«150» senim telefonyna astanalyqtar da habarlasa alatyn boldy
ASTANA. Qyrkúıektiń 17-si. QazAqparat - Almaty qalasynda bir jyldan astam ýaqyt «Daǵdarystar ortalyqtary odaǵy» Zańdy tulǵalar birlestiginiń «150» nómirli senim telefonynyń jumys istegeni barshaǵa aıan. Ol qyzmet osy ýaqytqa deıin tek Almaty qalasynyń turǵyndaryna ǵana qol jetimdi bolyp keldi, biraq ústimizdegi jyldan bastap ol senim telefonyna astanalyqtar da habarlasýǵa múmkindik aldy,
dep habarlady QazAqparatqa «Daǵdarystar ortalyqtary odaǵy» Zańdy tulǵalar birlestiginiń úılestirýshisi Dınara Nurtazına.
Onyń aıtýynsha, eger qıyn jaǵdaıǵa tap bola qalsańyz jáne odan ózdiginen shyǵar jol tappaıtyn jaǵdaı bolsa, onda «150» Ulttyq senim telefony túıindi máseleni sheshýdiń birden-bir joly. Telefon táýlik boıy jumys isteıdi, bolmasa, ózińizdi mazalaǵan problemalardy bala-ana@rambler.ru elektrondy meken-jaıyna jazyp qaldyrýǵa da ábden bolady. Habarlardyń qupııalyǵy saqtalady.
