158 myńǵa jýyq nárestege týberkýlezge qarsy vaktsına egildi — mınıstrlik

ASTANA. KAZINFORM — Mamandardyń aıtýynsha, sábıler men balalardyń arasynda týberkýlezdiń aldyn alýda ekpe alý mańyzdy.

Bul týraly Densaýlyq saqtaý mınıstrliginiń ulttyq ftızıopýlmonologııa ǵylymı ortalyǵynyń dırektory, Densaýlyq saqtaý mınıstrliginiń shtattan tys bas ftızıatr-dárigeri Málik Ádenov málim etti. 

— 158 myńǵa jýyq náreste BTsJ (Kalmett-Geren Batsılla vaktsınasy) vaktsınasyn aldy. Atalǵan vaktsınany egý, ásirese sábıler men balalardyń arasynda týberkýlezdiń aldyn alýda mańyzdy. Bıyl 6 aıdyń qorytyndysy boıynsha perzenthanada 158 776 bala (94,5%) BTsJ vaktsınasymen egildi, 1 jasqa deıingi ýchaskede tirkelgen jeri boıynsha taǵy 3 764 bala. Aıta ketsem, elimizde 1 jasqa deıingi balalardyń 97,01 paıyzy (DDU standarty boıynsha 95%-dan kem bolmaýy kerek) Kalmett-Geren Batsılla vaktsınasyn aldy, — dedi Málik Ádenov ortalyq kommýnıkatsııalar qyzmeti alańynda ótken baspasóz máslıhatynda.

Buǵan deıin habarlaǵanymyzdaı, bıyl alty aıda elimizde týberkýlez dertinen ólim-jitim 20 paıyzǵa tómendedi. 

Al bıyl naýryzdaǵy esep boıynsha elimizde týberkýlezden ólim-jitim 50 paıyzǵa azaıǵan. 

Aıta keteıik, AQSh ǵalymdary týberkýlezge qarsy kúreste úlken jetistikke jetti.