23:24, 15 Qańtar 2023 | GMT +6
16-17 qańtar kúnderi Mańǵystaý men Jambylda oqýshylar qashyqtan oqıdy
ASTANA. QazAqparat - 16-17 qańtarda mańǵystaýlyq jáne jambyldyq oqýshylar úıden oqıdy, dep habarlaıdy QazAqparat tilshisi.
«Mańǵystaý oblysy boıynsha aýa raıynyń qolaısyzdyǵyna baılanysty 2023 jyldyń 16-17 qańtar kúnderi oblystyń barlyq bilim berý uıymdarynyń oqýshylary onlaın formatta bilim alady. Aqtaý qalasyndaǵy oblystyq mamandandyrylǵan ınternat oqýshylary oflaın oqýyn jalǵastyrady» delingen Mańǵystaý oblysy bilim basqarmasy taratqan málimette.
Aıta keteıik, ótken aptanyń beısenbi, juma kúnderi de Mańǵystaý mektepterinde oqý onlaın júrgizilgen edi.
Sondaı-aq osy kúni Jambyl oblysynyń bilim basqarmasy jaısyz aýa raıyna baılanysty 16-17 qańtar kúni oblystaǵy jalpy orta mektepterdiń mektepaldy daıarlyq jáne 1-4 synyp oqýshylary qashyqtan oqıtynyn málimdedi.
