157 mln teńgege halyqqa tegin beriletin dári-dármek satyp alyndy - SQO

NUR-SULTAN. QazAqparat – Soltústik Qazaqstan oblysynda halyqty tegin dári-dármekpen qamtý maqsatynda turaqtandyrý qory quryldy. Sol qor esebinen 157 mln teńgege dári-dármek satyp alyndy. Bul týraly oblys ákiminiń orynbasary Asqar Saqypkereev málim etti, dep habarlaıdy QazAqparat tilshisi.

«Oblysta turaqtandyrý qory qurylyp, oǵan 357 mln teńge bólindi. Sol qarajattyń ishinde 157 mln teńgege 21 ataýly dári-dármek satyp alyndy. Oblys kóleminde statsıonar arqyly 5 túrli dári-dármek patsıentterge tegin beriledi. Atap aıtsaq, suranysqa ıe ıbýprofen men paratsetamol 25 mln teńgege satyp alyndy. Osylaısha turaqtandyrý qory esebinen oblys turǵyndary tegin medıkamenttermen qamtylyp otyr. Statsıonardan bólek, búginde 146 dárihana arqyly da tegin dárige qol jetkizý múmkindigi bar. Sol sııaqty qazirgi ýaqytta qordan taǵy 53,5 mln teńge ıgerilip jatyr», - dedi Asqar Saqypkereev ortalyq kommýnıkatsııalar qyzmetinde ótken baspasóz máslıhatynda.

Buǵan deıin habarlaǵanymyzdaı, SQO-da 129 oqýshy koronavırýs juqtyryp, 60 synyp onlaın oqýǵa kóshti.