158 jyl buryn Vernyı bekinisiniń negizi salyndy
ASTANA. 24 qarasha. QazAqparat - Búgin 158 jyl buryn, dál osy kúni, ıaǵnı 1854 jyldyń 24 qarashasynda Vernyı
(1921 jyldan beri - Alma-Aty, 1929-1997 jyldar aralyǵynda Qazaqstan Respýblıkasynyń astanasy) bekinisiniń negizi salyndy.
Vernyı Almaty shatqalynda ornalasty. Buǵan deıin bul jerde ornalasqan Alma-Aty (Almaly) qonysynyń ornyna qara-qyrǵyzdardyń shabýylynan qorǵaný maqsatynda quryldy. Bekinis basynda Semıpalatınsk oblysy Alataý okrýginiń ákimshilik ortalyǵy boldy. Keıin Túrkistan áskerı okrýginiń bekitilýimen jáne Semırechensk oblysynyń qurylýymen oblystyń ákimshilik ortalyǵy etildi jáne Vernyı qalasy ataýyna ıe boldy.
