152 ret qan tapsyrǵan zeınetker "Jyldyń qaıyrymdy adamy" atandy
ALMATY. 28 qazan. QazAqparat /Erlik Erjanuly/ - Almatyda 1959 jyldan beri Qan ortalyǵynyń donory bolyp kelgen zeınetker «Baýyrjan» qaırymdylyq qorynyń "Altyn júrek" syılyǵynyń ıegeri atandy.
"Bul jalǵyz maǵan eme, Qan ortalyǵyndaǵy búkil donorǵa kórsetilgen qurmet. Men 54 jyl boıy jylyna 6 ret qan tapsyrdym. Ómir degen ózen eken. Sol ózen aǵyp toqtamaıynsha men qan bere berem. Ómirim úzilmeı, úmitim eshqashn úzilmeıdi", - deıdi Qalısha Turysbekova. Donorlyq qozǵalystyń belsendi nasıhattaýshysy ózgelerge kómek kórsetýden eshqashan bas tartyp kórmepti. Qanǵa muqtaj adamdarǵa kómek qajet kezde alǵashqylardyń biri bolyp qol ushyn sozatyn ardagerdiń jomart júreginiń arqasynda taǵdyry qyl ústinde turǵan kóptegen adamdardyń ómiri saqtalyp, naýqas jandar densaýlyǵyn ońaltqan.
