15–18 mamyr aralǵynda Shyńǵys Aıtmatov kóshesiniń bir bóligi jabylady
ASTANA. KAZINFORM — 15-18 mamyr aralyǵynda Sh. Aıtmatov kóshesiniń Uly Dala dańǵylynan J. Moldaǵalıev kóshesine deıingi ýchaskesi ishinara jabylady.
Sh. Aıtmatov kóshesiniń Uly Dala dańǵylynan J. Moldaǵalıev kóshesine deıingi ýchaskede júrgizilip jatqan qurylys jumystaryna baılanysty, aǵymdaǵy jyldyń 15-18 mamyr aralyǵynda atalǵan ýchaskede kólik qozǵalysy ishinara jabylatyn bolady. Bul rette qozǵalys eki baǵytta joldyń bir jaǵymen uıymdastyrylady.
— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — dep eskertti Kólik jáne jol-kólik ınfraqurylymyn damytý basqarmasynan.
Aıta keteıik, 25 mamyrdan bastap jyldyń sońyna deıin Al-Farabı dańǵyly men F. Ońǵarsynova kóshesiniń qıylysynda kólik qozǵalysy tolyqtaı jabylady.
