158 mln teńge turatyn eki kólikti ıemdenip alǵan eks-polıtseı sottaldy

ShYMKENT. QazAqparat – Jalpy quny 158 mln teńge bolatyn eki kólikti alaıaqtyq jolmen ıemdengen Túrkistan oblystyń Polıtsııa departamentiniń burynǵy bólim bastyǵy 6 jylǵa sottaldy, dep habarlaıdy QazAqparat.

QR Sybaılas jemqorlyqqa qarsy is-qımyl agenttiginiń búgin ótken onlaın-brıfıngi barysynda málim etilgendeı, Túrkistan oblysy Polıtsııa departamenti Krımınaldyq polıtsııa basqarmasy jeke adamǵa qarsy qylmystardy ashý bóliminiń burynǵy bastyǵy R.Dúısembıevke jalpy somasy 158 mln teńge bolatyn «Toyota Camry» jáne «Toyota Land Cruiser Prado» markaly avtokólikterdi alaıaqtyq jolmen ıemdenip, senimge qııanat jasady degen aıyp taǵylǵan.

Shymkent qalasy Ál-Farabı aýdandyq sotynyń bıylǵy 10 naýryzdaǵy úkimimen R.Dúısembıev kináli dep tanylyp, 6 jylǵa bas bostandyǵynan aıyryldy.

Jazasyn qaýipsizdigi ortasha mekemede óteıdi. Sondaı-aq onyń qylmystyq jolmen tabylǵan qarajatqa satyp alynǵan múlki tárkilenip, memlekettik qyzmette laýazym ıelenýge ómir boıyna tyıym salyndy.

Budan bólek, osy is boıynsha jekenotarıýs J.Abdýrahman QR QK 251-babynda kózdelgen qylmystyq quqyq buzýshylyq jasaǵany úshin kináli dep tanylyp, 1 jyl bas bostandyǵynan aıyrý túrindegi jazaǵa tartyldy.