150 jas sýretshi Abaı murasyn qylqalammen dáriptedi
ASTANA. KAZINFORM — Astana qalasy Bilim basqarmasynyń uıymdastyrýymen «10 tamyz — Abaı kúnine oraı» qalada uly aqynnyń ádebı-rýhanı murasyn nasıhattaýǵa arnalǵan onkúndik is-sharalar bastaý aldy. Sonyń aıasynda «Abaı álemi balalar kózimen» atty qalalyq kórkemsýret aktsııasy ótti. Bul týraly elorda ákimdigi málim etti.
Іs-shara Mahambet Ótemisuly atyndaǵy Oqýshylar saraıynyń aldyndaǵy alańda ótti. Aktsııa barysynda qalamyzdaǵy jekemenshik qosymsha bilim berý uıymdarynyń 150-ge tarta jas sýretshisi bir mezette Abaıdyń ómiri, shyǵarmashylyǵy, tabıǵat lırıkasy, qara sózderi men rýhanı murasynan shabyt alyp, qııaldaryn shyńdady. Balalar óz týyndylary arqyly Abaı álemin shyǵarmashylyq turǵydan beınelep, onyń ult rýhanııatyndaǵy orny men taǵylymyn sýret óneri arqyly jetkize bildi.
Aktsııa qorytyndysy boıynsha «Abaı álemi balalar kózimen» kórkemsýret aktsııasyna qatysýshylardyń úzdik týyndylary kópshilik nazaryna usynylady. Іs-shara jas sýretshilerdiń shyǵarmashylyq áleýetin tanytyp qana qoımaı, uly aqyn Abaı Qunanbaıulynyń ádebı jáne rýhanı murasyn beıneleý óneri arqyly nasıhattaýǵa múmkindik beredi.
Kórkemsýret aktsııasy balalardyń shyǵarmashylyq áleýetin ashýǵa, kórkemdik talǵamyn qalyptastyrýǵa, ulttyq qundylyqtarǵa degen qurmetin nyǵaıtýǵa, «Adal azamat» birtutas tárbıe baǵdarlamasynyń qundylyqtaryn dáripteýge jáne jas daryndardy qoldaýǵa baǵyttalǵan mańyzdy mádenı-bilim berý bastamalarynyń biri bolyp sanalady.
Aıta keteıik, is-shara Qazaqstan Respýblıkasy Memlekettik qyzmet isteri agenttiginiń Astana qalasy boıynsha departamentiniń qoldaýymen ótti.
Aıta keteıik, «Abaıdyń qara sózderi» ıÝNESKO-nyń «Álem jady» tizilimine enýi múmkin.
Abaı atyndaǵy Memlekettik syılyqqa ótinim qabyldaý bastaldy.
