16-18 qazanda eldiń soltústik, ortalyq jáne shyǵysyndaǵy birqatar aýdandarda sońy qarǵa ulasatyn jańbyr jaýady dep kútilýde - Qazgıdromet
ASTANA. 15 qazan. QazAqparat - QR Qorshaǵan ortany qorǵaý mınıstrliginiń «Qazgıdromet» RMK boljaýynsha, 16-18 qazanda eldiń soltústik, ortalyq jáne shyǵysyndaǵy keı aýdandarda jaýyn-shashyn túsip, sońy qarǵa ulasatyn jańbyr jaýady dep kútilýde.
16-17 qazanda Qostanaı, 17 qazanda, 18 qazanda túnde Soltústik Qazaqstan, Aqmola, 17-18 qazanda Pavlodar, Qaraǵandy, 18 qazanda Shyǵys Qazaqstan oblystarynda, Almaty oblysynyń taýly aımaqtarynda jaýyn-shashyn túsip, sońy qarǵa ulasatyn jańbyr jaýady, keı jerlerde 15-20 m/s jyldamdyqpen jel soǵyp, aýa temperatýrasy túnde 0-8 gradýsqa deıin, kúndiz +2+10 gradýsqa deıin sýytady dep kútilýde.
18 qazanda Ońtústik Qazaqstan oblysynda jekelegen jerlerde aýa baǵamy 0-3 gradýsqa deıin tómendeıdi dep kútilýde.
