtyn bitirgen, qarjyger. 1999 jyly - «Azyq-túlik korporatsııasy» JAQ astyqty saqtaý, ótkizý jáne tasymaldaýdy uıymdastyrý basqarmasynyń kóliktik-ekspedıtsııalyq bóliminiń mamany. 1999-2006 jyldary - «Azyq-túlik korporatsııasy» JAQ Aqmola oblystyq ókildiginiń jetekshi, bas mamany, satyp alý jáne ótkizý basqarmasynyń kelisim-shart bóliminiń bastyǵy, dırektory. 2006 jyly «Azyq-túlik korporatsııasy» AQ basqarýshy dırektory, astyqty sattyp alý jáne ótkizý departamentiniń dırektory. 2006-2008 jyldary - «QazAgroKepildik» AQ «Astyq qolhattary boıynsha mindettemelerdi oryndaý kepildigi qory» AQ basqarma tóraǵasy, «QazAgroKepildik» AQ basqarma tóraǵasy. 2008-2010 jyldary - QR Prezıdenti Іs basqarmasynyń josparlaý jáne bıýdjettik baǵdarlamalardy qarjylandyrý bólimi meńgerýshisiniń orynbasary. 2010-2013 jyldary - QR Prezıdenti Іs basqarmasynyń baǵynyshty uıymdaryn basqarý bóliminiń meńgerýshisi. Qazirgi qyzmetinde - 2013 jyldyń maýsymnan beri.

3 9 jyl buryn (1975) «Ulttyq medıtsınalyq holdıng» AQ tóraǵasynyń ekonomıka jáne qarjy jónindegi orynbasary TÁJІBAEVA Sáýle Musaqyzy dúnıege keldi.

Jambyl oblysynda týǵan. Qazaq memlekettik basqarý akademııasyn bitirgen, ekonomıst. 1995-1997 jyldary - QR Densaýlyq saqtaý mınıstrliginiń jetekshi mamany. 1997-2000 jyldary QR Densaýlyq saqtaý, bilim jáne sport mınıstrliginiń Densaýlyq saqtaý komıtetiniń jetekshi, bas mamany. 2000-2002 jldary - Densaýlyq saqtaý isteri agenttiginiń jetekshi, bas mamany. 2002-2007 jyldary - QR Densaýlyq saqtaý mınıstrliginiń bólim bastyǵy, basqarma bastyǵynyń mindetin atqarýshy, ekonomıka jáne qarjy departamentiniń dırektory. 2008-2009 jyldary - «QazTransGaz» AQ bıýdjettik josparlaý jáne ekonomıkalyq taldaý departamentiniń dırektory. 2009-2010 jyldary - «Ulttyq medıtsınalyq holdıng» AQ ekonomıka jónindegi basqarýshy dırektory. Qazirgi qyzmetinde - 2010 jylǵy qańtardan beri.

3 9 jyl buryn (1975) «Kepildentiriligen saqtandyrý tólemderi qory» AQ Dırektorlar keńesiniń múshesi - táýelsiz dırektory DALEEVA Záýresh Ersaıynqyzy dúnıege keldi.Qazaq memlekettik basqarý akademııasyn bitirgen, halyqaralyq-ekonomıst, «pragma» korporatsııasynda arnaıy oqýdan ótti. 1998 jyldan saqtandyrý mekemelerinde ártúrli basshylyq qyzmettkeer atqardy. 2004 jyldan - «BTA( Saqtandyrý kompanııasy» AQ basqarma tóraǵasynyń orynbasary. 2005 jyldan - «BTA Saqtandyrý» saqtandyrý kompanııasy» AQ basqarma tóraıymy. 2009 jylǵy qańtardan - «Alıans Polıs» saqtandyrý kompanııasy» AQ basqarma tóraıymy. 2011 jylǵy tamyzdan - qazirgi qyzmetinde. «Astananyń 10 jyldyǵy» medalimen marapattalǵan.

3 8 jyl buryn «KazEnergy» Zańdy tulǵalar birlestiginiń quqyq máseleleri boıynsha atqarýshy dırektory JÚRSІNOV Rýstam Manarbekuly dúnıege keldi.

Óskemen qalasynda týǵan. Qazaq memlekettik zań ýnıversıtetin (qazirgi Qazaq gýmanıtarlyq zań ýnıversıteti), Qazaq memlekettik basqarý akademııasyn (qazirgi Turar Rysqulov atyndaǵy Qazaq ekonomıkalyq ýnıversıteti) bitirgen.

1998-1999 jyldary - «GRATA» zań fırmasynda zańger, 1999-2002 jyldary - Qazaqstan Respýblıkasy Memlekettik kirister mınıstrligi zań departamenti dırektorynyń orynbasary, basqarma bastyǵy, bólim bastyǵy, bastyqtyń orynbasary, 2002-2003 jyldary - «GRATA» zań fırmasynyń seriktesi, 2003-2005 jyldary - «QazMunaıTeńiz» munaı teńiz kompanııasy» JAQ-nyń quqyqty qamtamasyz etý departamenti dırektorynyń orynbasary, «Munaıkonsaltıng» JAQ-nyń («QazMunaıGazKonsaltıng») atqarýshy dırektory, 2005-2009 jyldary - «QazMunaıGazKonsaltıng» aktsıonerlik qoǵamynyń prezıdenti qyzmetterin atqarǵan.

Qazaqstan Respýblıkasy munaıgaz salasy zańgerleri qaýymdastyǵynyń, Respýblıkalyq salyq keńesshileri palatasynyń, Koroldyq tóreshiler ınstıtýtynyń, Aǵylshyn-reseı zań qaýymdastyǵynyń múshesi. 2007 jyldyń mamyr aıynan - Qazaqstannyń táýelsiz dırektorlar qaýymdastyǵynyń atqarýshy dırektory.

Atalǵan qyzmetti 2012 jyldan beri atqaryp keledi

36 jyl buryn (1978) QR Kólik jáne kommýnıkatsııa mınıstriliginiń aqparattyq tehnologııalar salasyndaǵy memlekettik saıasat departementiniń dırektory ELEÝSІZOVA Quralaı Bolatqyzy dúnıege keldi.

ShQO Semeı qalasynda týǵan. Pavlodar memlekettik ýnıversıtetin «matematıka pániniń muǵalimi» mamandyǵy boıynsha támamdaǵan. Óziniń eńbek jolyn 2000 jyly jalpy bilim beretin mektepte muǵalim bolyp bastaǵan. 2004 jyly QR Aqparattandyrý jáne baılanys agenttiginde bas maman bolyp qyzmet etti. 2005-2007 jyldar aralyǵynda QR Aqparattandyrý jáne baılanys agenttiginde bólim, basqarma bastyǵy, 2008 jyldan Departament dırektory qyzmetin atqardy. 2012 jyldan QR Kólik jáne kommýnıkatsııa mınıstrliginde Aqparattyq tehnologııalar salasyndaǵy memlekettik saıasat departamentiniń dırektory qyzmetin atqarady