16 adamnyń qaza tabýyna sebepker bolǵan atyshýly kontserttiń uıymdastyrýshysy óz-ózine qol saldy

Aıta keteıik, keshe atyshýly koreılik 4Minute tobynyń kontserti kezinde jeldetkishtiń temir tory adamdardyń salmaǵyn kótere almaı qulap ketken bolatyn. Kórermender 20 metr tereńdikke, jer astynda ornalasqan avtokólik turaǵyna qulaǵan. Osy oqıǵaǵa baılanysty, kontserttegi qaýipsizdikti qamtamasyz etýge jaýap beretin 37 jastaǵy er adam10 qabatty turǵyn úıdiń terezesinen qulaǵan. Qaıǵyly jaǵdaı polıtsııa qyzmetkerleriniń tergeýi aıaqtalǵan soń birneshe saǵattan keıin oryn aldy.

Іstiń mán-jaıyn anyqtaý kezinde 15 adam tergeýge qatysty, olardyń ishinde kontsert uıymdastyrýshylary men demeýshileri de bar. «Eger qaýipsizdik sharalary júrgizilmegendigi anyqtalsa, tergeýge qatysqandardyń ústinen is qozǵalady», - dedi qalalyq ákimshilik ókili. Onyń aıtýyna qaraǵanda, qaza tapqandar sany budan da kóp bolýy múmkin, sebebi jaraqat alǵan 11 adamnyń jaǵdaıy óte aýyr.