150 myń dollarǵa avtomobıl nómirin satyp aldy
ASTANA. QazAqparat - Shveıtsarııa turǵyny eldiń ońtústik-batysynda Vale kantonynyń bıligi uıymdastyrǵan aýktsıonda VS 1 avtomobıl nómirin 158 myń dollarǵa satyp aldy.
Bul týraly sársenbi, 15 naýryz kúni óńirdiń ákimshilik saıtynda habarlandy.
Anyqtalǵandaı, bul Shveıtsarııadaǵy kólik quralynyń tirkeý belgisi úshin buryn-sońdy tólengen eń qymbat baǵa boldy. Nómir satylymǵa 15 aqpan kúni qoıylǵan, bir aı ótkennen keıin jeńimpaz anyqtaldy.
Bul belgi Vale (Valais) óńirin bildiretin VS áripterinen jáne 1 sanynan turady. Dál osy «bir» nómiri úshin 17 adam talasty.
Satyp alýshynyń esimi men jynysy nómirdi tirkeý barysynda belgili bolady.
