1598 memlekettik fýnktsııasy Úkimetten mınıstrlikterge beriledi - Ulttyq ekonomıka mınıstri
ASTANA. QazAqparat - Elimizdegi ákimshilik reforma aıasynda 1598 memlekettik fýnktsııa Úkimetten mınıstrlikterge beriledi. Bul týraly búgin QR Parlamenti Májilisinde «Qazaqstan Respýblıkasynyń Úkimeti týraly» Konstıtýtsııalyq zańǵa ózgerister engizý týraly» zań jobasynyń tanystyrylymy barysynda Ulttyq ekonomıka mınıstri Erbolat Dosaev málim etti.
«QR Prezıdentiniń 2014 jylǵy 25 tamyzdaǵy Jarlyǵyn iske asyrý maqsatynda zań jobasymen Úkimettiń ókilettigi naqtylanady. Atap aıtqanda, bundaı ókilettik memlekettik áleýmettik-ekonomıkalyq negizgi baǵyttardy aıqyndaý, memlekettiń qorǵanys qabilettiligin, qaýipsizdikti, qoǵamdyq tártipti qamtamasyz etý jáne olardy júzege asyrý bóligin qamtyp otyr», - dedi mınıstr E.Dosaev.
Mınıstrdiń sózine qaraǵanda, Úkimet pen mınıstrlikter quramyna enbegen ortalyq memlekettik organdarǵa strategııalyq, retteýshi, júzege asyrýshy, baqylaý-qadaǵalaý fýnktsııalary, strategııalyq josparlar men baǵdarlamalardy júzege asyrý ókilettikteri beriledi. Osyǵan oraı, zań jobasymen 15 kodekske jáne 125 zańǵa ózgerister engizý kózdeledi. «1598 fýnktsııa Úkimetten mınıstrlikterdiń quzyryna beriledi. Mınıstrlikterdiń normatıvtik-quqyqtyq aktiler qabyldaý jáne memlekettik qyzmet standarttary men reglamentterin bekitý fýnktsııalary keńeıe túsedi», - deıdi E. Dosaev.
Eske sala keteıik, atalǵan zań jobasyn QR Prezıdenti shuǵyl dep jarııalaǵan bolatyn. Qujat búgin Májilistiń jalpy otyrysynda jumysqa alynǵan edi.
